ពលរដ្ឋ​២​ឃុំ​នៃ​ស្រុក​មង្គល​បូរី ទទួល​អំណោយ​ពី​លោក​បណ្ឌិត ស៊ា​ង ប៊ុន​លាង និង​លោកស្រី ហ៊ុន ប៊ុនធឿន

ដោយ​: ភ្នំ​ស្វាយ / បន្ទាយមានជ័យ​: ពលរដ្ឋ​២​ឃុំ​នៃ​ស្រុក​មង្គល​បូរី​ទទួល​អំណោយ​ពី​លោក​បណ្ឌិត​ស៊ា​ង ប៊ុន​លាង​និង​លោកស្រី​ហ៊ុន ប៊ុនធឿន ព្រមទាំង​ក្រុមការងារ​កាលពី​ថ្ងៃអាទិត្យ​ទី​១៨ ខែតុលា ឆ្នាំ​២០២០ នៅ​ទីតាំង​ប្រារព្ធ​ចែក​នា​ឃ្លាំង​លោក​រស់ តុង នា​ភូមិ​កោះ​កែវ​ឃុំ​ឫ​ស្សី​ក្រោក​ស្រុក​មង្គល​បូរី ។​

​លោក​អ៊ុ រាត្រី អភិបាលខេត្ត​បន្ទាយមានជ័យ​បានអោយដឹងថា​៖ ក្នុង​ខេត្ត មាន​៦​ស្រុក​ក្រុង​ដែល​រងគ្រោះ​ដោយ​ទឹកជំនន់​ដែល​កើតឡើង​ពី​ខ្សែទឹក​ខាងលើ​ស្រុង​ចុះមក​និង​ដោយ​ជំនន់​ទឹកភ្លៀង ។ ក្នុងនោះ​ធ្ងន់ធ្ងរ​ជាងគេ គឺ​នៅ​ស្រុក​មង្គល​បូរី​នេះ និង​ក្រុង​សិរីសោភ័ណ ។ ហើយ​ពេលនេះ បានចាប់ផ្តើម​មាន​ខ្លាំង​ដែរ​នៅ​ស្រុក​ថ្មពួក អូរជ្រៅ​និង​ក្រុង​ប៉ោយប៉ែត ។ ទឹកជំនន់ វា​បាន​ប៉ះពាល់ លិចលង់​ផ្ទះ​ជាង​៨.៥០០​ខ្នង​, និង​មនុស្ស​ជាង ៣៤ .០០០​នាក់ ក្នុងនោះ​ត្រូវ​ជន្លៀស​ទៅ​ទីទួល​សុវត្ថិភាព​ជាង​២.៧០០​គ្រួសារ ។ ពលរដ្ឋ​នៅ​ទួល​សុវត្ថិភាព​មួយចំនួន បាន​ទួល​តង់ /​ជម្រក ការតភ្ជាប់​បណ្តាញទឹក​ស្អាត ភ្លើង​អគ្គីសនី សេវា​សុខភាព ការ​គាំពារ​សន្តិសុខ​សង្គម​ជាដើម​។ ក្នុងនោះ លើ​ការងារ​សង្គ្រោះ ជន្លៀស​ពលរដ្ឋ​រងគ្រោះ មាន​មន្ត្រី​អាជ្ញាធរ សមត្ថកិច្ច កងកម្លាំង​នគរបាល​ខេត្ត កងរាជអាវុធហត្ថ​ខេត្ត កងពលតូច​លេខ​៥១ តំបន់​ប្រតិបត្តិការ​សឹក​រង​ខេត្ត យោធភូមិភាគ​៥ ទី​១ តំបន់​បន្ទាយមានជ័យ កងពលតូច​ឆ័​ត្រ​យោង​៩១១ ជាដើម​។​

​ចំពោះ​ការដោះស្រាយ​ឆ្លើយតប​ទុក្ខលំបាក​ជីវភាព​ពលរដ្ឋ គឺ​មកទល់ពេលនេះ​សម្តេច​តេ​ជោរ​ហ៊ុន សែន នាយករដ្ឋមន្ត្រី​នៃ​រាជរ​រដ្ឋាភិបាល បានផ្តល់​ថវិកា​២​លើ ស្មើ​២១​ម៉ឺន​ដុល្លា​សរ​អា ទឹក​សុទ្ធ​៩.០០០​កេះ​, សម្តេច​កិត្តិ​ព្រឹទ្ធ​បណ្ឌិត​ប៊ុន រា់​នី ហ៊ុន សែន​នៃ​កាកបាទក្រហមកម្ពុជា​ផ្តល់​ថវិកា​១០០​លាន​រៀល ហើយ​បែង​ចែកជា​អំណោយ​បាន​១.០០០​គ្រួសារ​, សម្តេច​ចក្រី ហេង សំរិន នៃ​រដ្ឋសភា ផ្តល់​ង្ករ​៣០​តោន និង​ឥស្សរជន សប្បុរសជន​នានា​បានផ្តល់​អំណោយ​ជា​ថវិកា អង្ករ ម្ហូបអាហារ សម្ភារៈ ជាច្រើន​ទៀត ។​

