ជំនន់​ទឹកស្ទឹង​ព្រែក​ត្នោត​នៅ​ខាងលើ​ធូរស្រាល តែ​ភ្លៀង​ច្រើនជា​ថ្មី​ជិត​មកដល់​ទៀត​

330
ចែករម្លែក

ដោយៈ​ប​.​ខុន​/​ភ្នំពេញៈ​ទឹកស្ទឹង​ព្រែក​ត្នោត​នៅ​ទ្វារ​ទឹក​រលាំង​ជ្រៃ​បាន​ស្រក​ផុត​កម្ពស់​ត្រូវ​រក្សាទុក​ហើយ​។​មានន័យថា ​ជំនន់​ស្ទឹង​ព្រែក​ត្នោត​នៅ​ភាគ​ខាងលើ​បាន​ធូរស្រាល ច្រើន តែ​ក៏​ដល់ពេល​ភ្លៀង​ធ្លាក់​ច្រើន​ជាថ្មី​ក៏បាន​មកដល់​ដែរ បន្ទាប់ពី​សម្ពាធទាប នៅលើ​ប្រទេស​កម្ពុជា​បាន​បង្កើន​ឥទ្ធិពល​ទៅជា​សម្ពាធ​ទាប​សកម្ម​នៅ​ចុង​នៃ​ប្រព័ន្ធ​សម្ពាធ​ទាប​ ហើយ​រំកិល​ចូលទៅក្នុង​សមុទ្រ​ចិន​ខាងត្បូង​នៅ​ខាងកើត​ឆ្នេរ​ប្រទេស​វៀតណាម​ក្នុងពេល​វិ​សម្ពាធ​(TD )​មិនបាន​ក្លាយទៅជា​ព្យុះ​និង​ដើរមក​កាន់តែ​កៀក​នឹង ឆ្នេរក្រោម​ភាគ​កណ្តាល​ប្រទេស​វៀតណាម ។​

ទិដ្ឋភាពនៅក្រុងព្រៃវែងព្រឹកនេះ(រូបថតកក្រសួងធនធានទឹក)


​លោក​ចាន់​យុ​ត្ថា ​អ្នកនាំពាក្យ​និង​ជា​រដ្ឋលេខាធិការ​ក្រសួង​ធនធានទឹក​និង​ឧតុនិយម​បាន​ប្រាប់​ឱ្យ​រស្មី​កម្ពុជា​ដឹង​នៅ​ព្រឹក​ថ្ងៃទី​១៦​ខែតុលា​ថា​ ស្ថានភាព​ទឹកស្ទឹង​ព្រែក​ត្នោត​នៅ​ភាគ​ខាងលើ​ក្នុង​ខេត្តកំពង់ស្ពឺ​បាន​ធូរស្រាល​ច្រើន​ហើយ​នៅថ្ងៃនេះ​(១៦​តុលា​)​ដូចជា​នៅ​អាងទឹក​តា​សាល​ ទ្វារ​ទឹក​ត្រូវបាន​បិទ​រក្សា​ទឹក​ទុក​,​មានទឹក​ហូរ​លើ​ទំនប់​បង្ហៀរ​នៅ​ពាម​ឃ្លៃ​ ទឹក​មាន​កម្ពស់​៦​ម៉ែត្រ​ទាប​ជាង​ថ្ងៃទី​១៥​តុលា​ ១,៤៥​ម៉ែត្រ​,​នៅ​ទ្វារ​ទឹក​រលាំង​ជ្រៃ ​ទឹក​មាន​កម្ពស់​៦,៨៨​ម៉ែត្រ ​ទាប​ជាង​ថ្ងៃទី​១៥​តុលា​០,៨០​ម៉ែត្រ​(​កម្ពស់​ទឹក​រក្សាទុក​៧​ម៉ែត្រ​)​ក៏បាន​ទម្លាក់​ទ្វារ​ទឹកចុះ​ដែរ​។​


អ្នកនាំពាក្យ​ក្រសួង​ជំនាញ​ដដែល​ថា​ សម្ពាធ​ទាប​មួយ​នៅ​ខាងចុង​នៃ​ប្រព័ន្ធ​សម្ពាធ​ទាប​ដែល​ស្ថិតនៅលើ​ប្រទេសកម្ពុជា​បាន​បង្កើន​ឥទ្ធិពល​ទៅជា​សម្ពាធ​ទាប​សកម្ម​(ACTIVELOW)​ ហើយ​រំកិល​ចូលទៅក្នុង​សមុទ្រ​ចិន​ខាងត្បូង​នៅ​ខាងកើត​ឆ្នេរ​ប្រទេស​វៀតណាម​ ធ្វើឱ្យ​ផ្ទៃមេឃ​មាន​សភាព​អាប់អួ​និង​មាន​ភ្លៀងរលឹម​ធ្លាក់​រាយប៉ាយ​ច្រើន​ក្នុង​ក្របខ័ណ្ឌ​ទូទាំងប្រទេស​។​

ទិដ្ឋភាពនៅក្រុងព្រះសីហនុព្រឹកនេះ(រូបក្រសួងធនធានទឹក)


