ប្រារព្ធ​ព្រះរាជ​ពិធី​បង្សុកូល​ថ្វាយ​ព្រះ​រាជកុសល​ចំពោះ​ព្រះ​វិញ្ញាណក្ខន្ធ​ព្រះ​បរម​រតន​កោដ្ឋ​

189
ចែករម្លែក

ដោយ​កាំ​ពី​/​ក្រចេះ​៖ នៅ​ល្ងាច​ថ្ងៃទី​១៥​ខែតុលា ឆ្នាំ​២០២០​នេះ​រដ្ឋបាល​ខេត្តក្រចេះ និង​មន្ត្រីរាជការ កម្លាំងប្រដាប់អាវុធ​គ្រប់លំដាប់​ថ្នាក់ រួម​និង​ប្រជាពលរដ្ឋ បាន​អញ្ជើញ​ចូលរួម​ក្នុង​ពិធីសូត្រមន្ត​បង្សុកូល ឧទ្ទិស​ថ្វាយ​ព្រះរាជ​កុសល​ចំពោះ​ព្រះ​វិញ្ញាណក្ខន្ធ ព្រះករុណា​ព្រះមហា​វីរ​:​ក្សត្រ ព្រះ​បរម​រតន​កោដ្ឋ ។​ដោយមាន​ការចូលរួម​ពី​លោក ហឿ ស៊ី​យ៉ែម ប្រធាន​ក្រុមប្រឹក្សា រួម​និង​លោកស្រី និង​លោក វ៉ា ថន អភិបាលខេត្ត រួម​និង​លោកស្រី​ផង​។

​ពិធី​បង្សុកូល​ថ្វាយ​ព្រះ​រាជកុសល​ព្រះករុណា​ព្រះ​បរម​រតន​កោដ្ឋ​ត្រូវបាន​ប្រារព្វ​ធ្វើ​ទៅតាម​ទំនៀមទម្លាប់​ប្រពៃណី​ព្រះពុទ្ធសាសនា ដោយ​មានការ​និមន្ត​ព្រះសង្ឃ​ចម្រើន​ព្រះ​បរិត្ត និង​ប្រគេន​យាគូ​ដល់​ព្រះសង្ឃ វេរ​ភត្តាហារ ប្រគេន ដល់​ព្រះសង្ឃ បង្សុកូល​ឧទ្ទិស​ថ្វាយ​ព្រះ​រាជកុសល ចំពោះ​ព្រះ​វិញ្ញាណក្ខន្ធ ព្រះករុណា​ព្រះមហា​វីរ​:​ក្សត្រ ព្រះ​បរម​រតន​កោដ្ឋ ព្រះរាជ​ទិ​គុណ​ដ៏​ឧ​ត្តុ​ង​ឧ​ត្ត​ម​នូវ​ស្នា​ព្រះ​ហ​ស្ថ ។​


​ក្នុងការ​ការពារ​នូវ​មរតក​ជាតិ​សាសនា ទុក​សម្រាប់​កូនចៅ​ជំនាន់​ក្រោយ គឺ​ជោគជ័យ​នៃ​កម្ពុជា ក្នុងការ​ដណ្តើមយក​ឯ​ក​រាជ្យ​ជាតិ​ពី​អាណានិគមនិយម​បារាំង​សេស នា​ឆ្នាំ​១៩៥១ និង​ការទាមទា​នូវ​ប្រាសាទព្រះវិហារ​ខ្មែរ​មកវិញ ពី​សំណាក់​សៀម​ឈ្លានពាន​នា​ឆ្នាំ​១៩៦២ ការបង្រួបបង្រួម​ផ្សះផ្សា​ជាតិ និង​សមិទ្ធផល​ធំៗ​ជាច្រើន​ទៀតផង​ដែរ ដោយ​ក្នុងនោះ​រួមមាន ៖ សាសនា សេរីភាព សមភាព សមធម៌ យុត្តិធម៌ មនុស្សធម៌ និង ការអភិវឌ្ឍន៍ សេដ្ឋកិច្ច សង្គម ។
​សូមឱ្យ​មហា​ព្រះរាជ​កុសលផល​បុណ្យ ដែល​មន្ត្រី​សង្ឃ អាជ្ញាធរខេត្ត និង ពុទ្ធបរិស័ទ​បានធ្វើ​នាពេលនេះ សូម​ឧទ្ទិស​ដល់​ដួង​ព្រះ​វិញ្ញាណក្ខន្ធ​ព្រះ​បរម​រតន​កោដ្ឋ ទ្រង់​គង់ប្រថាប់​ដោយ​សុខក្សេមក្សាន្ត​ក្នុង​ទីឋាន​ព្រះ​បរមសុខ និង​សូម​ថែរក្សា​ប្រទេស​កម្ពុជា​ទទួលបាន តែ​សុខសន្តិភាព វិបុលភាព និង​រីកចម្រើន​ជានិច្ច​និរន្តរ៍​តរៀង​ទៅ ។​

​ការបាត់​ព្រះករុណា​សម្តេច ព្រះ​នរោត្តម សីហនុ ព្រះមហាវីរក្សត្រ ព្រះវររាជបិតា​ជាតិ ព្រះ​បរម​រតន​កោដ្ឋ បានធ្វើ​ឲ្យ​យើង​ជា​កូន ជា​ចៅ ចៅទួត ចៅលួត របស់​ព្រះអង្គ មាន​ក្តី​សោកស្តាយ អាឡោះអាល័យ​រក​ទីបំផុត​គ្មាន ព្រមទាំង​ឲ្យ​ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និង ប្រជានុរាស្ត្រ​របស់​ព្រះអង្គ នឹកឃើញ​នូវ​ព្រះ​គុណូបការៈ​ដ៏​ថ្លៃថ្លា និង​វិសេសវិសាល​ដ៏​ឧត្តុង្គឧត្តម នូវ​ស្នា​ព្រ​ហស្ត៍​របស់​ព្រះករុណា ដែល​បាន​បន្សល់ទុក​នៅ​សម​ទ្ធិ​ផល​ជាច្រើន សម្រាប់​ជាតិ​មាតុភូមិ​។


​ក្នុង​មួយ​ព្រះជន្ម​របស់​ព្រះអង្គ ព្រះអង្គ​បាន​លះបង់​ទាំង​ព្រះកាយពល និង ព្រះ​បញ្ញាញាណ ដើម្បី​បុព្វហេតុ​ជាតិ ។ ជាងនេះទៅទៀត ព្រះ​វីរៈ​សកម្មភាព​របស់​ព្រះអង្គ ដែល​បានធ្វើ​ឲ្យ​ព្រះរាជាណាចក្រ​កម្ពុជា ទទួលបាន​ឯករាជ្យ បូរណភាព​ទឹកដី ឯកភាព​ជាតិ អ​ព្យា​ក្រឹត្យ​ភាព និង កិត្យានុភាព​ដ៏​ល្បីល្បាញ​នៅលើ​សកលលោក​ទៀតផង ៕S/​

ទីតាំងផ្សាយពាណិជ្ជកម្ម