កម្មវត្ថុ​, កម្មសិទ្ធិ​, កម្មករ​, កម្ម​, កម្មដ្ឋាន​, កម្មវិធី​, កសិកម្ម​, សិត​, សិទ្ធិ​

248
ចែករម្លែក

ដោយៈ វចនានុក្រម​ខ្មែរ​សម្តេច​សង្ឃរាជ ជួន ណាត​

កម្មវត្ថុ (​ន​.) រឿង​នៃ​ការងារ​; សេចក្ដី​បំ​ព្រួញ​រឿង​ក្នុង​សំបុត្រស្នាម​ផ្សេងៗ​ដើម្បី​ឲ្យ​ដឹងថា ជា​រឿង​នេះ រឿង​នោះ : សំបុត្រ​ជា​ផ្លូវការ ច្រើនតែ​មានកម្ម​វត្ថុ ។​

កម្មសិទ្ធិ ( ន ) វត្ថុ​ដែល​សម្រេច​តាម​អំណាចច្បាប់​ថា ជា​របស់ខ្លួន​ដាច់ស្រេច​ហើយ​, មុខការ​ងារ ឬ​ទ្រព្យសម្បត្តិ​ដែល​ត្រូវ​សម្រេចបាន​មកលើ​ខ្លួន : ដី​នេះ​ជា​កម្មសិទ្ធិ​របស់ខ្ញុំ ។

កម្មករ ( ន ) អ្នកធ្វើ​ការបម្រើ​ដោយ​ឈ្នួល (​អ្នកស៊ីឈ្នួល​) : ពួកកម្មករ​កំពុងធ្វើកា​រ​ខ្ញៀវ ។​

កម្ម ( ន​.) អំពើ​; ទោះ​អំពើ​ល្អ​ក្ដី អាក្រក់​ក្ដី ក៏​ហៅថា កម្ម (​កម្ម​ជា​កុសល​, កម្ម​ជា​អកុសល​) : ទទួល​កម្ម​, រងកម្ម តាម​កម្ម​ចុះ គឺ​ទទួល​, រង តាម​អំពើ​ដែល​ខ្លួន​បានធ្វើ បាន​សន្សំ​មកហើយ ។

កម្មដ្ឋាន ( ន​.) ហេតុ​ជាទី​តម្កល់​នៃ​បរិកម្ម : ចម្រើនកម្មដ្ឋាន ។ កម្មន្តរាយ ( ន​.) អន្តរាយ​នៃ​ការ​ងារ​, ការវិនាស​ខូច ខាត​ការងារ​; អន្តរាយ​ព្រោះ​កម្ម ។ កម្មន្តសាល (​ន ) សាល​នៃ​ការងារ​, រោង​សម្រាប់​ធ្វើការ​របរ​ផ្សេងៗ ។

កម្មវិធី ( ន​.) របៀប ឬ​បែបផែន​នៃ​កិច្ច​ការដែល​ត្រូវធ្វើ : កម្មវិធី​បុណ្យ ។​

កសិកម្ម ( ន​. ) ការ​ភ្ជួរ​រាស់​, ការងារ​ដែល​គេ​ប្រកប​ក្នុងការ​ភ្ជួរ​រាស់ គឺ​ការធ្វើ​ស្រែចំការ ។

សិត ( កិ​. ) ស្រោច​, ចាក់ទឹក​ចេញ​; ស្ដារ​”) ផ្អៀងក្អម​ឬ​ឆ្នាំង​ឲ្យ​ទឹក​ហូរ​ចេញ​ស្រួល​មិន​ឲ្យ​ខ្ចាយ : សិតទឹក​ពី​ក្អម ។ ចាក់​លោហ​ជាត​ឬ​ក្រមួន​ជាដើម ដែល​រលាយ​រាវ​ក្នុង​ពុម្ព​ឲ្យ​កើត​បានជា រូបរាង​អ្វីៗ​ឡើង : សិតរូប​, សិត​ជួង​, សិតទៀនវស្សា ។ ឈូស​រំលីង​ឬ​លញ់​ឲ្យ​ស្អាត : សិតសសរ​លញ់ ។ យក​ក្រាស​ឬ​ស្និត​ចូក​សក់ : សិតសក់ ។ ចូក​ជូត​រឿយៗ​ដោយ​ប្រេង​លាប បាយ​ជូរ​ជាដើម : សិតអំបោះ ។​ល​។

សិទ្ធិ ( ន​. ) សេចក្ដីសម្រេច​; សេចក្ដីសម្រេច​ផល ឬ​ផល​សម្រេច​, ការសម្រេច​ប្រយោជន៍​; ការ​ដាច់ស្រេច​; ការ​សមប្រកប​, ការ​សម​តាម​បំណង​; សេចក្ដីសុខ​; សេចក្ដី​ស​ម្រើ​ន​; សេចក្ដី ស័ក្ដិសិទ្ធិ​; សេចក្ដី​ខ្លាំងពូកែ​; សេចក្ដី​សម្បូណ៌​; សេចក្ដីសម្រេច​តាម​អំណាចច្បាប់​; អំណាច​, សេចក្ដី​អង់អាច​; មុខ​ការដែល​ត្រូវ​សម្រេច​លើ​ខ្លួន (​ម​. ព​. សិទ្ធ ផង​) ។ បើ​រៀង​ភ្ជាប់​ពី​ខាងដើម សព្ទ​ដទៃ ដូចជា សិទ្ធិករ ដែល​ធ្វើ​ឲ្យ​សម្រេច​, ដែល​ឲ្យ​សម្រេច​ផលប្រយោជន៍ ៕ ដកស្រង់ៈ សម្បត្តិ​កញ្ញា​

ទីតាំងផ្សាយពាណិជ្ជកម្ម