រថយន្តក្រុង​បុក​គោយន្ត​ក​ន្រ្តៃ​ពីក្រោយ តែ​សំណាង​គ្មាន​អ្នករងរបួស​

114
ចែករម្លែក

ដោយ​: គូលែន / សៀមរាប​: មាន​ករណី​គ្រោះថ្នាក់​ចរាចរណ៍​មួយ​បានកើត​ឡើងលើ​កំណាត់​ផ្លូវជាតិ​លេខ​៦ រវាង​រថយន្តក្រុង​មួយគ្រឿង​បាន​បុក​គោយន្ត​ក​ន្រ្តៃពីក្រោយ ដែលមាន​អ្នករួមដំណើរ​ចំនួន​៦​នាក់ តែ​សំណាងល្អ​ដោយ​គ្មាន​មនុ​ស្សណា​ម្នាក់​បាន​រងរបួស​ឡើយ​។ ក្រោយពី​កើតហេតុ អ្នកបើកបរ​រថយន្ត​បាន​ចុះ​រត់​គេចខ្លួនបាត់ បន្សល់ទុក​រថយន្ត​ចោល​នៅ​កន្លែងកើតហេតុ​។​

​ករណី​គ្រោះថ្នាក់​ចរាចរណ៍​ខាងលើ បាន​កើតឡើង​នៅវេលា​ម៉ោង​១​និង​៣០​នាទី​រំលងអធ្រាត្រឈានចូល​ថ្ងៃទី​១៧ ខែតុលា ឆ្នាំ​២០២០ ស្ថិតនៅ​ចំណុច​ភូមិ ស្វាយ​ជ័យ ឃុំ​ត្រពាំង​ធំ ស្រុក​បា​សាទ​បាគង ខេត្តសៀមរាប​។​

​លោក​វរសេនីយ៍ឯក លឹម សម្បត្តិ អ​ធិ​អធិការនគរបាល​ស្រុក​ប្រាសាទបាគង បាន​បញ្ជាក់ថា ករណី​គ្រោះថ្នាក់​ចរាចរណ៍​ខាងលើ បង្កឡើង​ដោយ​រថយន្តក្រុង​ពណ៌​ក្រហម​ស ពាក់ផ្លាក​លេខ សៀមរាប 3A 1288 បើកបរ​ដោយ​ឈ្មោះ ណុ​ក ភេទ​ប្រុស រស់នៅ​ភូមិ​ក្រួស សង្កាត់​សាលា​កំរើក ក្រុង​សៀមរាប ខេត្តសៀមរាប បើកបរ​ពី​ទិស​កើត​ទៅ​ទិស​លិច ថោ​យ​មាន​ល្បឿន​លឿន ហើយ​ខ្វះ​ការប្រុងប្រយ័ត្ន បាន​ទៅបុក​គោយន្ត​កន្ត្រៃ​ពីក្រោយ ដែល​បើកបរ​ដោយ​ឈ្មោះ សុង ភេទ​ប្រុស អាយុ ២៣​ឆ្នាំ នៅ​ភូមិ​ដូន​មៀ​វ ឃុំ​កោ​ល ស្រុក​អង្គរធំ ខេត្តសៀមរាប និង​មាន​អ្នករួមដំណើរ​ចំនួន​ប្រាំមួយ​នាក់​ផង ដោយ​បើក​បរមាន​ទិសដៅ​ពី​ទិស​កើត​ទៅ​ទិស​លិច​ស្រប​ទិស​គ្នា​។​

​លោក​បាន​បន្តថា សំណាងល្អ​ដោយ​ក្នុង​ហេតុការណ៍​គ្រោះថ្នាក់​ចរាចរណ៍​នោះ គ្មាន​អ្នករងរបួស​ឡើយ​។ ក្រោយពី​កើតហេតុ អ្នកបើកបរ​រថយន្ត​បាន​ចុះ​រត់​គេចខ្លួនបាត់ បន្សល់ទុក​រថយន្ត​ចោល​នៅ​កន្លែងកើតហេតុ​៕ ល​/Ha

ទីតាំងផ្សាយពាណិជ្ជកម្ម