នាយ​ឧ​ត្ត​ម​សេនីយ៍ ខេង សុមេធ បញ្ជា​ឱ្យកម្លាំង​នគរបាល​ប្រចាំ​ទិស​ភូមិភាគ​ទី​៤​និង​៥ ត្រៀម​បង្ការ​សង្គ្រោះ​ដល់​ប្រជាពលរដ្ឋ​រងគ្រោះ​ដោយ​ទឹកជំនន់​

ដោយ​: គូលែន / សៀមរាប​: នាយ​ឧ​ត្ត​ម​សេនីយ៍ ខេង សុមេធ អគ្គស្នងការរង​នគរបាលជាតិ និង​ជា​មេបញ្ជាការ​នគរបាលជាតិ​ប្រចាំ​ទិស​ភូមិភាគ​ទី​៤​និង​ទី​៥ បាន​ចុះ​ពិនិត្យ​ដល់​កម្លាំង​នគរបាល​ប្រចាំ​ទិស​ភូមិភាគ​ទី​៥ ដើម្បី​បញ្ជា​ឱ្យកំលាំង​នគរបាល​ការពារ​ព្រំដែន ត្រៀម​បង្ការ​សង្គ្រោះ​ដល់​ប្រជាពលរដ្ឋ​រងគ្រោះ​ដោយ​ទឹកជំនន់ និង​ដោយ​ប្រការ​ផ្សេងៗ​។​

​នាយ​ឧ​ត្ត​ម​សេនីយ៍​បាន​ចុះ​ពង្រឹងកម្លាំង​នគរបាលជាតិ​ទិស​ភូមិភាគ​ទី​៤​និង​ទី​៥ បានធ្វើ​ឡើង​នៅ​ថ្ងៃទី​១៧ និង​១៨ ខែតុលា ឆ្នាំ​២០២០​នេះ នៅ​ទីបញ្ជាការ​នគរបាលជាតិ​ប្រចាំ​ទី​ស​ទី​៥ ដោយ​នាយ​ឧ​ត្ត​ម​សេនីយ៍​បញ្ហារ​ឱ្យកម្លាំង​ត្រៀម​២៤​ម៉ោង​លើ​២៤​ម៉ោង ព្រោះថា គ្រោះមហន្តរាយ​កើតមាន​មិនឱ្យ​យើង​ដឹង​មុន​ឡើយ​។ នាយ​ឧ​ត្ត​ម​សេនីយ៍ ក៏បាន​ឲ្យ​ត្រៀមកម្លាំង​នគរបាលជាតិ​ការពារ​ព្រំដែន ត្រូវ​មានមុខ​២៤​ម៉ោង នៅ​ប្រចាំ​នៅ​គ្រប់​ទីបញ្ជាការ​ដែល​កម្លាំង​បាន​ឈរជើង​។

​នាយ​ឧ​ត្ត​ម​សេនីយ៍ ខេង សុមេធ ដែលជា​មេបញ្ជាការ​នគរបាលជាតិ​ប្រចាំ​ភូមិភាគ​៤​និង​៥ ក៏បាន​បញ្ជា​កម្លាំង​នគរបាលជាតិ​ដែរ ឈរជើង​នៅ​ព្រំដែន ជាពិសេស​គោលដៅ​ត្រៀម​បង្ការ​សង្គ្រោះ​ប្រជាពលរដ្ឋ​ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តកំពង់ធំ ខេត្តព្រះវិហារ ខេត្តពោធិសាត់ ខេត្ត​ប៉ៃលិន​និង​ខេត្ត​ឧ​ត្ត​រ​មានជ័យ ធ្វើយ៉ាងណា​ឱ្យ​ការពារ​នៅ​កំរិត​ខ្ពស់​មួយ ហើយ​តាមដាន​រាល់​សភាព​ការ​ណ៌​ដែល​កើតឡើង​នៅ​ចំពោះមុខ​។​

​ក្នុង​ថ្ងៃទី​១៧ ខែតុលា​នោះដែរ​នាយ​ឧ​ត្ត​ម​សេនីយ៍ ខេង សុមេធ ក៏បាន​ជួយឧបត្ថម្ភ​ថវិកា​ចំនួន​២៥០០០​ដុល្លារ​អាមេរិក សម្រាប់​ឲ្យ​រដ្ឋបាលខេត្ត​បន្ទាយមានជ័យ ដើម្បី​យកទៅ​ដោះស្រាយ​ទិញ​គ្រឿងឧបភោគ​បរិភោគ​ចែកជូន​ប្រជាពលរដ្ឋ​ដែល​រងគ្រោះ​ដោយសារ​ទឹកជំនន់​ផងដែរ​។

​ដោយឡែក​ថវិកា​មួយចំនួនទៀត​បាន​ចែកជូន​ដល់​កម្លាំង​សម្រាប់​នគរបាលជាតិ​ប្រចាំ​ទិស​ទី​៥ ដើម្បី​ទុក​ត្រៀម​បង្ការ​ដោះស្រាយ​ជូន​ប្រជាពលរដ្ឋ​ដែល​រងគ្រោះ​ដោយសារ​ទឹកជំនន់​ផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular