​តុលាការ ឃុំខ្លួន​អតីត​ព្រះសង្ឃ​ម្នាក់ ករណី​រក្សាទុក​រូបភាព និង​សម្ភារ​អាសអាភាស របស់​កុមារ​

252
ចែករម្លែក

ដោយៈ ស​រិ​ទ្ធ / ភ្នំពេញៈ អតីត​ព្រះសង្ឃ​ម្នាក់ នៅ​វត្ត​មួយ ក្នុងភូមិ​អូ​តា​ប៉ោង ឃុំ​អូរ​ឧកញ៉ា ហេង ស្រុក​ព្រៃនប់ ខេត្ត​ព្រះសីហនុ បាន​ត្រូវ​តុលាការ សម្រេច​ឃុំខ្លួន ដាក់ពន្ធនាគារ នៅ​រសៀល ថ្ងៃទី​១៧ ខែតុលា ឆ្នាំ​២០២០ ដើម្បី​រង់ចាំ​ការស៊ើបអង្កេត ជា​បន្តទៀត​។​

​ការសម្រេច​ឃុំខ្លួន​នេះ បាន​ធ្វើឡើង​បន្ទាប់ពី​លោក សឿ ឡង់ឌី ព្រះរាជអាជ្ញារង អម​សាលាដំបូង រាជធានី​ភ្នំពេញ ចោទប្រកាន់​ពីបទ​រក្សាទុក​រូបភាព និង​សម្ភារ​អាសអាភាស របស់​កុមារ​។​

​តាម​ការចោទប្រកាន់​នេះ ឃើញថា អតីត​ព្រះសង្ឃ​រូបនេះ ត្រូវ​ប្រឈម​នឹង​ការជាប់​ពន្ធនាគារ ពី​២​ឆ្នាំ ទៅ​៥​ឆ្នាំ ឬ​ពី ៥​ឆ្នាំទៅ ១០​ឆ្នាំ ឬ​ពី ១០​ឆ្នាំ ទៅ ២០​ឆ្នាំ បើសិនជា​តុលាការ រកឃើញថា មាន​ពិរុទ្ធភាព ដូច​ការចោទប្រកាន់ នេះ​មែន​។​

​អតីត​ព្រះសង្ឃ​រូបនេះ ឈ្មោះ ន​ន់ និមល អាយុ​៣៧​ឆ្នាំ មាន​ទីលំនៅ nO​ភូមិ​អូរ​តាប៉ាង ឃុំ​អូរ​ឧ​ញ៉ា​ហេង ស្រុក​ព្រៃនប់ ខេត្ត​ព្រះសីហនុ ត្រូវបាន​កម្លាំង​នគរបាល ចាប់ខ្លួន​កាលពី​ថ្ងៃទី​១៤ ខែតុលា ឆ្នាំ​២០២០ ពាក់ព័ន្ធ​ករណី​លួច​ផលិត និង​រក្សា​កាន់កាប់​រូបភាព អាសអាភាស​កុមារ អាយុ​ក្រោម ១៨ ឆ្នាំ​។​

​គួរ​បញ្ជាក់ថា ប្រតិបត្តិការ​នេះ ធ្វើឡើង ដោយ​កម្លាំង​សមត្ថកិច្ច​នគរបាល នៃ​នាយកដ្ឋាន​ប្រឆាំង​បទល្មើស បច្ចេកវិទ្យា ដឹកនាំ​ដោយ​លោក​ឧ​ត្ត​ម​សេនីយ៍​ឯក ជា ពៅ ប្រធាន​នាយកដ្ឋាន ដោយមាន​ការសម្របសម្រួល ពី​ព្រះរាជអាជ្ញា អម​សាលាដំបូង រាជធានី​ភ្នំពេញ និង​ខេត្ត​ព្រះសីហនុ សហការ​ជាមួយ​សមត្ថកិច្ច ស្នងការដ្ឋាន​នគរបាល ខេត្ត​ព្រះសីហនុ និង​មន្ទីរ​ធម្មការ និង​សាសនា ខេត្ត​ព្រះសីហនុ​៕/V

អតីត​ព្រះសង្ឃ​ ឈ្មោះ ន​ន់ និមល អាយុ​៣៧​ឆ្នាំ

ទីតាំងផ្សាយពាណិជ្ជកម្ម