ក្នុង​១​ថ្ងៃ មាន​ប្រាំ​នាក់ ស្លាប់​ដោយ​លង់ទឹក​ជំនន់ នៅ​បន្ទាយមានជ័យ

192
ចែករម្លែក

ដោយៈ ប​.​ជ័យ / បន្ទាយ​មាន​ជ័​យៈ ពលរដ្ឋ និង​កុមារ ប្រាំ​នាក់​ទៀត ស្លាប់​ដោយ​លង់ទឹក​ជំនន់ នៅ​ខេត្តបន្ទាយមានជ័យ តែ​១​ថ្ងៃ ក្នុង​ថ្ងៃទី​១៥ ខែតុលា ឆ្នាំ​២០២០ ។​

​ប្រភពព័ត៌មាន​ពី​សមត្ថកិច្ច បានអោយ​កាសែត​រស្មី​កម្ពុជា កាលពី​ល្ងាច ថ្ងៃទី​១៥ ខែតុលា​ថាៈ ជនរងគ្រោះ​ឈ្មោះ ម៉ន វួ​ន អាយុ ៤៥ ឆ្នាំ (​ជា​មនុស្ស​វិកល​ច​រិ​ក​) បាន​លង់ទឹក​ស្លាប់ កាលពី​ម៉ោង ១២ ថ្ងៃត្រង់ នៅ​ភូមិ​ក្បាលស្ពាន សង្កាត់​ព្រះ​ពន្លា ក្រុង​សិរីសោភ័ណ​។ ឯ​ប្រជាពលរដ្ឋ នៅ​ភូមិ​ព្រៃ​វេ​ង ឃុំ​គំរូ ដែល​រងគ្រោះ លង់ទឹក​ជំនន់ មានឈ្មោះ លី សាង ភេទ​ស្រី អាយុ​៤៣​ឆ្នាំ និង​កូន​ឈ្មោះ ច​យ អឿង អាយុ ១៨ ឆ្នាំ បាន​លង់ទឹក​ស្លាប់ តាំងពី​ម៉ោង ១២ រហូតមកដល់​ពេលនេះ មិនទាន់​រកឃើញ​សព​នៅឡើយ​ទេ​។​

​ឯ​សមត្ថកិច្ច នៅ​ស្រុក​មង្គល​បូរី បានអោយដឹងថាៈ នៅថ្ងៃនេះ ពលរដ្ឋ​ម្នាក់ នៅ​ឃុំ​តា​ឡំ បាន​លង់ទឹក​ស្លាប់ ហើយ​មាន​រូប តែ​មិនទាន់​ស្គាល់ឈ្មោះ ។​

ឯ​នៅ​ស្រុក​ស្វាយចេក នា​ថ្ងៃទី​១៥ តុលា នេះដែរ ក៏មាន​ពលរដ្ឋ​ម្នាក់ លង់ទឹក​ស្លាប់ នៅ​ភូមិ​ខ្វាវ​លិច ឃុំ​-​ស្រុក​ស្វាយចេក ក៏​មិនទាន់​ស្គាល់ឈ្មោះ​ដែរ ៕/V

ក្នុង​១​ថ្ងៃ មាន​ប្រាំ​នាក់ ស្លាប់​ដោយ​លង់ទឹក​ជំនន់ នៅ​បន្ទាយមានជ័យ
ក្នុង​១​ថ្ងៃ មាន​ប្រាំ​នាក់ ស្លាប់​ដោយ​លង់ទឹក​ជំនន់ នៅ​បន្ទាយមានជ័យ
ក្នុង​១​ថ្ងៃ មាន​ប្រាំ​នាក់ ស្លាប់​ដោយ​លង់ទឹក​ជំនន់ នៅ​បន្ទាយមានជ័យ

ទីតាំងផ្សាយពាណិជ្ជកម្ម