Home ព័ត៌មានអន្តរជាតិ ឥណ្ឌូណេស៊ី​វ៉...

ឥណ្ឌូណេស៊ី​វ៉ា​ដាច់​ហ្វីលីពីន ក្លាយជា​ប្រទេស​ឆ្លង​វីរុស​ខ្លាំង​នៅ​អាស៊ីអាគ្នេយ៍​

​ប្រទេស​ឥណ្ឌូណេស៊ី​បាន​វ៉ា​ដាច់​ប្រទេស​ហ្វីលីពីន​ដោយ​ក្លាយជា​ប្រទេស​មាន​ករណី​ឆ្លង​វីរុស​កូវី​ដ​១៩​ ​ខ្ពស់​ជាង​គេ​នៃ​តំបន់​អាស៊ីអាគ្នេយ៍ កាលពី​ថ្ងៃ​ព្រហស្បតិ៍​ទី​១៥​ខែតុលា ខណៈ​ដែល​ប្រទេស​នេះ​កំពុង​ខំ​​ប្រឹងប្រែង​ទប់ស្កាត់​ការឆ្លង​វីរុស​ដែល​កើនឡើង​និង​ករណី​ឆ្លង​ថ្មីៗ​ដែល​កើនឡើង​ដល់​ប្រមាណ​៤.០០០ នាក់​ក្នុង​មួយថ្ងៃ​។​

​ជាមួយ​នឹង​ករណី​ឆ្លង​ថ្មី​ចំនួន​៤.៤១១​នាក់ ក្នុង​រយៈពេល ២៤​ម៉ោង​កន្លងមកនេះ ប្រទេស​ឥណ្ឌូណេស៊ី​ដែល​មាន​ចំនួន​ប្រជាជន​ច្រើន​បំផុត​ទី​៤​នៅលើ​ពិភពលោក​នេះ មាន​ករណី​ឆ្លង​វីរុស​កើនឡើង​ដល់​ ៣៤៩.១៦០ នាក់ កាលពី​ថ្ងៃ​ព្រហស្បតិ៍ ដែល​ជា​ចំនួន​ខ្ពស់​បំផុត​នៅ​អាស៊ីអាគ្នេយ៍​។ ឥណ្ឌូណេស៊ី​មាន​អ្នក​ស្លាប់​ដោយ​ជំងឺ​នេះ​ចំនួន ១២.២៦៨ នាក់ ដែល​ជា​ចំនួន​ខ្ពស់​បំផុត​នៅក្នុង​តំបន់​នេះ​។​

​ហ្វីលីពីន​កាលពី​ថ្ងៃ​១៥​តុលា​ បាន​រាយការណ៍​ករណី​ឆ្លង​ថ្មី​ចំនួន​២.២៦១​នាក់​នៅ​២៤​ម៉ោង​កន្លងទៅ ដែលនាំឱ្យ​កើនឡើង​ករណី​ឆ្លង​ដល់​៣៤៨.៦៩៨​នាក់​និង​មាន​អ្នកស្លាប់​ដោយ​ជំងឺ​នេះ​ចំនួន​៦.៤៩៧​នាក់​៕​ប្រែ​សម្រួល​៖​សុខា​/sn/Ha

គិត​មក​ត្រឹម​ថ្ងៃទី​១៥​ខែតុលា ឥណ្ឌូនេស៊ី​មាន​ករណី​ឆ្លង​វីរុស​កើនឡើង​ដល់ ៣៤៩.១៦០ នាក់

ទីតាំងផ្សាយពាណិជ្ជកម្ម

- Advertisment -

Most Popular