​អត្ត​ព​លិ​ក​កីឡា វាយ​កូនឃ្លី​លើ​តុ ចូលរួម​ការប្រកួត ជើងឯក​ថ្នាក់ជាតិ និង​ពានរង្វាន់​សហព័ន្ធ​កីឡា ២០២០

324
ចែករម្លែក

ដោយៈ រ៉ូ​ហ្សា / ភ្នំពេញៈ លោក ស៊ុន សុទ្ធា​រិ​ទ្ធ អគ្គលេខាធិការ នៃ​សហព័ន្ធ​កីឡា វាយ​កូនឃ្លី​លើ​តុ​កម្ពុជា នា​ថ្ងៃទី​១៦ ខែតុលា ឆ្នាំ​២០២០ បាន​បើក​កិច្ចប្រជុំ គណៈកម្មការ​ប​ចេ្ច​ក​ទេស ត្រៀម​ការប្រកួត​កីឡា វាយ​កូនឃ្លី​លើ​តុ ជ្រើសរើស​ជើងឯក ថ្នាក់ជាតិ និង​ពានរង្វាន់ សហព័ន្ធ​កីឡា វាយ​កូនឃ្លី​លើ​តុ​កម្ពុជា លើក​ទី​១ ប្រចាំឆ្នាំ​២០២០ នឹង​ប្រព្រឹត្តទៅ ចាប់ពី​ថ្ងៃទី​១៩ ដល់​ថ្ងៃទី​២៤ ខែតុលា ឆ្នាំ​២០២០ នៅ​សាលា​ដំបូលទូក​ថ្មី ក្នុង​ពហុ​កីឡដ្ឋាន​ជាតិ​។​

​សម្រាប់​ការប្រកួត​ឆ្នាំនេះ មាន​កីឡាករ​-​កីឡាការិនី កីឡាវាយកូនឃ្លីលើតុ ថ្នាក់ដឹកនាំ និង​គ្រូបង្វឹក មកពី ២៣ សមាគម និង​កិ្ល​ប សរុប​ចំនួន ១៧៨ ។ ចំណែក​កីឡាករ​-​កីឡាការិនី ចំនួន ១៣៦ នាក់ ក្នុងនោះ​កីឡាការិនី ១៨ នាក់​។​

កិច្ចប្រជុំគណៈកម្មការ​ប​ចេ្ច​ក​ទេស ត្រៀម​ការប្រកួត​កីឡា វាយ​កូនឃ្លី​លើ​តុ ជ្រើសរើស​ជើងឯក ថ្នាក់ជាតិ និង​ពានរង្វាន់ សហព័ន្ធ​កីឡា វាយ​កូនឃ្លី​លើ​តុ​កម្ពុជា លើក​ទី​១ ប្រចាំឆ្នាំ​២០២០

​នៅ​ថ្ងៃទី​១៧ ខែតុលា ឆ្នាំ​២០២០ ជួបជុំ​សមាគម ក្លិប​កីឡាវាយកូនឃ្លីលើតុ ក្រសួង​-​មន្ទីរ រាជធានី​-​ខេត្ត ដើម្បី​ប្រជុំ​បច្ចេកទេស និង​ចាប់ឆ្នោត ប្រកួត​ជា​ក្រុម នៅ​ទីស្នាក់ការ សហព័ន្ធ​កីឡា វាយ​កូនឃ្លី​លើ​តុ​កម្ពុជា ស្ថិតនៅ​ពហុ​កីឡដ្ឋាន​ជាតិ (​សាល​ដំបូលទូក​ថ្មី​) ។​

​សម្រាប់​វិញ្ញាសា​ប្រកួត ចែកចេញ ជា​២​ផ្នែក គឺ​ក​ម្រិ​ក ក​១ និង​ក​ម្រិ​ក ក​២ ។ ចំណែក​ក​ម្រិ​ក ក​១ វិញ្ញាសា​ឯក​ត្ត​បុរស វិញ្ញាសា​ឯក​ត្ត​នារី ក្រុម​បុរស និង​គូ​បុរស ចំពោះ​ក​ម្រិ​ក ក​២​វិញ វិញ្ញាសា​ឯក​ត្ត​បុរស វិញ្ញាសា​ឯក​ត្ត​នារី ក្រុម​បុរស និង​គូ​បុរស​៕​/V

កិច្ចប្រជុំគណៈកម្មការ​ប​ចេ្ច​ក​ទេស ត្រៀម​ការប្រកួត​កីឡា វាយ​កូនឃ្លី​លើ​តុ ជ្រើសរើស​ជើងឯក ថ្នាក់ជាតិ និង​ពានរង្វាន់ សហព័ន្ធ​កីឡា វាយ​កូនឃ្លី​លើ​តុ​កម្ពុជា លើក​ទី​១ ប្រចាំឆ្នាំ​២០២០
កិច្ចប្រជុំគណៈកម្មការ​ប​ចេ្ច​ក​ទេស ត្រៀម​ការប្រកួត​កីឡា វាយ​កូនឃ្លី​លើ​តុ ជ្រើសរើស​ជើងឯក ថ្នាក់ជាតិ និង​ពានរង្វាន់ សហព័ន្ធ​កីឡា វាយ​កូនឃ្លី​លើ​តុ​កម្ពុជា លើក​ទី​១ ប្រចាំឆ្នាំ​២០២០

ទីតាំងផ្សាយពាណិជ្ជកម្ម