Home ព័ត៌មានអន្តរជាតិ ទាហាន​ថែរក្សា...

ទាហាន​ថែរក្សា​សន្តិភាព​សហប្រជាជាតិ​ត្រូវបាន​សម្លាប់​នៅ​ក្នុងការ​បំផ្ទុះ​គ្រាប់បែក​បង្កប់​តាម​ផ្លូវ​នៅ​ប្រទេស​ម៉ាលី​

​បេសកកម្ម​របស់​អង្គការសហប្រជាជាតិ​បាន​និយាយ​ថា​កងទ័ព​រក្សា​សន្តិភាព​របស់​អង្គការសហប្រជាជាតិ​ម្នាក់​ត្រូវបាន​សម្លាប់​នៅ​ប្រទេស​ម៉ាលី​និង​ម្នាក់​ទៀត​រងរបួស​ធ្ងន់​បន្ទាប់​ពី​រថយន្ត​របស់​ពួក​​គេ​បាន​កិន​គ្រាប់បែក​បង្កប់​នៅតាម​ផ្លូវ កាលពី​ថ្ងៃ​ព្រហស្បតិ៍​ទី​១៥​តុលា​។​

​ការផ្ទុះ​នេះ​បាន​កើត​ឡើង​នៅ​ចម្ងាយ​ប្រមាណ​៥០ គីឡូម៉ែត្រ​ពី​ភាគខាងត្បូង​នៃ​ទីក្រុង​គី​ដាល់ នៅក្នុង​អំពើ​ហិង្សា​ចុងក្រោយ​ដែល​បាន​កើត​ឡើង​នៅ​រដ្ឋ​សា​ហែល ដែល​មាន​ជម្លោះ​នេះ​។​

​គ្រូបង្រៀន​ម្នាក់​បាន​ប្រាប់​សារព័ត៌មាន​AFP ថា​ក្រុម​ទាហាន​អេ​ហ្ស៊ី​ប​នៃ​បេសកកម្ម​រក្សា​សន្តិភាព​របស់​អង្គការ​សហប្រជាជាតិ​នៅ​ប្រទេស​ម៉ាលី​បាន​ការពារ​ក្បួន​រថយន្ត​ផ្គត់ផ្គង់​នៅ​ពេល​រថយន្ត​មួយ បាន​​កិន​មីន​ហើយ​ផ្ទុះ​។​

​ប្រទេស​ម៉ាលី​បាន​តស៊ូ​ដើម្បី​ទប់ទល់​នឹង​ការបះបោរ​របស់​ក្រុម​ជី​ហា​ដដែល​បាន​លេច​មុខជា​លើកដំបូង​នៅ​តំបន់​ភាគ​ខាងជើង កាលពី​ឆ្នាំ ២០១២​ហើយ​ចាប់តាំងពី​ពេលនោះ​មក​បាន​រាលដាល​ចូលដល់​​ភាគ​កណ្តាល​នៃ​ប្រទេស​នេះ​និង​ប្រទេស​បូ​គី​ណាហ្វា​សូនិង នី​ហ្សេ ជា​ប្រទេស​ជិតខាង ។​

​ទាហាន​និង​ជន​ស៊ីវិល​រាប់ពាន់​នាក់​ត្រូវបាន​សម្លាប់​នៅក្នុង​ជម្លោះ​នេះ​រហូត​មកដល់ពេលនេះ​ហើយ​មនុស្ស​រាប់សែន​នាក់ បាន​ភៀសខ្លួន​ចេញពីផ្ទះ​របស់​ពួកគេ​។​

​អង្គការសហប្រជាជាតិ​ដាក់ពង្រាយ​កងទ័ព​ប្រមាណ​ជា ១៣.០០០​នាក់​នៅ​ប្រទេស​ម៉ាលី​ដែលជា​ផ្នែក​មួយ​នៃ​បេសកកម្ម​ថែរក្សា​សន្តិភាព​របស់​ខ្លួន​ដែល​មានឈ្មោះ​ថា​បេសកម្ម​Minusma​។​

​កងទ័ព​ថែរក្សា​សន្តិភាព​របស់​អង្គការសហប្រជាជាតិ​ជាង ២២០ នាក់​បាន​បាត់បង់​ជីវិត​នៅ​ប្រទេស​ម៉ាលី​ចាប់តាំងពី​បាន​ដាក់ពង្រាយ​លើកដំបូង​នៅ​ឆ្នាំ ២០១៣ ៕

កងទ័ព​ថែរក្សា​សន្តិភាព​របស់​អង្គការ​សហប្រជាជាតិ​នៅ​ម៉ាលី​

ទីតាំងផ្សាយពាណិជ្ជកម្ម

- Advertisment -

Most Popular