ដោយៈ គ្រញូង / បាត់ដំបងៈ លោក សឿម ប៊ុនរិទ្ធ អភិបាលរងខេត្ត និងជាអ្នកនាំពាក្យរដ្ឋបាលខេត្តបាត់ដំបង បានឲ្យដឹង នៅថ្ងៃទី១៦ តុលាថាៈ កិច្ចអន្តរាគមន៍សង្គ្រោះ ជនរងគ្រោះដោយជំនន់ទឹកភ្លៀង របស់សមត្ថកិច្ចគ្រប់អង្គភាព យកមកទីទួលសុវត្ថិភាព សរុបទូទាំងខេត្ត ចំនួន ២.៩៧០ គ្រួសារ ៦៨ គោលដៅ នៅក្នុងស្រុកចំនួន ១១ និងឃុំចំនួន ៣៤ ឃុំ។
អ្នកនាំពាក្យ បានបន្តថាៈ ប្រជាពលរដ្ឋ ដែលនៅលើទីទួលសុវត្ថិភាព រហូតមកដល់ថ្ងៃទី១៦ ខែតុលា បានត្រឡប់ទៅផ្ទះវិញ ចំនួន ១.៨២៦ គ្រួសារហើយ ។
លោក សឿម ប៊ុនរិទ្ធ បានបញ្ជាក់ថាៈ កម្លាំងគណៈបញ្ជាការឯកភាពរដ្ឋបាលខេត្ត រួមមាន កម្លាំងយោធភូមិភាគទី៥ កម្លាំងប្រតិបត្តិការសឹកបាត់ដំបង កម្លាំងស្នងការដ្ឋាននគរបាលខេត្ត កម្លាំងកងរាជអាវុធហត្ថខេត្ត កម្លាំងចំរុះអធិការដ្ឋានស្រុក មន្ត្រីស្ម័គ្រចិត្ត លេខាធិការដ្ឋានខេត្ត សរុបប្រមាណ ១.៥៣២ នាក់ បានដកកម្លាំងចេញ ពីតំបន់មួយចំនួន ដែលមានសភាពធូរស្រាលមួយកម្រិត មកវិញហើយ ៕/V
