​មហាសន្និបាត ឯកភាព​ឱ្យ​ប្រធាន​សហព័ន្ធ កីឡា​យានយន្ត​កម្ពុជា បន្ត​ជា​ប្រធាន​អាណត្តិ​ទី​៣ ឆ្នាំ​២០២០-២០២៤

ដោយៈ រ៉ូ​ហ្សា / ភ្នំពេញៈ​ លោក មៀ​ច សុផាន់​ណា រដ្ឋលេខាធិការ ក្រសួងមហាផ្ទៃ បានទទួល​ការគាំទ្រ ពី​អង្គ​មហាសន្និបាត ឱ្យធ្វើជា​ប្រធាន​សហ ព័ន្ធ​កីឡា​យានយន្ត​កម្ពុជា សម្រាប់​អាណត្តិ​ថ្មី​ទី​៣ ឆ្នាំ​២០២០-២០២៤ បន្តទៀត បន្ទាប់ពី​សហព័ន្ធ បានធ្វើ​មហាសន្និបាត បញ្ចប់​អាណត្តិ​ចាស់ (២០១៦-២០២០) របស់ខ្លួន កាលពី​ល្ងាច​ថ្ងៃទី​១៦ ខែតុលា ឆ្នាំ​២០២០ នៅ​សាលប្រជុំ នៃ​ទីស្នាក់ការ គណៈកម្មាធិការ​ជាតិ អូឡាំពិក​កម្ពុជា​។​

​លោកមៀ​ច សុផាន់​ណា បាន​មានប្រសាសន៍ថាៈ មហាសន្និបាត​អាណត្តិ​ទី​២ និង​បន្ត​អាណត្តិ​ទី​៣ របស់​សហព័ន្ធ​កីឡា​យានយន្ត​កម្ពុជា​នេះ គឺ​ដើម្បី​បូកសរុប របាយការណ៍​សកម្មភាព នា​អាណត្តិ កន្លងមក ដែល​សហព័ន្ធ​កីឡា​យានយន្ត​កម្ពុជា រួមសហការ​ជាមួយ​ដៃគូ​ជំនួយ និង​ក្រុមហ៊ុន ក្នុងស្រុក​ជាច្រើន បាន​ចូលរួម​លើកស្ទួយ វិស័យ​កីឡា​យានយន្ត ទេសចរណ៍​កីឡា​យានយន្ត ពាណិជ្ជកម្ម​យានយន្ត និង​ឧស្សាហកម្ម​យានយន្ត នៅ​ព្រះរាជាណាចក្រ​កម្ពុជា​។​

លោក មៀ​ច សុផាន់​ណា រដ្ឋលេខាធិការ ក្រសួងមហាផ្ទៃ

​ពាក់ព័ន្ធ​នឹង​សកម្មភាព​អាណត្តិ​ចាស់ កន្លងមក លោក ខៃ វណ្ណៈ អគ្គលេខាធិការរង សហព័ន្ធ​កីឡា​យានយន្ត​កម្ពុជា បានឱ្យដឹងថាៈ សហព័ន្ធ បានរៀបចំ​នូវ ការប្រណាំង​ជាច្រើន ដូចជា ប្រណាំង​យានយន្ត ឆ្លងកាត់​ឧបសគ្គ និង​ជា​ក្រុម នៅ​ព្រះរាជាណាចក្រ​កម្ពុជា​, កម្មវិធី​មិត្តភាព និង​ការងារ​សហគមន៍ ក្បួន​រថយន្ត ឆ្ពោះទៅ​បណ្តា​ខេត្ត​នានា នៅ​កម្ពុជា ជាពិសេស​តំបន់​ទេសចរណ៍​, កម្មវិធី​ប្រណាំង​ម៉ូតូ​ហោះ Super Cross កម្មវិធី Caravan កម្មវិធី​ប្រណាំង​ម៉ូតូ Enduro Cross បាន​ចូលរួម​សកម្មភាព​អន្តរជាតិ នៅក្រៅ​ប្រទេស​ជាច្រើន និង​បាន​អញ្ជើញ​គ្រូ​ហ្វឹកហ្វឺន មកពី​ក្រៅប្រទេស មក​ធ្វើការ​បណ្តុះបណ្តាល កីឡាករ​កម្ពុជា ជាដើម​។​

​លោក​បាន​បន្តថាៈ សហព័ន្ធ​កីឡា​យានយន្ត​កម្ពុជា ក៏បាន​រៀបចំ គណៈកម្មាធិការ​ប្រតិបត្តិ​បន្ថែម ដែលមាន​សមត្ថភាព ក្នុងការ​អភិវឌ្ឍ វិស័យ​កីឡា​យានយន្ត​នេះ ឲ្យ​កាន់តែ​រីកចំរើន និង​ទទួល​ការគាំទ្រ ហើយ​សម្រាប់​ផែនការ នៅក្នុង​ឆ្នាំ​២០២១ គឺ​ត្រៀម​រៀបចំ​ការប្រណាំង កីឡា​យានយន្ត ប្រចាំឆ្នាំ​២០២១ ចំនួន ១២ លើក សម្រាប់​កីឡា​ចំនួន ២ គឺ​ការប្រណាំង​ហ្គោ​ខាត (Go-Kart) និង​ការប្រណាំង​ម៉ូតូ លើ​វាលរាប ។​

