Home ព័ត៌មានជាតិ សន្តិសុខ ​ខេត្តមណ្ឌលគិ...

​ខេត្តមណ្ឌលគិរី​ទោះបី​ភូមិសាស្ត្រ​ទី​ខ្ពង់រាប​តែ​តំបន់​មួយចំនួន​ក៏​លិចលង់​ខ្លះ​ដែរ​

ដោយៈ​សាត​ចាន់​បុត្រ​/​មណ្ឌលគិរីៈ​តំបន់​តូចៗ​ខ្លះ​ស្រុក​ពីរ​នៃ​ខេត្តមណ្ឌលគិរី​បាន​រង​ការលិចលង់​តិចតួច​ដែរ​បើទោះបីជា​ខេត្ត​នេះ​ស្ថិតនៅក្នុង​តំបន់​ខ្ពង់រាប​ដែលមាន​រយៈកម្ពស់​ជាងគេ​ក្នុងប្រទេស​កម្ពុជា​នោះ​ក្តី​។​តែ​កម្រិត​នៃ​ការលិចលង់ បាន​ស្រក​ទៅវិញ​ភ្លាមៗ ក្រោយ​លិច​បាន​មួយអន្លើ​។​

​ក្នុងករណី​គ្មាន​ការលិចលង់​ធ្ងន់ធ្ងរ​យ៉ាងណាក៏ដោយ​នោះ ខេត្តមណ្ឌលគិរី ក៏​ត្រូវគេ​រាយការណ៍​ថា អភិបាលខេត្ត​និង​មន្ត្រី​ចំណុះ​គ្រប់​អង្គភាព​បាននិងកំពុង​ត្រៀម​បង្ការ​និង​ដោះស្រាយ​ទាន់ពេលវេលា​ក្នុងករណី​មាន​ជំនន់​ទឹកភ្លៀង​បន្ថែមទៀត​ដែរ​។​

​លោក​អភិបាលខេត្ត​មណ្ឌលគិរី​,​លោក​ឧ​ត្ត​ម​សេនីយ៍​ទោ​ឡោ​សុខា​ស្នងការ​នគរបាល​ខេត្ត​,​រួមទាំង​មន្ត្រី​មន្ទីរ​អង្គភាព​ពាក់ព័ន្ធ​និង​អាជ្ញាធរ​មូលដ្ឋាន​កាលពី​ថ្ងៃទី​១៨​ខែតុលា​ឆ្នាំ​២០២០​បាន​ចុះ​ពិនិត្យ​ស្ថានភាព​ជំនន់​ទឹកភ្លៀង នៅ​ឃុំ​ណង​ឃី​លិ​ក និង​ឃុំរ​យ៉ ក្នុងស្រុក​កោះ​ញែក​។​ដើម្បី​ត្រៀមកម្លាំង​ការពារ ទុកជាមុន​នូវ​គ្រោះមហន្តរាយ ដែល​អាច​កើតឡើង​នៅ​តំបន់​ដែល​ប្រឈម​នឹង​ជំនន់​ទឹកភ្លៀង ដោយ​ជាយថាហេតុ​ដូច​បណ្តា​ខេត្ត​ផ្សេងៗ​។​

​លោក​ស្វាយ សំ​អ៊ាង​អភិបាលខេត្ត បានឱ្យដឹងថា ក្នុងស្ថានភាព​ភ្លៀង​ធ្លាក់​ជាប់ៗ​គ្នា នៅ​ខេត្តមណ្ឌលគិរី រហូតមកដល់​ពេលនេះ បាន​រង​ផលប៉ះពាល់​ផ្លូវ និង​ផ្ទះសម្បែង​មួយចំនួន នៅ​ឃុំ​ចំនួន​បី គឺ​ឃុំ​ណង់​ឃី​លិ​ក និង​ឃុំរ​យ៉ ក្នុងស្រុក​កោះ​ញែក ។​ក្នុងនោះ​ឃុំ​មេ​ម៉​ង់ ក្នុងស្រុក​កែវ​សីមា ខេត្តមណ្ឌលគិរី តែ​មិន​បណ្តាលឱ្យ​បាត់បង់​ដល់​អាយុជីវិត និង​ខូចខាត​ដល់​លំនៅស្ថាន រួមទាំង​ដំណាំ​ប្រជាពលរដ្ឋ​ធ្ងន់ធ្ងរ​នោះទេ​។ ដោយឡែក ស្ថានភាព​ទឹក​ដែល​ឡើង​នៅ​តំបន់​ទាំងនោះ គឺមាន​ការ​ស្រក​ចុះទៅ​វិញ​ហើយ​។

​លោក​បញ្ជាក់ថា បើទោះបីជា​នៅតាម​ឃុំ​/​ស្រុក ដែល​នៅតាម​បណ្តោយ​អូរ ឫ​ទន្លេ ក៏ដូចជា​ខេត្ត​ទាំងមូល មិនទាន់​ជួប​បញ្ហា​ប្រឈម​នូវ​គ្រោះទឹកជំនន់ ដូច​បណ្តា​រាជធានី​ខេត្ត​ផ្សេងៗ​ក៏ពិតមែន តែ​យើង​ត្រូវ​ប្រុងប្រយ័ត្ន​ឲ្យ​បាន​ខ្ពស់​។​លោក​អភិបាលខេត្ត បាន​បន្ថែមថា ក្នុង​ការចុះពិនិត្យ​ស្ថានភាព​ទឹក​នេះ អាជ្ញាធរខេត្ត ក៏បាន​ត្រៀមកម្លាំង​ចំនួន​ពីរ​ក្រុម ។​

កម្លាំង​ស្នងការ​នគរបាល​ខេត្ត កម្លាំង​អធិការ​ស្រុក ប៉ុស្តិ៍​រដ្ឋបាល និង​ប្រជា​ការពារ​ចំនួន ៦០​នាក់ ប្រចាំការ នៅ​ឃុំ​ណង់​ឃី​លិ​ក ស្រុក​កោះ​ញែក និង​កម្លាំង​ស្នងការ​នគរបាល​ខេត្ត​ចំនួន ២០​នាក់ កម្លាំង​តំបន់​ប្រតិបត្តិការ​សឹក​រង​មណ្ឌលគិរី ចំនួន​១០​នាក់ ប្រចាំការ ដើម្បី​ត្រៀម​ចុះជួយ​អន្តរាគមន៍​បាន​ទាន់ពេលវេលា ក្នុងករណី​ទឹកជំនន់ ដែល​អាច​កើតឡើង​៕S/​

ទីតាំងផ្សាយពាណិជ្ជកម្ម

- Advertisment -

Most Popular

សម្រេច​ជ្រើស​រើសយក​ទីតាំង...

​ដោយៈ​រ៉ា​ម៉ន​/​ភ្នំពេញៈ​...

អភិបាលខេត្ត ចុះ​ត្រួតពិនិ...

ដោយៈ គ្រញូង / បាត់ដំបងៈ ន...

ផលិតកម្ម​ថោ​ន​នឹង​បើក​ព្រ...

​ដោយ​: បូ​រិ​ន / ភ្នំពេញ​...

នាំ​នារី​កោសខ្យល់ បួន​នាក...

ដោយៈ មុនី​រ័ត្ន/ភ្នំពេញៈ ...