ក្រុម​អ្នក​សង្គ្រោះ​វៀតណាម​រកឃើញ​សាកសព​ទាំង​១៣​នាក់​ពី​តំបន់​រលំ​បាក់​ដី​

245
ចែករម្លែក

​ក្រុម​អ្នក​ជួយសង្គ្រោះ​វៀតណាម​កាលពី​ថ្ងៃ​ព្រហស្បតិ៍​ទី​១៥ ខែតុលា​បាន​រកឃើញ​សាកសព​ទាហាន​ទាំងអស់​១៣​នាក់​ពី​តំបន់​បាក់​ដី​ដ៏​ខ្លាំង​ចំនួន​២​កន្លែង​គឺ ៣​ថ្ងៃ​បន្ទាប់ពី​គ្រោះ​មហន្តរាយ​នេះ​បានកើត​​ឡើង​នៅ​ក្បែរ​ទំនប់​វា​រី​អគ្គិសនី នៅ​តំបន់​ដាច់ស្រយាល​មួយ​។​

​ឧទ្ធម្ភាគចក្រ រថយន្តយោធា ឆ្កែ​ស្វែងរក និង​ទាហាន​ជាង ៦០០ នាក់​ត្រូវបាន​បញ្ជូន​ទៅ​ដើម្បី​រក​អ្នក​នៅ​មាន​ជីវិត​បន្ទាប់​ពី​បំបា​ក់ដី​២​កន្លែង​កាលពី​ថ្ងៃ​ចន្ទ​នៅ​ខេត្ត​ធួ ធៀន វ៉េ​(Thua Thien Hue) ​ជាទី​ដែល​កម្មករសំណង់ ១៧ នាក់​បាន​ជាប់​ខ្លួន​ដោយសារ​បំណាក់​ដី ហើយ​ទាហាន ១៣ នាក់​ត្រូវបាន​បញ្ជូន​ទៅ​ដើម្បី​ជួយសង្គ្រោះ​ពួកគេ​។​

​ភ្លៀង​ធ្លាក់​ខ្លាំង​ចាប់តាំងពី​ដើម​ខែ​តុលា​បាន​បង្ក​ឱ្យ​មាន​ទឹកជំនន់​និង​បំណាក់​ដី​ដែល​បាន​សម្លាប់​មនុស្ស​យ៉ាងហោច​ណាស់​ចំនួន​៤៩​នាក់​នៅ​ប្រទេស​វៀតណាម​ភាគ​កណ្តាល ខណៈ​ដែល​ភ្លៀង​ធ្លាក់​​ខ្លាំង​ត្រូវបាន​រំពឹងថា​នឹង​មាន​ថែមទៀត​រហូត​ដល់​ដើម​សប្តាហ៍​ក្រោយ​នៅ​តាម​តំបន់​ជាច្រើន​នៃ​ប្រទេស​នេះ​។​

​ទីភ្នាក់ងារ​គ្រោះមហន្តរាយ​បាន​និយាយ​កាលពី​ថ្ងៃ​ព្រហស្បតិ៍​ថា អាកាសធាតុ​អាក្រក់​ថ្មីៗ​នេះ​បាន​នាំ​ឱ្យមាន​ការជម្លៀស​មនុស្ស​ជាង ៦៦.៥០០​នាក់​ពី​តំបន់​ទឹក​ជំនន់​និង​បំណាក់​ដី​នៅ​ភាគ​កណ្តាល​នៃ​​ប្រទេស​វៀតណាម​ដែល​មានផ្ទះ​ចំនួន ១៣៥.៧០០ ខ្នង​និង​ផលដំណាំ​ប្រហែល ១០.០០០ ហិច​តា ព្រមទាំង កសិដ្ឋាន​ចិញ្ចឹម​ត្រី​ជាច្រើន ត្រូវបាន​ជន់​លិច​៕​ប្រែ​សម្រួល​៖​សុខា​/sn

ក្រុម​អ្នក​ជួយសង្គ្រោះ​ត្រូវបាន​បញ្ជូន​ទៅ​រក​អ្នក​បាត់​ខ្លួន​ក្នុង​បំណាក់​ដី​នៅ​ខេត្ត​ធួ ធៀន វ៉េ​ភាគ​កណ្តាល ប្រទេស​វៀតណាម​

ទីតាំងផ្សាយពាណិជ្ជកម្ម