លោក មៀ​ច សុផាន់​ណា បានត្រូវមហាសន្និបាតឯកភាពឱ្យធ្វើជាប្រធានសហព័ន្ធ​កីឡា​យានយន្ត​កម្ពុជា សម្រាប់​អាណត្តិ​ថ្មី

​សូមបញ្ជាក់ថា គណៈកម្មាធិការ​ប្រតិបត្តិ​ថ្មី សហព័ន្ធ​កីឡា​យានយន្ត​កម្ពុជា សម្រាប់​អាណត្តិ​ទី​៣ ឆ្នាំ​២០២០-២០២៤ មាន​ចំនួន​សរុប ១៧ នាក់ៈ​
១-​លោក មៀ​ច សុផាន់​ណា ប្រធាន , ២-​លោក សូ ឃុន​វីរ​ក្ស . ៣-​លោក វង់ ពិ​លី និង ៤-​លោក ហូ សិទ្ធិគុណ ជា​អនុប្រធាន . ៥-​លោក ទូត សុវណ្ណារ៉ា អគ្គ​ហេ​រញ្ញឹក . ៦-​លោក មៀ​ច សុ​រិ​ទ្ធិ​ការ្យ​ដា​វីត . ៧-​លោក​ទិ​ត វិសិដ្ឋ និង ៨- លោក ខៃ វណ្ណៈ ជា​អគ្គលេខាធិការរង . ៩-​ស្រ៊ុន រតនៈ . ១០-​លោក ឡុង កញ្ញា​រិ​ទ្ធ . ១១-​លោក លន់ សាម​ឌី . ១២-​លោក ប៊ី ណា​ស៊ី . ១៣- លោក កែវ ហុក​លី . ១៤-​លោក អ៊ុក ច័ន្ទ​វាសនា . ១៥-​លោក វុត្ថា ប៉ុណ្ណា​រិ​ទ្ធ . ១៦-​លោក លឹម ម៉េង​អាន និង ១៧-​លោក វុ​ធ សា​វី ជា​សមាជិក ។​

​ចំពោះ​សមាជិកចាស់នៃ​គណៈកម្មាធិការ​ប្រតិបត្តិ​សហព័ន្ធ (​ដែល​ចាកចេញ​) រួមមាន ៥ រូបៈ ១-​លោក លីវ សុផាន់​ណា​រិ​ទ្ធ អគ្គលេខាធិការរង , ២-​លោក​លឹម សូ​វៀត អគ្គ​ហេ​រញ្ញឹក , ៣-​លោកស្រី ចាន់ថន សមាជិក , ៤-​លោក ធម្ម ច័ន្ទ​ពុទ្ធិកា សមាជិក , ៥-​លោក គា គឹម​សាន្ត សមាជិក ។​

​សម្រាប់​សមាជិក​គណៈកម្មាធិកា​រ​ប្រតិបត្តិ​សហព័ន្ធ ដែល​ស្នើ​បញ្ចូល​ថ្មី ៧ រូប មានៈ ១-​លោក ទួត សុវណ្ណារ៉ា អគ្គ​ហេ​រញ្ញឹក , ២-​លោក អ៊ុ ប៊ុន​រ៉េត សមាជិក , ៣-​លោក ស្រ៊ុន រតនៈ សមាជិក , ៤-​លោក ផាត់ សម្ផស្ស សមាជិក , ៥-​លោក វុត្ថា ប៉ុណ្ណា​រិ​ទ្ធ សមាជិក , ៦-​លោក លឹម ម៉េង​អាន សមាជិក និង​៧-​លោក វុ​ធ សា​វី សមាជិក​៕​/V

លោក មៀ​ច សុផាន់​ណា បានត្រូវមហាសន្និបាតឯកភាពឱ្យធ្វើជាប្រធានសហព័ន្ធ​កីឡា​យានយន្ត​កម្ពុជា សម្រាប់​អាណត្តិ​ថ្មី
គណៈកម្មាធិការ​ប្រតិបត្តិ​ថ្មី សហព័ន្ធ​កីឡា​យានយន្ត​កម្ពុជា សម្រាប់​អាណត្តិ​ទី​៣ ឆ្នាំ​២០២០-២០២៤

ទីតាំងផ្សាយពាណិជ្ជកម្ម

- Advertisment -

Most Popular