ទឹកអូរ​ព្រំដែន​កម្ពុជា​-​ថៃ នៅ​ប៉ោយប៉ែត​កំពុង​ហក់​ឡើង​ដែរ​ហើយ ខណៈ​ភ្លៀង​បន្ត​ធ្លាក់

178
ចែករម្លែក

ដោយ​: ភ្នំ​ស្វាយ / បន្ទាយមានជ័យ​: ទឹកអូរ​ព្រំដែន​កម្ពុជា​-​ថៃ នៅ​ក្រុង​ប៉ោយប៉ែត​ខេត្តបន្ទាយមានជ័យ បាននិងកំពុង​ហក់​ឡើង​គួរឱ្យ​ព្រួយបារម្ភ ខណៈ​ភ្លៀង​បន្ត​ធ្លាក់​។​

​លោក ញឹម ភឿង ប្រធាន​រដ្ឋបាល​ក្រុង​ប៉ោយប៉ែត​ឲ្យ​ដឹង​នៅ​ថ្ងៃទី​១៧​ខែតុលា​ឆ្នាំ​២០២០ ថា​៖ នា​រាត្រី​ថ្ងៃទី​១៦​និង​ព្រឹក​ថ្ងៃទី​១៧​ខែតុលា​នេះ ទឹកអូរ​ជ្រៅ​នៃ​ព្រំដែន​កម្ពុជា​-​ថៃ បាន​ចាប់​ឡើង​ហក់​ឡើង​ហើយ​។ ភ្លៀង​ក៏​បន្ត​ធ្លាក់​យ៉ាង​ជោកជាំ ឥត​ស្រាកស្រាន្ត​។​

​លោក​បាន​បន្តថា ៖ ជាប្រចាំ​ថ្ងៃ លោក​គាត ហ៊ុល អភិបាល​និង​ជា​ប្រធាន​គណៈបញ្ជាការ​ឯកភាព​ក្រុង​ប៉ោយប៉ែត និង​មន្ត្រី​អាជ្ញាធរ សមត្ថកិច្ច កងកម្លាំង​និង​ក្រុមការងារ​ក្រុង សង្កាត់ ភូមិ ប្រជា​ការពារ​បាន​បន្ត​ចុះ​មូលដ្ឋាន​ទាំង​ថ្ងៃ បាន​ចុះ​ពិនិត្យ​ស្ថានភាព​ទឹក​នៅតាម​មាត់​អូរ​ព្រំដែន​កម្ពុជា​-​ថៃ និង​ចាត់វិធានការ​ឆ្លើយតប​បន្ទាន់ ដើម្បី​ត្រៀម​បង្ការ ប្រសិនបើ​ស្ថានភាព​ទឹក​នៅតែ​បន្ត​ហក់​ឡើង​បន្ថែមទៀត​នោះ​។​

​លោក គាត ហ៊ុល អភិបាលក្រុង​ប៉ោយប៉ែត សូម​អំពាវនាវ​ដល់​ប​ង​ប្អូន​ប្រជាពលរដ្ឋ​រស់នៅ​តាម​បណ្តោយ​មាត់​អូរ មានការ​ប្រុងប្រយ័ត្ន​ចំពោះ​ទឹកជំនន់​។ រីឯ​បងប្អូន​រស់នៅ​ទីប្រជុំជន សូមជួយ​ទុកដាក់​សំរាម​ឱ្យបាន​ត្រឹមត្រូវ ប្រមូល​សំរាម​ស្ទះ​មាត់​លូ និង​បើកមុខ​ទឹក​តាម​ដែល​អាច​ធ្វើបាន ដើម្បី​រំដោះ​ទឹក​ហូរ​ឱ្យបាន​លឿន​៕

ទីតាំងផ្សាយពាណិជ្ជកម្ម