អ្នកនាំពាក្យ​រដ្ឋបាល រាជធានី​ភ្នំពេញ បដិសេធ​ព័ត៌មាន សត្វ​ក្រពើ រួច​ចេញពី​កសិដ្ឋាន​

333
ចែករម្លែក

ដោយៈ មុនី​រ័ត្ន / ភ្នំពេញៈ អ្នកនាំពាក្យ​រដ្ឋបាល រាជធានី​ភ្នំពេញ បាន​បដិសេធ​ចំពោះ​ព័ត៌មាន ដែលថា មាន​សត្វ​ក្រពើ រួច​ចេញពី​កសិដ្ឋាន នៅ​ភូមិ​ក្រាំងស្វាយ សង្កាត់​ព្រែក​កំ​ពិស ខណ្ឌដង្កោ នៅ​ថ្ងៃទី​១៥ ខែតុលា ឆ្នាំ​២០២០ នេះ គឺជា​ព័ត៌មាន​មិន​ពិត​នោះទេ ។​

​ទាក់ទង​ព័ត៌មាន សត្វ​ក្រពើ រួច​ចេញពី​កសិដ្ឋាន​នេះ ត្រូវបាន​អ្នកនាំពាក្យ​រដ្ឋបាល រាជធានី​ភ្នំពេញ បញ្ជាក់ថាៈ ព័ត៌មាន​ដែលថា មាន​សត្វ​ក្រពើ រួច​ចេញពី​កសិដ្ឋាន មក​ខាងក្រៅ គឺ​មិនមែនជា​រឿង ពិតប្រាកដ​ទេ គឺ​គ្រាន់តែ​ចេញពី​ក្នុង​អាង ដែល​ស្ថិតនៅក្នុង​កសិដ្ឋាន តែ​វា​ស្ថិតនៅក្នុង​ការហ៊ុមព័ទ្ធ ដោយ​កសិដ្ឋាន​ដដែល គឺ​មិនមាន​ការចេញ មក​ខាងក្រៅ​ទេ ។ ហើយ​វា​ពុំមាន​អ្វី​ជាការ​ព្រួយបារម្ភ ទៅដល់​ប្រជាពលរដ្ឋ​ទេ​។​

​អ្នកនាំពាក្យ​រដ្ឋបាល រាជធានី​ភ្នំពេញ បានបញ្ជាក់​យ៉ាង​ដូច្នេះ​ថាៈ ” ពិតជា​មាន ប៉ុន្តែ​គ្រាន់តែ​ចេញពី​អាង​មួយ ដែល​នៅក្នុង​កសិដ្ឋាន​ធំ វា​ស្ថិតនៅក្នុង របង​ហ៊ុមព័ទ្ធ​ទីតាំង របស់គេ​ត្រឹមត្រូវ មិនមែនជា​ការបារម្ភ​ទេ ” ។​

​ការបញ្ជាក់​របស់ អ្នកនាំពាក្យ​រដ្ឋបាល រាជធានី​ភ្នំពេញ បានធ្វើ​ឡើង បន្ទាប់ពី​បណ្តាញ​សង្គម​ហ្វេ​ស​ប៊ុ​ក មួយចំនួន និង​សារព័ត៌មាន​ក្នុងស្រុក បាន​ផ្សព្វផ្សាយ​ថា មាន​សត្វ​ក្រពើ រួច​ចេញពី​កសិដ្ឋាន​ចិញ្ចឹម មក​ខាងក្រៅ ខណៈពេលដែល នៅ​ភូមិ​ក្រាំងស្វាយ សង្កាត់​ព្រែក​កំ​ពិស ខណ្ឌដង្កោ កំពុងតែ​រង​នូវ ការ​ជន់​លិច ដោយ​ជំនន់​ទឹកភ្លៀង ដែលជា​ហេតុ​ធ្វើ​ឲ្យ ប្រជាពលរដ្ឋ នៅ​តំបន់​នោះ មានការ​ព្រួយបារម្ភ ពី​សុវត្ថិភាព៕/V

លោក ម៉េតមាស​ភក្តី អ្នកនាំពាក្យ​រដ្ឋបាល រាជធានី​ភ្នំពេញ​

ទីតាំងផ្សាយពាណិជ្ជកម្ម