Home ប្លែកៗ សង្គ្រាម​ដេញថ...

សង្គ្រាម​ដេញថ្លៃ​ប្រជែង​គ្នា​ធ្វើឱ្យ​សុន​មួយ​ក្បាល​ក្លាយ​ជា​សុនខ​ឃ្វាល​ចៀម​ថ្លៃ​បំផុត​ក្នុង​ពិភពលោក​

​ជា​អ្នក​ដែល​ធ្លាប់​ធ្វើការ​ជាមួយ​សុនខ​ឃ្វាល​ចៀម (sheepdog) តាំងពី​នៅ​តូច អ្នកស្រី ដូន​ណា ច​នស៍ (Donna Jones) អាច​មើល​ដឹង​ថា​សុនខ​ណា​ពូកែ​ខាង​ឃ្វាល​ចៀម​។​​ដូចនេះ នៅ​ពេល​គាត់​ប្រទះ​ឃើញ​សុនខ​ក្មេង​ដ៏​គួរឱ្យ​ចាប់អារម្មណ៍​មួយ​ក្បាល​ដែល​កំពូល​អ្នក​បង្កាត់​ពូជ​នៅ​អង់គ្លេស ប្រកាស​លក់​តាម​អ៊ីនធឺណិត ស្ត្រី​ជា​កសិករ​នៅ​​ជើងភ្នំ​រូបនេះ​ក៏​បាន​ប្ដេជ្ញា​ថា​នឹង​ទិញ​យក​វា​ឱ្យបាន​។​

​ប៉ុន្តែ​អ្នក​ផ្សេងៗ​ទៀត​ក៏​បាន​មើលឃើញ​សក្ដានុពល​របស់​សុនខ​ញី ដែល​មានឈ្មោះ ហេន​ណា (Henna) ខាងលើ​នេះ​ដែរ​ទើប​មានការ​ប្រជែង​គ្នា​ដេញថ្លៃ​រហូត​ធ្វើឱ្យ​វា​​ឡើង​តម្លៃ​ខ្លួន​ដល់​ទៅ ២៦.០០០ ដុល្លារ​ដែល​ជា​តម្លៃ​ខ្ពស់​បំផុត​ក្នុង​ពិភពលោក​សម្រាប់​សុនខ​ឃ្វាល​ចៀម​។​

​ដ្បិតតែ​តម្លៃ​នេះ​ខ្ពស់ជាង​ការរំពឹង​ទុក ក៏​ស្ត្រី​កូន​៣ វ័យ​៤១ ឆ្នាំ​ដែល​គ្រប់គ្រង​កសិដ្ឋាន​ជាមួយ​ស្វាមី ហ្គា​រ៉េត (Gareth) វ័យ ៤៤ ឆ្នាំ​រូប​នេះ​នៅតែ​មាន​ជំនឿ​ចិត្ត​ថា​តម្លៃ​នេះ​​ពិតជា​ស័ក្ដិសម​សម្រាប់​សុនខ​ដែល​ពូកែ​ឃ្វាល​ចៀម​ដូច​វា​។​

​គាត់​បាន​សន្សំ​លុយ​មួយ​រយៈពេល​ហើយ ដើម្បី​ទិញ​សុនខ​ហ្វឹកហាត់​ថ្មី​មួយ​ក្បាល​ឱ្យ​ជួយ​គ្រប់គ្រង​ចៀម​ប្រមាណ ៧៥០ ក្បាល​នៅ​កសិដ្ឋាន​របស់គាត់​ក្នុងភូមិ Llanbedr នៅ​ជួរ​ភ្នំ​ខ្មៅ (Black Mountains) វ៉េ​លស៍ ភាគខាងត្បូង​។

​គាត់​និយាយថា គ្រាន់តែ​ឃើញ​សុន​ខ ហេន​ណា មាន​សម្បុរ ៣ ដូច​សុនខ​ចាស់​របស់​គាត់​ឈ្មោះ ធី​ក​កា (Tikka) ភ្លាម គាត់​ក៏​នឹក​ក្នុង​ចិត្ត​ស្រេច​ថា ត្រូវ​ទិញ​យក​វា​ឱ្យបាន ហើយ​ទីបំផុត​ក៏​ទិញ​បាន​មែន​៕​ប្រែ​សម្រួល​៖​ខុម​/sn

ទីតាំងផ្សាយពាណិជ្ជកម្ម

- Advertisment -

Most Popular