មេដឹកនាំ​បក្សប្រឆាំង​ម៉ាឡេស៊ី​ប្រឈម​ការស៊ើបអង្កេត​ពី​ប៉ូលិស​ដោយសារតែ​ចង់​ធ្វើ​នាយករដ្ឋមន្ត្រី​ពេក

328
ចែករម្លែក

​ប៉ូលិស​ម៉ាឡេស៊ី​កំពុង​ស៊ើបអង្កេត មេដឹកនាំ​បក្សប្រឆាំង លោក​អាន់​វ៉ា អ៊ីប្រាហ៊ីម​( Anwar Ibrahim )​ចំពោះ​ការពាក់ព័ន្ធ​របស់​លោក​ក្នុងករណី​ចោទប្រកាន់​ចំនួន ៦​ករណី​ដោយ​រួម​ទាំង​ការផ្សព្វផ្សាយ​​បញ្ជី​ឈ្មោះ​សមាជិក​សភា​ដែល​លោក​អះអាង​ថា​គាំទ្រ​ការ​ខំ​ប្រឹងប្រែង​របស់​លោក​ដើម្បី​ក្លាយជា​នាយក​រដ្ឋមន្ត្រី​។​

​នៅក្នុង​សេចក្តីថ្លែងការណ៍​កាលពី​ថ្ងៃ​សៅរ៍​ទី​១៧​ខែតុលា ប្រធាន​អង្គភាព​ស៊ើបអង្កេត​ឧក្រិដ្ឋកម្ម​សហព័ន្ធ​បាន​និយាយថា​ប៉ូលិស​បាន​កត់ត្រា​សេចក្តីថ្លែងការណ៍​មួយ​ពី​លោក​អាន់​វ៉ា អ៊ីប្រាហ៊ីម កាលពី​ថ្ងៃ​សុក្រ​។​

​លោក​អាន់​វ៉ា អតីត​ឧបនាយករដ្ឋមន្ត្រី​នេះ កំពុង​ត្រូវបាន​ស៊ើបអង្កេត​ពី​បទ​រំខាន​សណ្តាប់ធ្នាប់​សាធារណៈ​ដែល​ទាក់ទង​នឹង​បញ្ជី​ឈ្មោះ​នេះ ក្នុងចំណោម​ករណី​ចោទប្រកាន់​ផ្សេងៗ​ទៀត​។​

​បញ្ជី​នេះ មាន​ឈ្មោះ​សមាជិក​សភា​ចំនួន​១២១​នាក់​ដែល​គាំទ្រ​ការ​ខំ​ប្រឹងប្រែង​បស់​លោក អាន់​វ៉ា ដើម្បី​បង្កើត​សំឡេង​ភាគច្រើន​នៃ​សមាជិក​សភា​ថ្មី​និង​ក្លាយជា​នាយក​រដ្ឋមន្ត្រី​ទី ៣ របស់​ប្រទេស​ម៉ាឡេស៊ី​​ក្នុង​ឆ្នាំ ២០២០ ។​

​នាយករដ្ឋមន្ត្រី លោ​កមូត​យី​ត​ឌី​ន យ៉ាស​ស៊ីន និង​រដ្ឋាភិបាល​ជាតិ​និយម​របស់​លោក មាន​សំឡេង​ភាគច្រើន​

២​អាសនៈ​ដែ​ជា​ចំនួន​មិន​ច្រើន​បន្ទាប់​ពី​បាន​ដឹកនាំ​ការចុះ​ចូល​ទ្រង់ទ្រាយ​ធំ​ពី​​ក្រុមចម្រុះ​Pakatan Harapan ដើម្បី​បង្កើត​រដ្ឋាភិបាល​ជាតិ​និយម​នេះ កាលពី​ខែ​មីនា ឆ្នាំនេះ​។​

​សមាជិក​សភា​ច្រើន​នាក់​ដែល​ឈ្មោះ​របស់​ពួកគេ​នៅក្នុង​បញ្ជី​នេះ​​បាន​ធ្វើ​របាយការណ៍​ប្តឹង​ទៅ​ប៉ូលិស ដោយ​បដិសេធ​ការ​ដែល​ថា ពួក​គេ​គាំទ្រ​លោក Anwar Ibrahim ។​

​ប៉ូលិស​បាន​និយាយថា​” រហូត​មកដល់ពេលនេះ យើង​ទទួលបាន​របាយការណ៍​ប្តឹង​មក​ប៉ូលិស​ចំនួន ១១៣ បន្តឹង ដែល​ពាក់ព័ន្ធ​នឹង​បញ្ហា​នេះ ” ។​

​សូមបញ្ជាក់​ថា កាលពី​ថ្ងៃ​អង្គារ​សប្តាហ៍​នេះ លោក​អាន់​វ៉ា បាន​ចូល​គាល់​ស្តេច​ដើម្បី​បង្ហាញ​ភស្តុតាង​ថា​លោក​មាន​សមាជិក​សភា​គាំទ្រ​គ្រប់គ្រាន់​ដើម្បី​បណ្តេញ​នាយករដ្ឋមន្ត្រី​បច្ចុប្បន្ន​និង​បង្កើត​រដ្ឋា​ភិ​​បាល​ថ្មី​មួយ តែ​ក្រោយ​ជំនួប មន្ត្រី​វាំង​បាន​និយាយថា លោក​អាន់​វ៉ា​បាន​ថ្វាយ​ស្តេច​តែ​បញ្ជី​ចំនួន​សមាជិក​សភា​តែ​មិន​ប​នា​បង្ហាញ​បញ្ជី​ឈ្មោះ​ទេ នៅពេល​ក្រុមចំរុះ​ដែល​កំពុងកាន់​អំណាច​បង្ហាញ​ការ​​មិន​ជឿ​ថា លោក​អាន់​វ៉ា​អាច​រក​បាន​ការគាំទ្រ​គ្រប់គ្រាន់​ដើម្បី​បង្កើត​រដ្ឋាភិបាល​ថ្មី​មួយ​៕​ប្រែ​សម្រួល​៖​សុខា/វាសនា​

មេដឹកនាំ​បក្សប្រឆាំង លោក អាន់​វ៉ា អ៊ីប្រាហ៊ីម ប្រឈម​ការស៊ើបអង្កេត​ពី​ប៉ូលិស​

ទីតាំងផ្សាយពាណិជ្ជកម្ម