ក្លិប​ជូ​វេន​ទុ​ស នាំមុខ​ក្រុម ម៉េ​ន​ឆេ​ស្ទ័​រ ស៊ី​ធី ក្នុង​ការចុះ​កិច្ចព្រមព្រៀង​ផ្ទេរ​កីឡាករ ដេវីដ អា​ឡា​បា​

240
ចែករម្លែក

តាម​ព័ត៌មាន​ថា ក្លិប​ជូ​វេន​ទុ​ស (Juventus) មាន​ការវិវឌ្ឍ​ជុំវិញ​ការចរចា​ជាមួយ​តំណាង​របស់ កីឡាករ ដេវីដ អា​ឡា​បា (David Alaba) ជុំវិញ​លទ្ធភាព​ផ្ទេរ​នៅ​រដូវក្តៅ​ឆ្នាំក្រោយ​បន្ទាប់ពី​ចប់ កិច្ចសន្យា​ជាមួយ​ក្រុម​បៃ​យឺន​ម៉ូ​និ​ច​( Bayern Munich) ។​
​ ​
​ខ្សែការពារ​វ័យ​២៨​ឆ្នាំ​រូបនេះ​គ្មាន​បំណង​នៅ​ជាមួយ​ក្លិប Bayern Munich​ទេ​នៅពេល​ចង់​កិច្ចសន្យា នៅ​រដូវ​កាល​នេះ បើទោះបីជា​បាន​ចំណាយពេល​ស្ទើរ​ពេញ​មួយ​អាជីព​របស់ខ្លួន​នៅ​ក្លឹប​នេះ ចាប់តាំងពី​ចាកចេញ​ពី​ក្លិប Austria Vienna តាំងពី​នៅ​យុវជន​កាលពី​ឆ្នាំ​២០០៨​ក៏ដោយ​។​
​ ​
​ប៉ុន្តែ អា​ឡា​បា អាច​នឹងចូលរួម​ជាមួយ​ក្លិប Juventus ដោយ​ឥត​តម្លៃ​ខ្លួន​ផ្ទេរ​កាលពី​ដំណាច់ យុទ្ធនាការ​នេះ ហើយ​គេ​ជឿថា ក្លិប Juventus ប្រហែលជា​អាច​សម្រេចបាន​កិច្ចព្រមព្រៀង​មួយ អំឡុង​រដូវ​កាល​ទិញដូរ​នៅ​ខែមករា ដោយសារតែ​ទំនាក់ទំនង​ល្អ​រវាង​ក្លឹប​នេះ​ទាំងពីរ​។​
​ ​
​ប្រសិនបើ​ក្លិប Juventus ចុះ​កិច្ចព្រមព្រៀង​ផ្ទេរ អា​ឡា​បា ដោយ​ឥត​តម្លៃ​ខ្លួន នោះ​កីឡាករ រូបនេះ​នឹងធ្វើ​តាម​លំ​អាន​របស់​កីឡាករ ផូ​ល ប៉ុក​បា អ៊ែ​រិ​ន រ៉ា​ម​ស៊ី ឃិ​ង​ស្លី ខូ​មែន និង ឌែ​នី អាល​វ៉េ​ស ដែល​បាន​ចុះ​កិច្ចព្រមព្រៀង​ផ្ទេរ​មក​ក្លឹប​នេះ​កាលពី​ប៉ុន្មាន​ឆ្នាំមុន​បន្ទាប់ពី​ចប់​កិច្ច សន្យា​ចាស់​។
​ ​
​អា​ឡា​បា ក៏​អាចនឹងទទួល​បាន​ឱកាស​លេង​ជាមួយ​កីឡាករ​ឆ្នើម គ្រី​ស្ទៀ​ណូ រ៉ូ​ណា​ល់​ដូ (Cristiano Ronaldo) ដែល​កំពុង​ឡើង​ជើង​ខ្លាំង​ផងដែរ​។​
​ ​
​ទោះបីជា​យ៉ាងណា ប្រធាន​បច្ចេកទេស ហាសាន សាលី​ហា​មី​ដ​ហ្ស៊ី​ក (Hasan Salihamidzic) របស់​ក្លឹប Bayern Munich អះអាងថា ក្លឹប​នេះ​នៅតែ​ព្យាយាម​អ្វីៗ​គ្រប់យ៉ាង ដើម្បី​ឲ្យ អា​ឡា​បា ចុះ​កិច្ចព្រមព្រៀង​ថ្មី​៕ ប្រែ​សម្រួល​: ពិសិដ្ឋ​

កីឡាករ ដេវីដ អា​ឡា​បា (David Alaba)

ទីតាំងផ្សាយពាណិជ្ជកម្ម