ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”

133
ចែករម្លែក

ដោយៈ គូលែន / សៀមរាបៈ ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​” បាន​ប្រារព្ធ​ធ្វើ នៅ​ថ្ងៃទី​១៧ ខែតុលា ឆ្នាំ​២០២០ នៅ​ក្រុង​សៀមរាប ដោយមាន​ការចូលរួម ពី​លោក ជួប ប៉ារីស៍ អគ្គនាយក នៃ​អគ្គនាយដ្ឋាន ចំណេះដឹង និង​បរិស្ថាន និង​លោក ង៉ាន់ ភិ​រុណ អភិបាលរង ខេត្តសៀមរាប ។​

​លោក ង៉ាន់ ភិ​រុណ អភិបាលរង ខេត្តសៀមរាប បានបញ្ជាក់​ថាៈ ខេត្តសៀមរាប គឺជា​ទឹកដី នៃ​សម្បត្តិ​បេតិកភណ្ឌ វប្បធម៌​ពិភពលោក ដ៏​មហាអស្ចារ្យ ជា​ស្នាដៃឯក បន្សល់ ទុក​ពី​បុព្វបុរស​ខ្មែរ​យើង ជា​ទឹកដី​ពោរពេញ ទៅដោយ​រមណីយដ្ឋាន ទេសចរណ៍វប្ប ធម៌ និង​ប្រវត្តិសាស្ត្រ ធម្មជាតិ ដ៏​ច្រើន​សន្ធឹកសន្ធាប់ ដែល​ជម្រុញ​ឱ្យ​ទឹកដី សៀមរាប​-​អង្គរ​នេះ ក្លាយជា​ទិសដៅ​ទេសចរណ៍ ដ៏​ទាក់ទាញ សម្រាប់​ភ្ញៀវទេសចរ​ជាតិ -​អន្តរជាតិ គ្រប់​មជ្ឈដ្ឋាន ជុំវិញ​ពិភពលោក​។​

ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”

​លោក​បាន​បន្តថាៈ ជាមួយគ្នា​នោះ ទេសចរណ៍ធម្មជាតិ បាន​ដើរតួ​យ៉ាងសំខាន់ ក្នុងការ​លើកកម្ពស់ ជីវភាព​រស់នៅ របស់​ប្រជា​សហគមន៍ នៅក្នុង​មូលដ្ឋាន​ផ្ទាល់ និង​បានរួម​ចំណែក ក្នុងការ​អភិរក្ស ធនធានធម្មជាតិ ក៏ដូចជា ការអភិវឌ្ឍ​សង្គមជាតិ​។​

​លោក​អភិបាលរង​ខេត្ត បាន​បន្ថែមថាៈ ប្រទេស​កម្ពុជា​យើង មាន​តំបន់ការពារធម្មជាតិ​ជាច្រើន ដែលមាន​សក្តានុពល​យ៉ាងខ្លាំង ក្នុងការ​ប្រែក្លាយ ទៅជា​តំបន់​ទេសចរណ៍ សត្វ​ស្លាប ដែល​អាច​បង្កើន ចំណាប់អារម្មណ៍​បន្ថែម សម្រាប់អ្នកទេសចរ ដើម្បី​មក​កម្សាន្ត និង​ស្វែងយល់ ពី​ការរស់នៅ​របស់​សត្វ​ស្លាប ដែលមាន​វត្តមាន នៅក្នុង​តំបន់​ទាំងនោះ​។​

​លោក បាន​បន្ថែមថាៈ ការ​ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ ទេសចរណ៍ធម្មជាតិ​” ដែល​បាន​ប្រារព្ធ​ឡើង​នេះ បាន​សបញ្ជាក់​ឲ្យ​ឃើញថា នៅ​ប្រទេស​កម្ពុជា​យើង គឺមាន​វត្តមាន​សត្វ​ស្លាប ជាច្រើន​ប្រភេទ និង​មាន​របៀប​រស់នៅ ជាច្រើន​សណ្ឋាន​ផ្សេងៗ​គ្នា នៅតាម​តំបន់ការពារធម្ម ជាតិ​នានា នៅ​ទូទាំងប្រទេស​កម្ពុជា​។​

ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”

​លោក​បាន​បញ្ជាក់ថាៈ ការ​ពិព័រណ៍​សត្វ​ស្លាប​កម្ពុជា តាមរយៈ​ការរៀបចំ​ដាក់​បង្ហាញ​រូបភាព នា​ថ្ងៃនេះ គឺជា​ការផ្សព្វផ្សាយ ពី​សក្តានុពល សត្វ​ស្លាប​កម្ពុជា នៅតាម​តំបន់ ការពារធម្មជាតិ ក្នុងប្រទេស​កម្ពុជា ដល់​សាធារណជន ក៏ដូចជា បង្កើន​នូវ​ចំណេះដឹង ដល់​សាធារណជន អំពី​សារៈសំខាន់ នៃ​សត្វ​ស្លាប និង​ការងារ​អភិរក្ស នៅ​កម្ពុជា តាមរយៈ​ការធ្វើ​បទ​បង្ហាញ ជា​សាធារណៈ​ពី​អ្នកជំនាញ សត្វ​ស្លាប និង​អ្នកអនុវត្ត ការងារ​ផ្ទាល់ ព្រមទាំង​បណ្តុះ​ទឹកចិត្ត​ស្រឡាញ់ និង​ការចូលរួម ពី​សាធារណជន ជាពិសេស ក្នុង​ស្រទាប់​យុវជន ក្នុងការ​ថែរក្សា និង​អភិរក្ស​សត្វ​ស្លាប នៅក្នុង​ប្រទេស​កម្ពុជា ដើម្បី​ទាក់ទាញ ដល់​វិស័យ​ទេសចរណ៍ នៅតាម​តំបន់ការពារធម្មជាតិ ដោយ​រួមបញ្ចូល​សកម្មភាព មើល​សត្វ​ស្លាប និង​ចូលរួមចំណែក ក្នុងការ​លើកកម្ពស់ ជីវភាព​រស់នៅ របស់​ប្រជា​សហគមន៍​៕/V

ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”
ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”
ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”

ទីតាំងផ្សាយពាណិជ្ជកម្ម