ទេសាភិបាល​ធនាគារជាតិៈ​ត្រូវបំពេញ​ការងារ​ដោយ​ស្មារតី​ទទួលខុសត្រូវ មាន​សាមគ្គីភាព ស្មោះត្រង់ និង​រក្សា​ការសម្ងាត់​វិជ្ជាជីវៈ​

226
ចែករម្លែក

ដោយៈ​បញ្ញា​សាស្ត្រ​/​ភ្នំពេញៈលោក​ជា​ចាន់តូ​ទេសាភិបាល​ធនាគារជាតិ​នៃ​កម្ពុជា​បានធ្វើការ​រំលឹកថា​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​ទាំងអស់​ត្រូវបន្ត​កិច្ចខិតខំ​ប្រឹងប្រែង​បំពេញការងារ​ប្រកបដោយ​ស្មារតី​ទទួលខុសត្រូវ​ខ្ពស់ មាន​សាមគ្គីភាព ភាពស្មោះត្រង់ និង​រក្សា​ការសម្ងាត់​វិជ្ជាជីវៈ ។​ការ​ដាស់តឿន​នេះ​បាន​ធ្វើឡើង​កាល​ព្រឹក​ថ្ងៃ​សុក្រ ទី​១៦ ខែតុលា ឆ្នាំ​២០២០​ក្នុង​ពិធី​សំណេះសំណាល​ជាមួយ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​។

លោក​ជា​ចាន់តូ​ទេសាភិបាល​ធនាគារជាតិ​នៃ​កម្ពុជាក្នុង​ពិធី​សំណេះសំណាល​ជាមួយ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​។


​លោក​បន្តថា​សូម​បន្ត​បម្រើ​និង​ផ្តល់​សេវា​ដល់​សាធារណជន ព្រមទាំង​បន្ត​សហការ​ល្អជា​មួ​យម​ន្ទីរ អង្គភាព ស្ថាប័ន សាធារណៈ​និង​ឯកជន ដើម្បី​រួមចំណែក​គាំទ្រ​និង​ជំរុញ​ដល់​ការរីកចម្រើន​សេដ្ឋកិច្ច​ក្នុង​តំបន់​ដែល​កើនឡើង​ឥតឈប់ឈរ​។ លោក​ក៏បាន​លើកទឹកចិត្ត​ឱ្យ​មន្ត្រី​-​បុគ្គលិក​បន្ត​ខិតខំ​សិក្សា​ស្រាវជ្រាវ អភិវឌ្ឍន៍​ចំណេះដឹង​និង​ជំនាញ​។ ក្នុងពេលដែល​ជំងឺ​កូ​វីដ​១៩ មិនទាន់មាន​ថ្នាំ​បង្ការ​នៅឡើយ​លោក ក៏បាន​ផ្តាំ​ផ្ញើឱ្យ​មន្ត្រី​-​បុគ្គលិក ត្រូវ​បន្ត​ថែរក្សា​សុខភាព និង​អនុវត្តតាម​ការណែនាំរ​បស់​ក្រសួងសុខាភិបាល​។​
​តាម​របាយការណ៍​បង្ហា​ញ​ថា​ខេត្តកំពង់ធំ ជា​ខេត្ត​សក្តានុពល​មួយ​ក្នុង​វិស័យ​កសិកម្ម ដែលមាន​ប្រជាជន​សរុប​ប្រមាណ ៨០ ម៉ឺន​នាក់ ក្នុងនោះ ៨០​ភាគរយ ជា​កសិករ​។ គ្រឹះស្ថាន​ធនាគារ​ដែល​កំពុង​ប្រតិបត្តិការ​មាន​ចំនួន ១០, គ្រឹះស្ថាន​មីក្រូហិរញ្ញវត្ថុ​ទទួល​ប្រាក់​បញ្ញើ ៦ និង​គ្រឹះស្ថាន​មីក្រូហិរញ្ញវត្ថុ​មិន​ទទួល​ប្រាក់​បញ្ញើ ៩​។​

លោក​ជា​ចាន់តូ​ទេសាភិបាល​ធនាគារជាតិ​នៃ​កម្ពុជាក្នុង​ពិធី​សំណេះសំណាល​ជាមួយ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​។


