អភិបាល​រាជធានី​ភ្នំពេញ ​ចែក​បាយ​កញ្ចប់ និង​ទឹកបរិសុទ្ធ ដល់​ពលរដ្ឋ​រងគ្រោះ ដោយ​ទឹកជំនន់

138
ចែករម្លែក

ដោយៈ រ៉ា​ម៉ន / ភ្នំពេញៈ ប្រជាពលរដ្ឋ ដែល​រងគ្រោះ ដោយ​ទឹកជំនន់ ជន់​លិច​លំនៅ ឋាន របស់ពួកគាត់ ហើយ​ត្រូវបាន​អាជ្ញាធរ រាជធានី​ភ្នំពេញ ជម្លៀស​មកកាន់​ទីទួល​សុវត្ថិភាព រួចហើយបានទទួល​ការឧបត្ថម្ភ ជា​បាយ​កញ្ចប់ ទឹកបរិសុទ្ធ ជាមួយនឹង​ការ ដាក់​ស្នាក់នៅ ក្រោម​រោង​ប្រក់​តង់ ដែល​រៀបចំឡើង ដោយ​អាជ្ញាធរ​រាជធានី​ភ្នំពេញ ។​

​លោក ឃួ​ង ស្រេង អភិបាល​រាជធានី​ភ្នំពេញ នៅ​ព្រលប់​ថ្ងៃទី​១៥ តុលា នេះ គឺ​ក្រោយពី​ដើរ​ចែក​បាយ​កញ្ចប់ ជូន​ប្រជាពលរដ្ឋ គ្រប់គ្នា​ហើយ លោក​ក៏បាន​បន្តដំណើរ ដោយ​រថយន្ត របស់​ទាហានជើងទឹក ដើម្បី​ពិនិត្យមើល ស្ថានភាព​ប្រជាពលរដ្ឋរងគ្រោះ​នៅតាម​ផ្ទះ ផ្លូវ​ចំការ​ដូង (២១៧) ក្នុង​សង្កាត់​ស្ពានថ្ម ខណ្ឌដង្កោ​នេះ ដើម្បី​បន្ត​កិច្ចការងារ លើ​ការងារ​សង្គ្រោះ និង​បានដឹង​ពី ស្ថានភាព​ពិត​ជាក់ស្តែង​។​

អភិបាល​រាជធានី​ភ្នំពេញ ​ចែក​បាយ​កញ្ចប់ និង​ទឹកបរិសុទ្ធ ដល់​ពលរដ្ឋ​រងគ្រោះ ដោយ​ទឹកជំនន់

​លោក ឃួ​ង ស្រេង បានបញ្ជាក់​ថាៈ នៅ​យប់​នេះ កម្លាំង​នឹង​ចេញ​ល្បាត ពី​ស្ពាន​ព្រែក​ជ្រៃ ដល់​រង្វង់​មូល​កួរ​ស្រួ​វ បើ​បងប្អូន​ប្រជាពលរដ្ឋ មិនទាន់​ចេញពីផ្ទះ ហើយ​ត្រូវការ​សង្គ្រោះបន្ទាន់ សូម​បងប្អូន ​ទំនាក់ទំនង មកកាន់​អាជ្ញាធរ សង្កាត់​ស្ពានថ្ម ដែលមាន​លេខ 015 466654 \ 0974932111 និង​លោក ​មេ​ប៉ុស្តិ៍ លេខ 088 9554956 \ 0979595686 ។​

​បើតាម​អាជ្ញាធរ បានបញ្ជាក់​ថាៈ ប្រជាពលរដ្ឋ​រងគ្រោះ នៅក្នុង​តំបន់​ខាងលើ មាន​ចំនួន ២.៨០០ នាក់ ហើយ​ក្នុង​ចំនួន​នេះ ចាប់តាំងពី​យប់ ថ្ងៃទី​១៤ តុលា រហូត​​មកដល់​ព្រលប់ ថ្ងៃទី​១៥ តុលា នេះ កម្លាំង​យើង​បាន​ជម្លៀស ប្រជាពលរដ្ឋ មកកាន់​ទីទួល​សុវត្ថិភាព បាន​ប្រមាណ ២.០០០ នាក់​ហើយ​។ ប៉ុន្តែ​ទោះបី ជា​យ៉ាងណាក្តី នៅពេលនេះ និង​យប់​នេះ អាជ្ញាធរ និង​កងកម្លាំង បាននិងកំពុង​បន្ត សកម្មភាព​ជួយសង្គ្រោះ យ៉ាង​ជាប់ដៃ​បន្តទៀត ៕​/V

អភិបាល​រាជធានី​ភ្នំពេញ ​ចែក​បាយ​កញ្ចប់ និង​ទឹកបរិសុទ្ធ ដល់​ពលរដ្ឋ​រងគ្រោះ ដោយ​ទឹកជំនន់
អភិបាល​រាជធានី​ភ្នំពេញ ​ចែក​បាយ​កញ្ចប់ និង​ទឹកបរិសុទ្ធ ដល់​ពលរដ្ឋ​រងគ្រោះ ដោយ​ទឹកជំនន់
អភិបាល​រាជធានី​ភ្នំពេញ បាន​បន្តដំណើរ ដោយ​រថយន្ត របស់​ទាហានជើងទឹក
ដើម្បី​ពិនិត្យមើល ស្ថានភាព​ប្រជាពលរដ្ឋ រងគ្រោះ​នៅតាម​ផ្ទះ

ទីតាំងផ្សាយពាណិជ្ជកម្ម