ទីប្រជុំជន​ស្រុក​មង្គល​បូរី និង​ឃុំ​តាម​បណ្តោយ ដងស្ទឹង​មង្គល​បូរី ត្រូវ​លិចលង់ ស្ទើរ​ទាំងស្រុង ដោយ​ទឹកជំនន់​

387
ចែករម្លែក

ដោយៈ ភ្នំ​ស្វាយ / បន្ទាយ​មាន​ជ័​យៈ ទីប្រជុំជន​ស្រុក​មង្គល​បូរី និង​ឃុំ​តាម​បណ្តោយ ដងស្ទឹង​មង្គល​បូរី បានត្រូវ​លិចលង់​ស្ទើរ​ទាំងស្រុង ដោយ​ទឹកជំនន់ នៅក្នុងថ្ងៃទី១៧ តុលា ២០២០ នេះ ។​

​លោក ដោក ជិន មេឃុំ​ឫស្សី​ក្រោក បាន​ប្រាប់​កាសែត​រស្មី​កម្ពុជា នៅថ្ងៃទី​១៧ តុលា​នេះ (​នៅត្រង់​ទីប្រជុំជន ស្រុក​មង្គល​បូរី ) ថាៈ គិត​ត្រឹម​ថ្ងៃនេះ ភូមិសាស្ត្រ​ឃុំ​នេះ បាន​រងគ្រោះ​លិចលង់ ស្ទើរ​ទាំងស្រុង ដោយ​ទឹកជំនន់ ។ ក្នុងនោះ ភូមិ​តាម​បណ្តោយ ដងស្ទឹង​មង្គល​បូរី លិចលង់ ពី ០,៥ ម៉ែត្រ ទៅ ១,៥ ម៉ែត្រ ។ ឯ​ភូមិ​នៅ​ឆ្ងាយ​ដងស្ទឹង បាន​លិច​ពី ០,១ ម៉ែត្រ ទៅ ០,៥ ម៉ែត្រ ។​

​រីឯ​លោក ពិន សេង​ហាប់ អភិបាលរង​ស្រុក​មង្គល​បូរី បានអោយដឹង​ដែរ​ថាៈ ភូមិ ឃុំ តាម​បណ្តោយ​ដងស្ទឹង​មង្គលបុរី មកទល់ពេលនេះ ត្រូវ​ទឹកជំនន់ បង្ក​អោយ​លិចលង់ ស្ទើរ​ទាំងស្រុង ។ ក្នុងនោះ ពលរដ្ឋ​រាប់ពាន់​គ្រួសារ ត្រូវ​ជម្លៀសចេញ ទៅ​ទីទួល​មាន​សុវត្ថិភាព ។ តែ​មួយចំនួនទៀត បាន​ស៊ូទ្រាំ​រស់នៅ ជាមួយ​ទឹកជំនន់​សិន ។​

ទីប្រជុំជន​ស្រុក​មង្គល​បូរី និង​ឃុំ​តាម​បណ្តោយ ដងស្ទឹង​មង្គល​បូរី ត្រូវ​លិចលង់ ស្ទើរ​ទាំងស្រុង ដោយ​ទឹកជំនន់​

​លោក​អភិបាលរង​ស្រុក​មង្គល​បូរី ក៏ដូចជា លោក​មេឃុំ​ឫស្សី​ក្រោក បាន​ប្រាប់​ដូច្នេះ នៅពេល​ប្រជាពលរដ្ឋ ដែល​រងគ្រោះ ដោយ​ទឹកជំនន់ ចំនួន ៨០ គ្រួសារ បានទទួល​អំណោយ​ស្បៀងអាហារ ពី​សាខាគយ និង​រដ្ឋាករ ខេត្តបន្ទាយមានជ័យ នៅ​ឃ្លាំង​របស់លោក រស់ តុង ស្ថិតក្នុង​ភូមិ​កោះ​កែវ ឃុំ​ឫស្សី​ក្រោក កាលពី​ព្រឹក​ថ្ងៃទី​១៧ តុលា ក្រោម​វត្តមាន​លោក ខេង ស៊ុម ប្រធាន​ក្រុមប្រឹក្សា​ខេត្ត លោកស្រី ជ័យ ណា​រី អ៊ុំ រាត្រី លោក លី សារី អភិបាលរង​ខេត្ត លោក នូ ស៊ីថា ប្រធាន​សាខាគយ និង​រដ្ឋាករ​ខេត្ត និង​មន្ត្រី​ពាក់ព័ន្ធ​ជាច្រើន​នាក់ ។​

​លោក លី សារី បាន​ថ្លែងអំណរគុណ លោក​ប្រធាន​សាខាគយ និង​រដ្ឋាករ និង​មន្ត្រី សប្បុរសជន ដែល​បាន​រៃអង្គាស បាន​អំណោយ ទាំង​ជូន​ពលរដ្ឋ ដែល​ជម្លៀស​ចេញពីផ្ទះ​សម្បែង មក​ស្នាក់នៅ​ទីទួល​សុវត្ថិភាព​នានា​៕/V

លោក គន់ គីម និងលោក អ៊ុំ រាត្រី ចុះពិនិត្យមើល ស្ថានភាពនៃទឹកជំនន់់ទឹកភ្លៀង
ទីប្រជុំជន​ស្រុក​មង្គល​បូរី និង​ឃុំ​តាម​បណ្តោយ ដងស្ទឹង​មង្គល​បូរី ត្រូវ​លិចលង់ ស្ទើរ​ទាំងស្រុង ដោយ​ទឹកជំនន់​

ទីតាំងផ្សាយពាណិជ្ជកម្ម