ឃាត់ខ្លួន​ក្មេងស្ទាវ​ម្នាក់ បន្ទាប់ពី​កាប់​សាជី ដាក់​បំភ្លឺ​ផ្លូវ នៅក្នុង​ការដ្ឋាន​ស្ថាបនា​ផ្លូវ​វាង​

205
ចែករម្លែក

ដោយៈ ទេ​ពក​ង្រី / កំពង់ឆ្នាំងៈ សមត្ថកិច្ច​នគរបាល​ប៉ុស្តិ៍​រដ្ឋបាល ឃុំ​ជ្រៃ​បាក់ បាន​ឃាត់ខ្លួន​ជនសង្ស័យ​ម្នាក់ នៅវេលា​ម៉ោង ១​និង​១៥​នាទី រសៀល​ថ្ងៃទី​១៧ ខែតុលា ឆ្នាំ​២០២០ បន្ទាប់ពី​ក្មេងស្ទាវ​ម្នាក់នេះ បាន​កាប់​សាជី ដាក់​បំភ្លឺ​ផ្លូវ នៅក្នុង​បរិវេណ​ការដ្ឋាន របស់​ក្រុមហ៊ុន​ស្ថាបនា​ផ្លូវ​វាង ក្រុង​កំពង់ឆ្នាំង ។​

​សមត្ថកិច្ច​នគ​បាល​មូលដ្ឋាន បាន​ឲ្យ​ដឹងថាៈ ជនសង្ស័យ ដែល​ត្រូវ​សមត្ថកិច្ច ឃាត់ខ្លួន​បាន​នោះ មានឈ្មោះ កាំ​ង កាន ភេទ​ប្រុស អាយុ​១៦​ឆ្នាំ មាន​ទីលំនៅ ភូមិ​អូរ​កណ្ដុរ ឃុំ​ជ្រៃ​បាក់ ស្រុក​រលាប្អៀរ ខេត្តកំពង់ឆ្នាំង ។​

​សមត្ថកិច្ច​នគរបាល​មូលដ្ឋាន បានឱ្យដឹង​ទៀតថាៈ នៅវេលា​ម៉ោង ៥ ល្ងាច ថ្ងៃទី​១៦ តុលា នៅ​កំណាត់​ផ្លូវជាតិ​លេខ ៥ វាង​ក្រុង ដែល​កំពុង​ស្ថាបនា ដោយ​ក្រុមហ៊ុន​ជប៉ុន នៅ​ចំណុច​ភូមិ​ឃុំ ស្រុក ខាងលើ ជនសង្ស័យ​ម្នាក់នេះ បាន​យក​កាំបិត ដើរ​កាប់​សាជី ដាក់​បំភ្លឺ​ផ្លូវ នៅក្នុង​ការដ្ឋាន​ស្ថាបនា ចោល​អស់​ចំនួន ១៥ សាជី ដោយ​មិនដឹង​ពី​មូលហេតុ ។ ជនសង្ស័យ រួម​នឹង​វត្ថុតាង ត្រូវបាន​សមត្ថកិច្ច​ឃាត់ខ្លួន កសាង​សំណុំរឿង បញ្ជូន​បន្តទៅ អធិការដ្ឋាន​នគរបាល ស្រុក​រលាប្អៀរ ដើម្បី​ចាត់ការ​បន្ត តាម​នីតិវិធី​៕​/V

សាជីដែលដាក់បំភ្លឺការដ្ឋានស្ថាបនាផ្លូវវាងក្រុងកំពង់ឆ្នាំង ដែលបានត្រូវកាប់បំផ្លាញ
ក្មេងស្ទាវ​ ដែលកាប់​បំផ្លាញសាជី ដាក់​បំភ្លឺ​ផ្លូវ នៅក្នុង​ការដ្ឋាន​ស្ថាបនា​ផ្លូវ​វាង​

ទីតាំងផ្សាយពាណិជ្ជកម្ម