ជំនន់​ទឹកភ្លៀង​ហូរ​កាត់ផ្តាច់​ផ្លូវលំ​មួយ​ខ្សែ​ក្នុងភូមិ​សាស្ដ្រ​ស្រុក​កំពង់ត្រឡាច​ និងស្រុកសាមគ្គីមានជ័យ

130
ចែករម្លែក

ដោយ​: ទេ​ពក​ង្រី / ខេត្តកំពង់ឆ្នាំង​: ស្ថានភាព​ជំនន់​ទឹកភ្លៀង បាន​ហូរ​កាត់ផ្ដាច់​ផ្លូវលំ​មួយ​ខ្សែ មាន​ប្រវែង​ប្រហែល​២ គីឡូម៉ែត្រ ដែល​ត​ភ្ជាប់​ពី​ភូមិគរ ឃុំ​ថ្ម​ឥដ្ឋ ស្រុក​កំពង់ត្រឡាច ទៅ​ភូមិ​ឈូក ឃុំ​ធ្លក​វៀន ស្រុក​សាមគ្គី​មានជ័យ​។ ទឹក​ហូរ​កាត់​ទិសដៅ​ពី​លិចទៅ​កើត ដាច់​ផ្លូវ​ចំនួន​បី​ចំណុច ប្រវែង​សរុប​៥៥ ម៉ែត្រ មិនអាច​ធ្វើចរាចរ​បា​ន​ទេ​។​

​ស្ថានភាព​ជំនន់​ទឹកភ្លៀង​នេះ មានការ​កើនឡើង​នៅ​ថ្ងៃទី​១៨​តុលា​២០២០​នេះ នៅ​ចំណុច​ស្រុក​ទាំង​២​ខាងលើ គឺ​ស្រុក​សាមគ្គី​មានជ័យ និង​ស្រុក​កំពង់ត្រឡាច​។​

​នៅថ្ងៃនេះ​ផងដែរ កម្លាំង​សមត្ថកិច្ច​បាន​សហការ​ជាមួយ​អាជ្ញាធរ​ភូមិ​ឃុំ​បានធ្វើ​ការបិទ​ការធ្វើ​ចរាចរ​ទៅ​មកលើ​ផ្លូវលំ និង​ផ្សព្វផ្សាយ​ជូន​ប្រជាពលរដ្ឋ​នៅ​ចំណុច​នោះ ឱ្យ​បង្ការ​គ្រោះថ្នាក់​ផ្សេងៗ ដែល​នឹង​កើតឡើង​នៅ​គ្រា​ដែល​ជំនន់​ទឹកភ្លៀង​ធ្លាក់​មកពី​ខាងលើ​ផងដែរ​។​

​នៅ​គ្រា​ទឹកជំនន់​ទឹកភ្លៀង​ដែល​កំពុង​បន្ត​ហូរ​ចុះមក​ខាងក្រោម​នេះ​ផងដែរ សូម​មាតាបិតា​ដែលមាន​កូនតូចៗ សូមកុំ​ទុក​គាត់​ចោល​ត្រូវ​ប្រុងប្រយ័ត្ន​មើល​ពួកគាត់​ជានិច្ច​ជៀសវាង​ការ​លង់ទឹក​បណ្ដាល​ឲ្យ​ស្លាប់​។​

​នៅក្នុង​ជំនន់​ទឹកភ្លៀង​នេះ​ផងដែរ សូម​បងប្អូន​ប្រជាពលរដ្ឋ​នៅតាម​មូលដ្ឋាន​ដែល​កំពុង​រង​ការលិចលង់​ដោយ​ទឹកជំនន់​ទឹកភ្លៀង​នេះ សូម​មានការ​ប្រុងប្រយ័ត្ន​ខ្ពស់​ចំពោះ​សត្វ​អ​សិរ​ពិស​ទាំងឡាយ​ក្អែប​ជួយ​ពស់ បើ​កើតមាន​មែន​សូម​បងប្អូន​រូតរះ​បញ្ជូន​មកកាន់​មន្ទីរពេទ្យបង្អែក ដែល​នៅ​ជិត​បន្ទាន់ ដើម្បី​ធ្វើការ​ព្យាបាល​ផងដែរ​៕ ល​

ទីតាំងផ្សាយពាណិជ្ជកម្ម