បុរសជនជាតិអ៊ីតាលី ម្នាក់ដែលហៅខ្លួនឯងថា “បិសាច” បានចាក់សាក់ពណ៌ខ្មៅពេញផ្ទៃមុខ លើគ្រាប់ភ្នែក វះអណ្ដាតជាពីរ ចោះទម្លុះមុខមាត់ និងត្រចៀកគួរឱ្យខ្លាច។
នីកូឡូ សាវ៉េរីណូ (Nicolo Saverino) អាយុ ២៧ ឆ្នាំមកពីក្រុងអាព្រីលៀ (Aprilia) ប្រទេសអ៊ីតាលី ដែលមានអាជីពជាសិល្បករឯកទេសខាងពត់ខ្លួន បានចាប់ផ្ដើមកែប្រែរាងកាយរបស់ខ្លួននៅវ័យ ១៨ ឆ្នាំ ហើយបានចាក់សាក់ប្រមាណ ៧០% នៃរាងកាយទាំងមូលរបស់ខ្លួន រួមទាំងសាក់ខ្មៅលើផ្ទៃមុខ និងលើគ្រាប់ភ្នែកផងដែរ។
បុរសរូបនេះបង្ហើបថា ខ្លួនមានគម្រោងចាក់សាច់ខ្មៅឱ្យពេញ ១០០% នៃរាយកាយរបស់ខ្លួនចាប់ពីក្បាលដល់ចុងជើងដើម្បីទទួលភាពស្រស់ស្អាតដែលខ្លួនចង់បាន។
នីកូឡូ ក៏ចោះសាច់ពាក់អង្កាំដែកចំនួន១៣ នៅលើផ្ទៃមុខ ពុះអណ្តាតជាពីរ ចោះប្រហោងត្រចៀកយ៉ាងធំ ដាំស្នែងពីរក្រោមផ្ទៃស្បែកថ្ងាស និងថែមទាំងចោះទម្លុះបបូរមាត់ក្រោមដើម្បីពាក់កន្ត្រៃទៀតផង និយាយរួមគឺស្ទើរតែគ្មានសល់ចន្លោះត្រង់ណា៕ ប្រែសម្រួល៖ខុម/sn
