Home ព័ត៌មានជាតិ សេដ្ឋកិច្ច កង​សង្គ្រោះ​គ...

កង​សង្គ្រោះ​គ្រោះមហន្តរាយ ៧១១ នៅតែ​បន្ត​ស្វែងរក​ប្រជាពលរដ្ឋ ដែល​ជាប់គាំង​ក្នុងផ្ទះ​

ដោយៈ មុនី​រ័ត្ន / ភ្នំពេញៈ គឹ​ត​ត្រឹម​ព្រឹក​ថ្ងៃទី​១៦ ខែតុលា ឆ្នាំ​២០២០ ទឹកជំនន់ បាន​បន្ត​កើនឡើង ជា​បន្តបន្ទាប់ បណ្តាល​ឲ្យ​លិចលង់ សង្កាត់​ចំនួន ៦ ស្ថិតនៅក្នុង​ខណ្ឌដង្កោ​។ កង​សង្គ្រោះ​គ្រោះមហន្តរាយ ៧១១ នៃ​កងពលតូច​លេខ​៧០ បានចេញ​ប្រតិបត្តិការ សង្គ្រោះ​ប្រជាពលរដ្ឋ ទាំងយប់ ទាំង​ថ្ងៃ ដើម្បី​ជម្លៀស​មកកាន់​ទី ដែលមាន​សុវត្ថិភាព ដែល​ប្រជាជន ជាង ៣ ពាន់​នាក់ ត្រូវបាន​ជម្លៀសចេញ តាម​ទូក​សង្គ្រោះ មកដល់​ទីទួល​បណ្តោះអាសន្ន ក្នុងនោះ​មនុស្ស ១.៧៦០ នាក់ ត្រូវ​បានដាក់ នៅ​ទីតាំង​ផ្សារ​ព្រែក​ជ្រៃ ក្នុង​សង្កាត់​ស្ពានថ្ម ខណ្ឌដង្កោ រាជធានី​ភ្នំពេញ​។​

​លោក​ឧ​ត្ត​ម​សេនីយ៍​ទោ សូ​យ ណា​រិ​ទ្ធ មេបញ្ជាការ​ង កងពលតូច​លេខ​៧០ ទទួល​ផែន​សង្គ្រោះ បាន​ឲ្យ​ដឹងថាៈ កម្លាំង​កង​សង្គ្រោះ​គ្រោះមហន្តរាយ នៃ​កងពលតូច​លេខ​៧០ ជាង ១០០ នាក់ ត្រូវបាន​ចុះ​ប្រតិបត្តិ​ការសង្គ្រោះ ប្តូរ​វេន​ទាំងយប់ ទាំង​ថ្ងៃ ដើម្បី​ជួយ​ដឹកជញ្ជូន ប្រជាពលរដ្ឋ ទ្រព្យសម្បត្តិ និង​សម្ភារ​ផ្សេងៗ​។​

កង​សង្គ្រោះ​គ្រោះមហន្តរាយ ៧១១ នៃ​កងពលតូច​លេខ​៧០ បានចេញ​ប្រតិបត្តិការ សង្គ្រោះ​ប្រជាពលរដ្ឋ

​លោក​ឧ​ត្ត​ម​សេនីយ៍​ទោ បានបញ្ជាក់​ថាៈ ក្នុង​រយៈពេល ៣ ថ្ងៃនេះ កងកម្លាំង​ទាំងអស់ បាន​ព្យាយាម​ជម្លៀស ប្រជាពលរដ្ឋ បាន​ជាង ៣ ពាន់​នាក់ មក​ដល់ទី​សុវត្ថិភាព ហើយ​កម្លាំង​នៅតែ​បន្ត​ចុះ​ស្វែង រក​ប្រជាពលរដ្ឋ​បន្ថែមទៀត ក្រែង​មាន​ករណី ដែល​មិនទាន់​បានដឹង​។

​គួរ​បញ្ជាក់ថា នៅ​រាជធានី​ភ្នំពេញ ទឹកជំនន់​បាន​បណ្តាល អោយ​លិចលង់ សង្កាត់​ចំនួន​៦ ស្ថិតនៅក្នុង​ខណ្ឌដង្កោ កាលពី​ថ្ងៃទី​១៤ ខែតុលា ឆ្នាំ​២០២០ កន្លងមក ។ គេ​ឃើញ​មាន កង​សង្គ្រោះ​របស់ កងពលតូច​លេខ​៧០, និង​កម្លាំងចម្រុះ រួមគ្នា​សហការ​ជាមួយ អាជ្ញាធរ​រាជធានី​ភ្នាំ​ពេញ ចុះជួយ​ប្រជាពលរដ្ឋ​ភ្លាមៗ តាំងតែ​ពីថ្ងៃ​កើតហេតុ​ដំបូង​។ មាន​មានផ្ទះ​ប្រជាពលរដ្ឋ ជាច្រើន ក្នុង​តំបន់​នេះ ទទួលរង​នូវ​ការ​ជន់​លិច និង​ខូចខាត​ទ្រព្យសម្បត្តិ​ផ្សេងៗ ៕​/V

កង​សង្គ្រោះ​គ្រោះមហន្តរាយ ៧១១ នៃ​កងពលតូច​លេខ​៧០ បានចេញ​ប្រតិបត្តិការ សង្គ្រោះ​ប្រជាពលរដ្ឋ
កង​សង្គ្រោះ​គ្រោះមហន្តរាយ ៧១១ នៃ​កងពលតូច​លេខ​៧០ បានចេញ​ប្រតិបត្តិការ សង្គ្រោះ​ប្រជាពលរដ្ឋ
ប្រជាជន ជាង ៣ ពាន់​នាក់ ត្រូវបាន​ជម្លៀសចេញ តាម​ទូក​សង្គ្រោះ មកដល់​ទីទួល​បណ្តោះអាសន្ន

ទីតាំងផ្សាយពាណិជ្ជកម្ម

- Advertisment -

Most Popular