​ឯ​វិ​សម្ពាធ​ដែល​កំពុងមាន​ចលនា​នៅក្នុង​សមុទ្រ​ចិន​ខាងត្បូង​ត្រូវបាន​អ្នកនាំពាក្យ​ខាងលើ​បញ្ជាក់​យ៉ាងនេះ​ថា​ វា​មិនបាន​វិ​វត្ត​ទៅជា​ព្យុះ​ទេ​។​គឺ​នៅក្នុង​កម្រិត​ជា​វិ​សម្ពាធ​ដើរមក​រក​ឆ្នេរ​ខាងក្រោម​ភាគ​កណ្តាល​ប្រទេស​វៀតណាម ​រួច​នឹង​រំកិល​ឡើង​ទៅរក​ឈូង​សមុទ្រ​តុងកឹង​ ដោយបាន​នាំទៅ​ជាមួយ​នូវ​សម្ពាធ​ទាប​សកម្ម​និង​ប្រព័ន្ធ​សម្ពាធ​ទាប​ដែល​នៅ​ពីលើ​ប្រទេស​កម្ពុជា​ច្រើន​ថ្ងៃ​មកហើយ​ទៅជា​មួយផងដែរ​។​
​លោក​ចាន់​យុ​ត្ថា​ឱ្យដឹងទៀតថា​ ស្ថានភាព​ដូចខាងលើ​បានធ្វើ​ឱ្យនៅ​ថ្ងៃទី​១៦​តុលា​មាន​សភាព​អាប់អួ​និង​មាន​ភ្លៀងរលឹម​ធ្លាក់​រាយប៉ាយ​ក្នុង​កម្រិត​ពី​មធ្យម​បង្គួរ​នៅក្នុង​ក្របខ័ណ្ឌ​ស្ទើរទូទាំងប្រទេស​។​នៅ​ថ្ងៃទី​១៧​និង​១៨​តុលា មានភ្លៀង​ធ្លាក់​ច្រើន​នៅ​តំបន់​ខ្ពង់រាបភាគ​ឦសាន ខ្ពង់រាប​ភាគ​ខាងជើង​តំបន់​ទំនាបកណ្តាល​ភាគ​ពាយព្យ​និង​តំបន់​មាត់សមុទ្រ​។​ស្ថានភាព​អាកាសធាតុ​ដូចខាងលើ​នេះ ធ្វើឱ្យទឹកទន្លេ​ងើបឡើង​បន្ត ថែមទៀត​។​

ទិដ្ឋភាពនៅខេត្តសៀមរាបព្រឹកនេះ(រូបថតកក្រសួងធនធានទឹក)


​ចំពោះ​ស្ថានភាព​ទឹកទន្លេ​វិញ​បើ​យោងតាម​ព្រឹ​តិ​ប​ត្រ​ព័ត៌មាន​និង​ព្យាករ​កម្ពស់​ទឹក​របស់​ក្រសួង​ធនធានទឹក​និងឧតុនិយម​ថ្ងៃទី​១៦​តុលា​បង្ហាញ​ឱ្យឃើញ​ថា​នៅ​ស្ទឹងត្រែង​ទឹក​មាន កម្ពស់ ៧,៤៨​ម៉ែត្រ​ទាប​ជាង​ថ្ងៃទី​១៥​ខែ​ក​តុលា ០,១២២​ម៉ែត្រ ​ខ្ពស់ជាង​កម្ពស់​ទឹក​មធ្យម​ច្រើន ឆ្នាំ​១,៣៩​ម៉ែត្រ​។​នៅ​ខេត្តក្រចេះ ទឹក​មាន ក​ម្ពស់​១៧,២៨​ម៉ែត្រ​ខ្ពស់ជាង​ថ្ងៃទី ១៥​ខែតុលា​ ០,១០​ម៉ែត្រ​ខ្ពស់ជាង​កម្ពស់ទឹក មធ្យម ច្រើន​ឆ្នាំ​២,០៤​ម៉ែត្រ ។​នៅ​ខេត្ត​កំពង់ចាម​ទឹក​ មាន​កម្ពស់​១១,១៣​ម៉ែត្រ ​ខ្ពស់ជាងថ្ងៃ ទី​១៥​ខែតុលា​ ០,២៦​ម៉ែត្រ ទាប​ជាងក​ម្ពស់ ទឹក​មធ្យមច្រើន​ឆ្នាំ​ ០,០៥​ម៉ែត្រ​។ នៅ​ចតុមុខ​ទឹក​មានកម្ពស់ ៦.៧៦​ម៉ែត្រ ខ្ពស់ជាង​ថ្ងៃទី​១៥​ខែតុលា​ ០,២០​ម៉ែត្រ ទាបជាង​កម្ពស់​ទឹក​មធ្យម ច្រើន​ឆ្នាំ​២,០៤ ម៉ែត្រ​។ នៅ​បឹង​ទន្លេសាប ក្រគរ កំពង់​លួង ទឹក​មាន​កម្ពស់​៤,៥១ ម៉ែត្រ ខ្ពស់ជាង ថ្ងៃទី​១៥​ខែតុលា​ ០,១៥​ម៉ែត្រ​៕​សរន​/Ha

ទិដ្ឋភាពនៅខេត្តសៀមរាបព្រឹកនេះ(រូបថតកក្រសួងធនធានទឹក)
ទិដ្ឋភាពនៅខេត្តសៀមរាបព្រឹកនេះ(រូបថតកក្រសួងធនធានទឹក)
ទិដ្ឋភាពនៅខេត្តសៀមរាបព្រឹកនេះ(រូបថតកក្រសួងធនធានទឹក)


​នៅ​ថ្ងៃទី​១៦ ខែតុលា ឆ្នាំ​២០២០ ព្រឹក មាន​ភ្លៀង​ធ្លាក់​កម្រិត​
​ខ្សោយ​ទៅ​មធ្យម​នៅ​ស្រុក​ស្រីស្នំ ស្រុក​ពួក ស្រុក​អង្គរជុំ ស្រុក​វ៉ារិន និង​ស្រុក​ជីក្រែង ខេត្តសៀមរាប​។​

ទីតាំងផ្សាយពាណិជ្ជកម្ម