Home ព័ត៌មានជាតិ សន្តិសុខ បញ្ជូន​ជនសង្ស...

បញ្ជូន​ជនសង្ស័យ​ចំនួន​៥​នាក់​ទៅ​តុលាការ ករណី​គ្រឿងញៀន​

ដោយ​: គូលែន / សៀមរាប​: ជនសង្ស័យ​ជា​កម្មករ​ចំនួន ៥​នាក់ ត្រូវបាន​កម្លាំង​នគរបាល​ប៉ុស្តិ៍​សង្កាត់​គោកចក នៃ​ក្រុង​សៀមរាប សហការ​ជាមួយ​ប្រជា​ការពារ​ភូមិ​ធ្វើការ​ឃាត់ខ្លួន ដោយ​ពាក់ព័ន្ធ​នឹង​ករណី​គ្រឿងញៀន ហើយ​កសាង​សុំ​ណុំ​រឿង​បញ្ជូនទៅ​តុលាការ​។​

​ប្រតិបត្តិ​ការបង្ក្រាប​ក​រ​ណី​គ្រឿងញៀន​ខាងលើ បានធ្វើ​នៅ​នៅវេលា​ម៉ោង​២​និង​៣០​នាទី​រសៀល ថ្ងៃទី​១៦ ខែតុលា ឆ្នាំ​២០២០ ស្ថិត​នៅមុខ​ប្រាសាទអង្គរវត្ត ក្នុងភូមិ​ត្រពាំង​សេះ សង្កាត់​គោកចក ក្រុង​សៀមរាប ខេត្តសៀមរាប​។​

​សមត្ថកិច្ច​នគរបាល​សង្កាត់​គោកចក បាន​និយាយថា ការឃាត់ខ្លួន​ជនសង្ស័យ​ដែលជា​កម្មករ​ទាំង​៥​នាក់​ខាងលើនេះ គឺ​ក្រោយពី​ទទួល​ព័ត៌មាន​ពី​ប្រជាពលរដ្ឋ​ដែល​រស់នៅ​ម្តុំ​នោះ បាន​រាយការណ៍​ថា មាន​ក្មេងៗ​បាន​ប្រមូលផ្តុំ​គា្ន​ជក់​ថ្នាំញៀន​នៅផ្ទះ​របស់​ឈ្មោះ ស៊ុត ហួរ រស់នៅ​ភូមិ​ឃុំ​ខាងលើ​។​

​សមត្ថកិច្ច​បាន​បន្តថា ក្រោយពី​ទទួលបាន​ព័ត៌មាន​ហើយ សមត្ថកិច្ច​នគរបាល​សង្កាត់​គោកចក រួមជាមួយ​និង​ប្រជា​ការពារ​ភូមិ បាន​ចុះទៅ​ដល់ផ្ទះ​ជនសង្ស័យ ហើយ​ធ្វើការ​ឃាត់ខ្លួន​បាន​ចំនួន​៥​នាក់​តែម្ដង រួមទាំង​ម្ចាស់ផ្ទះ​ផង​។​

​ជនសង្ស័យ​ទាំង​៥​នាក់ ដែល​ត្រូវបាន​ឃាត់ខ្លួន​រួមមាន​ទី​១ ឈ្មោះ ស៊ុត ហួរ ភេទ​ប្រុស អាយុ​២៨​ឆ្នាំ មុខរបរ​កម្មករ នៅ​ភូមិ ត្រពាំង​សេះ សង្កាត់​គោកចក ជា​ម្ចាស់ផ្ទះ​, ទី​២ ឈ្មោះ ដឿ​ម រតនា ភេទ​ប្រុស អាយុ​៣៩​ឆ្នាំ មុខរបរ​កម្មករ នៅ​ភូមិ ត្រពាំង​សេះ​, ទី​៣ ឈ្មោះ ម៉ី គា ភេទ​ប្រុស អាយុ​២៨​ឆ្នាំ មុខរបរ​កម្មករ នៅ​ភូមិ ត្រពាំង​សេះ​, ទី​៤ ឈ្មោះ សុខ ចិន្តា ភេទ​ប្រុស អាយុ​៣២​ឆ្នាំ មុខរបរ​កម្មករ នៅ​ភូមិ ប្រី​យ៍​ចាស់ សង្កាត់​ទឹក​វិល​, និង​ទី​៥ ឈ្មោះ ឡុង លាភ ភេទ​ប្រុស អាយុ​២២​ឆ្នាំ មុខរបរ​កម្មករ នៅ​ភូមិ គោ​តា​ចាន់​។​

​ក្រោយពី​ឃាត់ខ្លួន​ជនសង្ស័យ​បាន​សារភាព ខ្លួន​ពិតជា​បាន​ទិញ​ថ្នាំញៀន​ប្រភេទ​ម៉ា​ទឹកកក​មកប្រើប្រាស់​ពិតប្រាកដ​មែន​។ ជនសង្ស័យ​ទាំង​៥​នាក់ ត្រូវ​បា​បញ្ជូនទៅ​តុលាការ​ខេត្តសៀមរាប ដើម្បី​ចាត់ការ​តាម​នីតិ​វិ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular