រដ្ឋមន្ត្រី​ធនធានទឹក​ចុះ​រក​ផ្លូវទឹក​ដែល​បាត់​នៅ​ខេត្តកណ្តាល​

246
ចែករម្លែក

ដោយៈ​ប​.​ខុន​/​ភ្នំពេញៈ​រដ្ឋមន្ត្រីក្រសួង​ធនធានទឹក​និង​ឧតុនិយម​ រួមជាមួយ​អភិបាលខេត្ត​កណ្តាល​ នៅ​រសៀល​ថ្ងៃទី​១៦​ខែតុលា​ឆ្នាំ​២០២០ ​បាន​ចុះ​ពិនិត្យ​ផ្លូវទឹក​ព្រែក​ហូរ ​ប្រឡាយ​ព្រែក​រទាំង ​និង​ស្ទឹង​ជ្រៅ​ក្នុង​ខេត្តកណ្តាល​ ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​។​

រដ្ឋមន្ត្រីក្រសួង​ធនធានទឹក​និង​ឧតុនិយម​រួមជាមួយ​អភិបាលខេត្ត​កណ្តាល​នៅ​រសៀល​ថ្ងៃទី​១៦​ខែតុលា​ឆ្នាំ​២០២០​បាន​ចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​


​លោក​លឹម គានហោ រដ្ឋមន្ត្រីក្រសួង​ធនធានទឹក និង​ឧតុនិយម និង​លោក​គង់ សោ​ភ័​ណ្ឌ អភិបាលខេត្ត​កណ្តាល អមដំណើរ​ដោយ​ថ្នាក់ដឹកនាំ ក្រុមមន្ត្រី​បច្ចេកទេស និង​ប្រធាន​មន្ទីរ​ធនធានទឹក និង​ឧតុនិយម​ខេត្តកណ្តាល បាន​ពិនិត្យ​និង​វាស់វែង​ជាក់ស្តែង ព្រមទាំង​មាន​វិធានការ​ចំពោះមុខ និង​សម្រាប់​អនាគត ព្រែក​ហូរ ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដែលជា​ទីតាំង​ចំណុច​គន្លឹះ​ក្នុង​ការរំដោះ​ទឹកស្ទឹង​ព្រែក​ត្នោត​នៅពេល​មាន​ជំនន់​ម្តងៗ ទៅ​បឹង​ជើង​លោង និង​ទន្លេបាសាក់ ។​


​តាម​ការពិនិត្យ​ជាក់ស្តែង នៅ​ចំណុច​ទីតាំង​ទាំងបី​ខាងលើ ឃើញថា​ នៅត្រង់ចំណុច​ស្ពាន​ព្រែក​ហូរ ​មាន​ធារទឹក ២៤០ ម៉ែត្រគុប​ក្នុ​មួយ​វិនាទី​ តែ​នៅ​ផ្នែក​ខាងក្រោម​នៃ​ចុង​ព្រែក​ត្រង់ចំណុច​ស្ពាន​វត្ត​ក្របៅ ទឹកបាន​ថយ​មក​នៅត្រឹមតែ ១៧​ម៉ែត្រគុប​ក្នុង​មួយ​វិនាទី​ប៉ុណ្ណោះ​។​ឯ​នៅ​ចំណុច​ព្រែក​រទាំង​ មាន​ធារទឹក​១៨៣​ម៉ែត្រ​គុបក្នុង​មួយ​វិនាទី​។​នៅត្រង់ចំណុច​ស្ទឹង​ជ្រៅ​មាន​ធារទឹក​៦០​ម៉ែត្រគុប​ក្នុង​មួយ​វិនាទី​ ដែលជា​ធម្មតា​ធារទឹក​មាន​ដល់​ចំនួន​១៥៤​ម៉ែត្រ​គុបក្នុង​មួយ​វិនាទី​នេះ​បង្ហាញឱ្យឃើញថា​ស្ទឹង​ជ្រៅ​មានការ​រាំងស្ទះ​ចរន្ត​ដល់​ទៅ​ជាង​ពីរដង ។​

សកម្មភាពចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​


​លោក​លឹម​គានហោ​ មានប្រសាសន៍​ថា បើ​ប្រព័ន្ធ​រំដោះ​ទឹក​ទាំងបី​ចំណុច​ខាងលើ​ស្តារ​បានល្អ​នោះ ​យើង​នឹង​អាច​រំដោះ​ទឹកបាន​រហូត​ទៅដល់ ៧៩៦ ម៉ែត្រគុប​ក្នុង​មួយ​វិនាទី ។​ចំណុច​ផ្លូវទឹក​ខាងលើនេះ​រួម​តូច​ ​ធ្វើឱ្យ​រាំងស្ទះ​ដល់​លំហូរ​ទឹក​ចេញពី​តំបន់​ក្រោម​ទ្វារ​ទឹក​៧​មករា​ ដែលជា​ហេតុ​នាំឱ្យមាន​ជំនន់​លើ​សង្កាត់​​និង​ឃុំ​មួយចំនួន​នៅ​រាជធានី​ភ្នំពេញ​និង​ខេត្តកណ្តាល​៕​សរន​/Ha

សកម្មភាព​ចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​
សកម្មភាពចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​
សកម្មភាព​ចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​
សកម្មភាព​ចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​
សកម្មភាព​ចុះ​ពិនិត្យ​ផ្លូវទឹក​ព្រែក​ហូរ​ប្រឡាយ​ព្រែក​រទាំង​និង​ស្ទឹង​ជ្រៅ​ក្នុង​ខេត្តកណ្តាល​ដើម្បី​បើក​ឱ្យ​ទឹក​មាន​លំហូរ​ជា​ប្រក្រតី​ឡើងវិញ​នៅពេល​ខាងមុខ​

ទីតាំងផ្សាយពាណិជ្ជកម្ម