ផ្សារ​ទំនើប​បែប​សហគមន៍​ចំនួន​បី​បន្ថែមទៀត​នឹង​បញ្ចប់​ការសាង សង់​នៅ​ចុងឆ្នាំ​នេះ​

128
ចែករម្លែក

ដោយៈ​ច្រាយ ចំណាន​/​ភ្នំពេញៈ គម្រោង​ផ្សារ​ទំនើប​បែប​សហគមន៍ (Community Mall) ចំនួន​ពីរ​ត្រូវបាន​បញ្ចប់​ការសាងសង់​នៅក្នុង​ត្រីមាស​ទី​៣​នេះ ដែល​បានធ្វើឱ្យ​ទំហំ​នេះ កើនឡើង​ដល់ ២១.៨០០ ម៉ែត្រការ៉េ ខណៈ​គម្រោង​ផ្សារ​ទំនើប​ចំនួន​បី​បន្ថែមទៀត ដែលមាន​ទំហំ​២២.៧៤៨​ម៉ែត្រការ៉េ ត្រូវបាន​រំពឹងថា​នឹង​សាងសង់​បញ្ចប់ នៅក្នុង​ដំណាច់ឆ្នាំ​នេះដែរ​។​

រូបឯកសារ


​យោងតាម​របាយការណ៍​របស់​ក្រុមហ៊ុន CBRE Cambodia ចេញផ្សាយ​កាលពីពេល​ថ្មី​នេះ​បង្ហាញថា គម្រោង​ផ្សារ​ទំនើប​បែប​សហគមន៍ (Community Malls) ចំនួន ២ រួមមាន​ផ្សារ​ទំនើប The One Mall និង 313 Quayside ដែល​ផ្សារ​ទាំងពីរ​នេះ​បន្ថែម​ដល់ ២១.៨០០​ម៉ែត្រការ៉េ ស្មើនឹង​២៦,១​ភាគរយ ក្នុងចំណោម​​ផ្សារ​ទាំងអស់ និង​ប្រមាណ ៦,០៩ ភាគរយ ចូលទៅក្នុង​ការផ្គត់ផ្គង់​ផ្សារ​ទំនើប​នៅក្នុង​ត្រីមាស​ទី​៣​នេះ​។​
​របាយការណ៍​ដដែល​ប​ន្ត​ថា ជាមួយគ្នានេះ ក៏មាន​គម្រោង​ផ្សារ​ទំនើប​ចំនួន​៣​បន្ថែមទៀត ដែលមាន​ទំហំ​២២.៧៤៨ ម៉ែត្រការ៉េ​ត្រូវបាន​រំពឹងថា នឹង​សាងសង់​បញ្ចប់​នៅក្នុង​ដំណាច់ឆ្នាំនេះ ខណៈដែល​គ្មាន​គម្រោង​ផ្សារ​ទំនើប​ថ្មី​ណាមួយ សម្ពោធ​ដាក់ចូល​ទៅក្នុង​ទីផ្សារ​នោះទេ​។​

រូបឯកសារ


​ក្រុមហ៊ុន CBRE Cambodia បញ្ជាក់ទៀតថា ចំនួន​គម្រោង​ផ្សារ​ទំនើប​ផ្សេងទៀត ដែល​នឹងត្រូវ​រំពឹងថានឹង​ង​បញ្ចប់​ការសាងសង់​ក្នុង​ឆ្នាំ​ចុងឆ្នាំ​២០២០​នេះ ត្រូវបាន​ពន្យារ​ពេល ដោយសារ​បង្កឡើងដោយ​ការរីក​រាលដាល​ជាស​កល​នៃ​ជំងឺ​កូ​វីដ ១៩ ហើយ​តាម​ការប៉ាន់ស្មាន ទីតាំង​ផ្សារ​ទំនើប​ចំនួន​៤០.០០០​ម៉ែត្រការ៉េ នឹងត្រូវ​ប្តូរ​ទៅ​ការផ្គត់ផ្គង់​ឆ្នាំ ២០២១​ខាងមុខ​។​


​តែ​យ៉ាងណាក៏ដោយ នៅក្នុង​អំឡុង​ត្រីមាស​ទី ៣ ឆ្នាំ​២០២០​នេះ សម្រាប់​ការជួល​នៅក្នុង​ផ្សារ​ទំនើប​បែប​សហគមន៍​នេះ (Community Mall) បាន​ធ្លាក់ចុះ​ពី​០,៣៦ ភាគរយ ដែលមាន​តម្លៃ​ត្រឹមតែ​២២,១៥​ដុល្លារ​អាម៉េរិក នៅក្នុង​មួយ​ម៉ែ​ទ្រ​ការ៉េ​សម្រាប់​រយៈពេល​ក្នុង​មួយខែ ។​


​ក្រុមហ៊ុន CBRE Cambodia​បាន​ពន្យល់ថា ការធ្លាក់ចុះ​នេះ ទំនង​ជាមាន​កំណើន​នៃ​ការ​ប្រ​កួ​ប្រជែង​ច្រើននៅក្នុង​វិស័យនេះ និង​កន្លែង​ខ្លះ​ក៏មាន​ការ​ផ្គង់​ផ្គង់លើស​តម្រូវ​ការប្រមាណ​៥០​ភាគរយ អស់​រយៈពេល​ប្រាំ​មួយខែ​កន្លងមកនេះ​៕​សរន​/Ha

រូបឯកសារ


ទីតាំងផ្សាយពាណិជ្ជកម្ម