Home ព័ត៌មានជាតិ សង្គម អគ្គស្នងការ​ន...

អគ្គស្នងការ​នគរបាល​ជាតិ​បញ្ជា​ឲ្យ​ស្នងការ​រាជធានី ខេត្ត ត្រៀមកម្លាំង​ជួយសង្គ្រោះ​ប្រជាពលរដ្ឋ​

ដោយ​: មុនី​រ័ត្ន / ភ្នំពេញ​: នាយ​ឧ​ត្ត​ម​សេនីយ៍​សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ បទបញ្ជា​ឲ្យ​ស្នងការ​នគរបាល​រាជធានី​ខេត្ត​អង្គភាព និង​នាយកដ្ឋាន​ពាក់ព័ន្ធ​ទាំងអស់​ត្រៀមកម្លាំង ដើម្បី​ដោះស្រាយ​បញ្ហា​គ្រោះទឹកជំនន់ និង​ជួយសង្គ្រោះ​ប្រជាពលរដ្ឋ​។ ការបញ្ជា​របស់​អគ្គស្ន​ង​ការ​នគរបាលជាតិ បាន​ធ្វើឡើង​បន្ទាប់ពី​គ្រោះទឹកជំនន់ បាន​កំពុងតែ​គំរាមកំហែង​ទៅលើ​រាជធានី​ខេត្ត​មួយចំនួន​។​

​នាយ​ឧ​ត្ត​ម​សេនីយ៍​សន្តិ​បណ្ឌិត នេ​ត សាវឿន បាន​បន្តថា ស្នងការ​នគរបាល​រាជធានី​ខេត្ត​ត្រូវ​ម្ចាស់ការ កៀងគរ​កម្លាំង​សរុប ជាមួយ​បញ្ជា​ការពារ​ក្រោម​គណៈបញ្ជាការ ឯកភាព​ដើម្បី​ជួយ​រំដោះ​ប្រជាពលរដ្ឋ កុំ​ឱ្យមាន​រងគ្រោះថ្នាក់​ដោយ​សារ​ទឹកជំនន់​កុំ​ឱ្យមាន​រងគ្រោះថ្នាក់​ដោយ​សារ​ទឹកជំនន់​។ ហើយ​ខេត្ត​ណា​ដែល​ខ្វះ​កម្លាំង​ឬ​មាន​បញ្ហា​អ្វី ត្រូវ​រាយការណ៍​មកលើ​ដើម្បី​អគ្គស្នងការដ្ឋាន​នគរ​បាល​ជាតិ​ជួយ​អន្តរាគមន៍​។​

​ទាក់ទង​ទឹកជំនន់ អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​លោក​ឃុន សុខា បាន មានប្រសាសន៍ថា គិត​ចាប់ពី​ថ្ងៃទី​១ ដល់​ថ្ងៃទី​១៦ ខែតុលា ឆ្នាំ​២០២០ ជំនន់​ទឹកភ្លៀង​បាន ប៉ះពាល់​រាជធានី ខេត្ត ចំនួន​១៩ ប៉ះពាល់​ប្រជាពលរដ្ឋ​ជាង ២១​ម៉ឺន នាក់ ប្រជា​ពល រដ្ឋ ជម្លៀស ទៅ​ទីទួល​សុវត្ថិភាព​មាន​ចំនួន ២​ម៉ឺន ៥ ពាន់​នាក់ លំនៅដ្ឋាន​ប៉ះ ពាល់ ជាង ៥​ម៉ឺន ១​ពាន់​ខ្នង ដំណាំ​ស្រូវ​ជាង ១៣​ម៉ឺន ៧​ពាន់​ហិកតា ដំណាំ​ជាង ៦​ម៉ឺន ៧​ពាន់​ហិកតា ។​

​លោក​ឃុន សុខា បាន​បញ្ជាក់ថា ប្រជា ពលរដ្ឋ​ដែល ស្លាប់​ដោយសារ ជំនន់​ទឹក ភ្លៀង ពីថ្ងៃ​ទី​១ ដល់ ថ្ងៃទី​១៦ ខែតុលា ឆ្នាំ​២០២០ ចំនួន​១៨​នាក់ ក្នុងនោះ​ក្មេង​ចំនួន ៨​នាក់ សាលា​រៀ ន ៤៣៩ ផ្លូវជាតិ ផ្លូវ​ខេត្ត ២៨៤​គីឡូម៉ែត្រ ផ្លូវ​ជនបទ​ប្រវែង ១៤៥៩​គីឡូម៉ែត្រ និង​ស្ពាន ចំនួន ១៤​កន្លែង ។​

​យោងតាម​របាយការណ៍​របស់​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​បាន​ឲ្យ​ដឹងថា រាជធានី ខេត្ត ចំនួន​១៩ ដែល​រង​ផល​ប៉ះ ពាល់​មានដូចជាៈ ១.​ខេត្តពោធិ៍សាត់ ២. ខេត្ត​ប៉ៃលិន ៣. ខេត្តបន្ទាយមានជ័យ ៤. ភ្នំពេញ ៥. ខេត្តបាត់ដំបង ៦. ខេត្តស្វាយរៀង ៧. ខេត្ត​ឧ​ត្ត​រ​មានជ័យ ៨. ខេត្តសៀមរាប ៩. ខេត្តតាកែវ ១០. ខេត្តកំពង់ស្ពឺ ១១. ខេត្តមណ្ឌលគិរី ១២. ខេត្ត​ព្រះសីហនុ ១៣. ខេត្តកោះកុង ១៤. ខេត្តព្រះវិហារ ១៥. ខេ​ត្រ​ស្ទឹងត្រែង ១៦. ខេត្តកំពង់ចាម ១៧. ខេត្តកណ្តាល ១៨. ខេត្តកំពង់ឆ្នាំង ១៩. ខេត្តកំពង់ធំ​៕ ល​/srn

ទីតាំងផ្សាយពាណិជ្ជកម្ម

- Advertisment -

Most Popular