​លោក​បាន​បន្តថា ហើយ​ថ្ងៃនេះ លោក​បណ្ឌិត ស៊ា​ង ប៊ុន​លាង រដ្ឋលេខាធិការ – ប្រធាន​លេខាធិការដ្ឋាន​គណៈកម្មាធិកា​រ​គ្រប់គ្រង​គ្រោះមហន្តរាយ​ក្រសួងមហាផ្ទៃ​និង​ជាទី​ប្រឹក្សា​ផ្ទាល់ សម្តេច​អគ្គមហាសេនាបតី​តេ​ជោ ហ៊ុន សែន និង​លោកស្រី ហ៊ុន ប៊ុនធឿន ព្រមទាំង​ក្រុមការងារ សប្បុរសជន​អញ្ជើញ​នាំយក​អំណោយ​ស្បៀង​សង្គ្រោះបន្ទាន់​ចុះសួរសុខទុក្ខ​បងប្អូន​ប្រជាពលរដ្ឋ ៣០០​គ្រួសារ ដែល​រងគ្រោះ​ដោយ​ទឹកជំនន់ ចំនួន​២​ឃុំ រួមមាន​ឃុំ​បត់​ត្រង់ និង​ឃុំ​ឫស្សី​ក្រោក ស្រុក​មង្គល​បូរី ខេត្តបន្ទាយមានជ័យ ។​

​អំណោយ​ក្នុង ១​គ្រួសារ​ទទួលបាន អង្ករ​១​កា​រ៉ុង មី ១​កេស ទឹកត្រី​១​យួរ ទឹក​ស៊ី​អ៉ី​វ​១​យួរ ត្រីខ ១​យួរ និង​ថ្នាំពេទ្យ​១​កញ្ចប់​ស្មើ​៧​មុខ​។​
​លោក​បណ្ឌិត និង​លោកស្រី ក៏បានផ្តល់​ជា​នំ​ធុង​ដល់​រដ្ឋបាលខេត្ត​សម្រាប់​យកទៅ​ចែកជូន​ពលរដ្ឋ​តាម​គោលដៅ​នានា និង​ក៏បានផ្តល់​អាវ​ភ្លៀង ផ្តា​ល់​ស្បែកជើង​ជ័រ​ក វែង​ដល់​ស្នងការដ្ឋាន​នគរបាល​ខេត្តបន្ទាយមានជ័យ​ជាច្រើន​ផងដែរ ។​
​លោក​បណ្ឌិត ស៊ា​ង ប៊ុន​លាង បាន​ពាំនាំ​បណ្ដាំ​ផ្ញើ​សាកសួរ​សុខទុក្ខ​របស់​សម្តេច​តេ​ជោ​ហ៊ុន សែន នាយករដ្ឋមន្ត្រី​និង​សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុន សែន ព្រមទាំង​សម្តេច​ក្រឡាហោម​ស ខេង ឧបនាយករដ្ឋមន្ត្រី រដ្ឋ​ម​ន្ត្រូ​ី​ក្រសួងមហាផ្ទៃ​ទៅ​រំលែក​ទុក្ខ​បងប្អូន​រងគ្រោះ​ដោយ​ទឹកជំនន់ ។

​ហើយ​អះអាងថា បើ​មាន រាជរដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន​កម្ពុជា​បាន​នឹង​កំពុង​បន្ត​ដឹកនាំ​ដោយ​គណបក្ស​ប្រជាជន​កម្ពុជា បងប្អូន​ប្រជាពលរដ្ឋ មន្ត្រីរាជការ កងកម្លាំង​នឹង​ទទួលបាន​ភាពកក់ក្តៅ ការធានារ៉ាប់រង ដោះស្រាយ​ទុក្ខលំបាក​និង​ធ្វើអោយ​ជីវភាព​ធូរធារ​ជានិច្ច​។ ហេតុនេះ សូម​បងប្អូន​បន្ត​ជឿជាក់ និង​ត្រៀម​បោះឆ្នោត​ជូន​គណបក្ស​ប្រជាជន​កម្ពុជា ហើយ​ដែល​ដឹកនាំ​ដោយ​សម្តេច​តេ​ជោ​ហ៊ុន សែន​បន្តទៀត ។​

​លោក​បណ្ឌិត​ក៏បាន​ថ្លែងអំណរគុណ​និង​ផ្តល់​កម្លាំងចិត្ត​ដល់​អាជ្ញា​ធរមាន​សមត្ថកិច្ច កងកម្លាំង​និង សប្បុរសជន អ្នកពាក់ព័ន្ធ​ទាំងឡាយ​ដែល​បាន​នឹង​កំពុង​បន្ត​ជួយសង្គ្រោះ ដោះស្រាយ​សុវត្ថិភាព សុខ​ភព ជីវភាព​ជូន​ពលរដ្ឋ​រង​ក្រោ​ហ ក៏​ដូច​ពលរដ្ឋ​ទូទៅ ៕ ល​

ទីតាំងផ្សាយពាណិជ្ជកម្ម

- Advertisment -

Most Popular