ដោយ: គ្រញូង / បាត់ដំបង: នៅថ្ងៃទី១៥ខែតុលាឆ្នាំ២០២០ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យក្រុមការងារសាខាកាកបាទក្រហមកម្ពុជាខេត្តបាត់ដំបង ដឹកនាំដោយលោកបណ្ឌិត ប៊ុត គឹមស៊ាន ប្រធានគណៈកម្មាធិការសាខា និងសហការីរួមជាមួយលោកនាយកវិទ្យាល័យគោលដៅ បាននាំកម្លាំងយុវជនកាកបាទក្រហកម្ពុជា ចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ចែកជូនប្រជាពលរដ្ឋរងគ្រោះដោយទឹកជំនន់ធ្ងន់ធ្ងរចំនួន៤០១គ្រួសារ ក្នុងនោះអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន១៥០គ្រួសារ និងអំណោយសប្បុរសជន តាមរយៈសាខាកាកបាទក្រហមកម្ពុជាខេត្តចំនួន២៥១គ្រួសារ នៅក្នុងស្រុកចំនួន៤រួមមានឃុំតាក្រីស្រុកកំរៀងចំនួន១០១គ្រួសារ ស្រុករុក្ខគីរីចំនួន១៥០គ្រួសារ (អំណោយសប្បុរសជន) ដឹកនាំដោយលោកបណ្ឌិត ប៊ុត គឹមស៊ាន, ស្រុកឯកភ្នំចំនួន៥០គ្រួសារ ដឹកនាំដោយលោកនាយកវិទ្យាល័យនេតយ៉ង ស្រុកសង្កែ ឃុំអូរដំបង១ ដឹកនាំដោយលោកនាយកវិទ្យាល័យសម្តេចឪចំនួន៥០គ្រួសារ ឃុំអន្លង់វិលចំនួន៥០គ្រួសារ ដឹកនាំដោយលោកប្រធានក្រុមកាកបាទក្រហមឃុំអន្លង់វិលស្រុកសង្កែ។
សូមបញ្ជាក់ថា កម្មវិធីផ្តល់អំណោយនេះ បានប្រារព្វនៅ៥ទីតាំងផ្សេងៗគ្នា ក្នុងនោះមាននៅទីទួលសុវត្ថិភាព និងចុះតាមខ្នងផ្ទះផងដែរ។
លោកបណ្ឌិតបានអំពាវនាវសូមអាណាព្យាបាលប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកូនតូចៗ ដែលងាយប្រឈមនឹងគ្រោះថ្នាក់នេះ។
សូមបញ្ជាក់ថា គ្រួសាររងគ្រោះនីមួយៗទទួលបាន អំណោយរបស់សម្តេចកិត្តិព្រឹទ្ធបណ្ឌិតនូវអង្ករ ៣០គីឡូក្រាម មី១កេសត្រីខ១០កំប៉ុងនិងទឹកស៊ីអ៊ីវ៦ដប។ ដោយឡែកអំណោយសប្បុរសជនតាមរយៈសាខាខេត្ត ក្នុងនោះស្រុករុក្ខគីរីចំនួន១៥០គ្រួសារ ក្នុង១គ្រួសារទទួលបានអង្ក២៥គីឡូក្រាមមី១កេសទឹកស៉ីអ៉ីវ១យួរ (៦ដប),ត្រីខ៥កំប៉ុង ស្កសរ១គីឡូ អំបិល១គីឡូនិងទឹកក្រូច១០កំប៉ុង។ ដោយឡែកស្រុកកំរៀងចំនួន១០១គ្រួសារក្នុង១គ្រួសារទទួលបានអង្ករ៦គីឡូក្រាម,មី១កេស ត្រីខ១យួរ ទឹកសុទ្ធ ទឹកត្រី ទឹកស៊ីអ៉ីវ និងថវិកាមួយចំនួនផងដែរ៕ ល
