Home ព័ត៌មានជាតិ សន្តិសុខ ​ភូមិ​គ្រួសារ...

​ភូមិ​គ្រួសារ​កងទ័ព​ក្នុងស្រុក​ជាំ​ក្សាន្ត​រង​ផលប៉ះពាល់​ដោយ​ជំនន់​ទឹកភ្លៀង​

​ដោយៈ​សៅ​វ៉ាន់ឌី​/​ព្រះវិហារ​៖​ភូមិ​សង្កែ​លិច​ត្រង់ចំណុច​ទួល​៤២​ក្នុង​ឃុំ​កន្ទួតស្រុក​ជាំ​ក្សាន្ត​ខេត្តព្រះវិហារ​បាន​រង​ផលប៉ះពាល់​ដោយ​ទឹកជំនន់​ទឹកភ្លៀង​ធ្វើឱ្យ​លិច​ផ្លូវ​និង​ផ្ទះសម្បែង​ពលរដ្ឋ​ដែលជា​គ្រួសារ​កងទ័ព​កាលពី​ព្រលប់​ថ្ងៃទី​១៧​ខែតុលា​និង​រហូតមកដល់​ថ្ងៃទី​១៨​ខែតុលា​ឆ្នាំ​២០២០​។​

​លោក​ឧ​ត្ត​ម​សេនីយ៍​ទោ​ជូ​តុង​អាន​បានឱ្យដឹងថាៈ​ស្ថានភាព​ជំនន់​ទឹកភ្លៀង​ដែល​ហូរ​ចូល​ភូមិ​សង្កែ​លិច​ចំណុច​ទួល​៤២​នោះបាន​ធ្វើឱ្យ​ផ្ទះ​ប្រជាពលរដ្ឋ​ដែលជា​គ្រួសារ​កងទ័ព​ជាច្រើន​ខ្នង​រង​ការលិចលង់​និង​ផ្លូវ​ក្រាល​គ្រួស​ក្រហម​ប្រហែល​ជាង​១០០​ម៉ែត្រ​។​ត្រូវ​ទឹក​ហូរ​ច្រោះ​ទន្ទឹម​និង​នោះបាន​ប៉ះពាល់​ដល់​ផលដំណាំ និង​សត្វ​មាន់​ទា​មួយចំនួន​។​

​លោក​ឧ​ត្ត​ម​សេនីយ៍​ទោ​ជូ​តុង​អាន​បាន​ណែ​នាំឱ្យ​ប្រជាពលរដ្ឋ​ត្រូវមាន​ការប្រុងប្រយ័ត្ន​ការពារ​ទ្រព្យសម្បត្តិ​កុំឱ្យ​មានការ​បាត់បង់​ដោយ​ទឹកជំនន់​។​ពិសេស​ណែនាំ​កូនចៅ​តូចៗ​កុំឱ្យ​ចុះ​លេង​ទឹក​ផ្តេសផ្តាស​ខ្លាច​មាន​គ្រោះថ្នាក់​ជាយថាហេតុ​កើតឡើង​៕S/​

ទីតាំងផ្សាយពាណិជ្ជកម្ម

- Advertisment -



Most Popular