​ការ​ផ្ត​ត់​ផ្គង់​និង​តម្រូវការ​សាច់ប្រាក់​សម្រាប់​សម្រួល​ដល់​សកម្មភាព​សេដ្ឋកិច្ច​ក្នុង​ខេត្ត​បាន​កើនឡើង គួរឱ្យកត់សម្គាល់​ក្នុង​រយៈពេល ២ ទសវត្សរ៍​ចុងក្រោយ​នេះ ជាពិសេស​ការប្រើប្រាស់​ប្រាក់រៀល​បាន​កើនឡើង​យ៉ាង​ឆាប់រហ័ស ដល់​ចំនួន​ប្រហាក់ប្រហែល​នឹង​ការប្រើប្រាស់​ប្រាក់​ដុល្លារ​អាមេរិក​ដែរ​។ ជាក់ស្តែង ក្នុង​រយៈពេល​៩​ខែ​នៃ​ឆ្នាំ​២០២០​នេះ តម្រូវការ​ប្រាក់រៀល​ពី​សាខា​ធនាគារជាតិ​នៃ​កម្ពុជា​ខេត្តកំពង់ធំ មាន​ចំនួន ៤៤០ ប៊ី​លាន​រៀល (​ប្រមាណ​១០៧ លាន​ដុល្លារ​អាម៉េរិក​) ហើយ​សាខា​ក៏បាន​ទទួល​ប្រាក់រៀល​ពី​អតិថិជន ចំនួន ៥១១ ប៊ី​លាន​រៀល (​ប្រមាណ ១២៥ លាន​ដុល្លារ​) ធៀប​នឹង​ការទទួលប្រាក់​ដុល្លារ​អាម៉េរិក​១៣២​លាន​ដុល្លារ​។
​នៅក្នុង​ការអនុវត្ត​មុខងារ​ភារកិច្ច​របស់ខ្លួន​សាខា​ធនាគារជាតិ​នៃ​កម្ពុជា​ខេត្តកំពង់ធំ​បាន​សម្រួល​ចរាចរណ៍​សាច់ប្រាក់​នៅក្នុង​ខេត្ត ដោយ​ប្រសិទ្ធភាព​, បាន​ចូលរួម​ក្នុងការ​លើកកម្ពស់​ការ​ប្រើប្រាស់​ប្រាក់រៀល​, បាន​ប្តូរ​ក្រដាស​ប្រាក់រៀល​ចាស់ ទក់ រហែក ដោយ​ឥតគិតថ្លៃ​, បាន​ឆ្លើយតប​នឹង​សំណួរ​និង​បណ្តឹង​នានា​របស់​សាធារណជន​លើ​ការប្រើប្រាស់​សេវា​ធនាគារ​, តាមដាន​ស្ថានភាព​សេដ្ឋកិច្ច​នៅក្នុង​តំបន់ និង​ចូលរួម​ក្នុងការ​កែទម្រង់​ហិរញ្ញវត្ថុ​សាធារណៈ​របស់​រាជរដ្ឋាភិបាល​។​

លោក​ជា​ចាន់តូ​ទេសាភិបាល​ធនាគារជាតិ​នៃ​កម្ពុជាក្នុង​ពិធី​សំណេះសំណាល​ជាមួយ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​។


​លោ​ក ទេសាភិបាល បាន​វាយតម្លៃ​ខ្ពស់​ចំពោះ​ការបំពេញ​មុខងារ​ភារកិច្ច​របស់​សាខា​ធនាគារជាតិ​នៃ​កម្ពុជា​ខេត្តកំពង់ធំ​។ លោក​ផ្តាំ​ផ្ញើឱ្យ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​ទាំងអស់​បន្ត​កិច្ចខិតខំ​ប្រឹងប្រែង​បំពេញការងារ​ប្រកបដោយ​ស្មារតី​ទទួលខុសត្រូវ​ខ្ពស់ មាន​សាមគ្គីភាព ភាពស្មោះត្រង់ និង​រក្សា​ការសម្ងាត់​វិជ្ជាជីវៈ ដើម្បី​បន្ត​បម្រើ​និង​ផ្តល់​សេវា​ដល់​សាធារណជន ព្រមទាំង​បន្ត​សហការ​ល្អជា​មួ​យម​ន្ទីរ អង្គភាព ស្ថាប័ន សាធារណៈ​និង​ឯកជន ដើម្បី​រួមចំណែក​គាំទ្រ​និង​ជំរុញ​ដល់​ការរីកចម្រើន​សេដ្ឋកិច្ច​ក្នុង​តំបន់ ដែល​កើនឡើង​ឥតឈប់ឈរ​៕សរន

លោក​ជា​ចាន់តូ​ទេសាភិបាល​ធនាគារជាតិ​នៃ​កម្ពុជាក្នុង​ពិធី​សំណេះសំណាល​ជាមួយ​មន្ត្រី​-​បុគ្គលិក​សាខា​ធនាគារ​ជាតិ​នៃ​កម្ពុជា​ខេត្តកំពង់ធំ​។


ទីតាំងផ្សាយពាណិជ្ជកម្ម