Home ព័ត៌មានអន្តរជាតិ ម៉ាឡេស៊ី​គ្រោ...

ម៉ាឡេស៊ី​គ្រោង​ដោះលែង​អ្នកទោស​ខ្លះ ចំ​ពេល​មាន​ការផ្ទុះ​ជំងឺ​ឆ្លងកូវី​ដ​១៩​នៅក្នុង​គុក​

​ការឆ្លង​ជំងឺ​នៅក្នុង​ពន្ធនាគារ​ម៉ាឡេស៊ី​ជាការ​ប្រឈម​មួយ​ចំពោះ​រដ្ឋាភិបាល​តាម​រដ្ឋ​របស់​ម៉ាឡេស៊ី នៅពេល​អ្នកទោស​កាន់តែ​ច្រើន​រងគ្រោះ​ពី​ការ​នៅ​ផ្តុំគ្នា​ច្រើនពេក​។​

​ម៉ាឡេស៊ី ឥឡូវ​កំពុង​ប្រឈម​ការឆ្លង​នៅ​រលក​ទី​៣ ដោយ​មនុស្ស​៨៧១​នាក់​ត្រូវបាន​រាយការណ៍​ថា​បាន​ឆ្លង​វីរុស​កូរ៉ូណា​កាលពី​ថ្ងៃអាទិត្យ​ទី​១៨​តុលា នាំ​ឲ្យចំនួន​ឆ្លង​សរុប​ទូទាំងប្រទេស​ឡើងដល់​២០.៤៩៨​នាក់​។​ករណី​ឆ្លង​ថ្មី​ភាគច្រើន​ស្ថិត​នៅក្នុង​រដ្ឋ​សា​បា​។​

​ពន្ធនាគារ​ជួប​ការឆ្លង​ជា​កញ្ចុំ​ដ៏​អាក្រក់​បំផុត​កើត​ឡើង​នៅក្នុង​ពន្ធនាគារ​Alor Setar ក្នុង​រដ្ឋកេដា​ក់ ដោយ​អ្នកទោស​កើត​ជំងឺ​កូវី​ដ​១៩​យ៉ាងតិច​១.៥៧១​នាក់​។​ការឆ្លង​ជា​កញ្ចុំ​នេះ​ត្រូវបាន​រកឃើញ​​កាលពី​ថ្ងៃ​៣០​កញ្ញា ក្រោយ​បុរស​អាយុ​៤៦​ឆ្នាំ​ម្នាក់​ដែល​ធ្វើការ​នៅ​ទីនោះ​បាន​ស្លាប់​។​ការស្រាវជ្រាវ​បន្ត​មក​ទៀត​បង្ហាញថា វីរុស​នេះ​បាន​ឆ្លង​រាលដាល​ក្នុងចំណោម​អ្នកទោស​។​

​ការឆ្លង​ជា​កញ្ចុំ​មួយទៀត នៅ​រដ្ឋ​សា​បា បាន​ចម្លង​អ្នកទោស​ប្រមាណ​១.០៥០​នាក់ ហើយ​ពន្ធនាគារ​ក្នុង​រដ្ឋ​ប៉េណាំង មាន​អ្នក​ឆ្លង​៣៩៩​នាក់​និង​ម្នាក់​ស្លាប់​។​ការបិទ​ខ្ទប់​ត្រូវបាន​អនុវត្ត​នៅ​ពន្ធនាគា​រទាំង​​នេះ ដោយ​មិនឲ្យ​មាន​ការចេញចូល​ទេ តែ​ដើម្បី​ទប់ស្កាត់​ការឆ្លង​បន្ថែម និង​កាត់បន្ថយ​ការ​មាន​អ្នកទោស​ច្រើនពេក អគ្គនាយក​ពន្ធនាគារ​បានប្រកាសថា នាយកដ្ឋាន​ពន្ធនាគារ​នឹង​ធ្វើ​ដោះលែង​​អ្នកទោស​ប្រព្រឹត្ត​បទល្មើស​ស្រាល អ្នក​ជាប់គុក​ក្រោម​១​ឆ្នាំ ឬ​អ្នកទោស​នៅ​សល់​ពេល​ជាប់គុក​៣​ខែ​ចុះ​។​

​ទោះជា​យ៉ាងណា ចំណាត់ការ​នេះ​បង្ការ​ព្រួយបារម្ភ​ក្នុងចំណោម​សាធារណជន​ដោយ​ភ័យ​ខ្លាច​វា​នឹង​នាំឲ្យមាន​កំណើន​បទឧក្រិដ្ឋ​ក្រោយ​ពួកគេ​ចេញពី​គុក​៕​ប្រែ​សម្រួល​៖​វាសនា​/Ha

​ការឆ្លង​ជា​កញ្ចុំ​នៅ​ពន្ធនាគារ​ប៉េណាំង ចម្លង​មនុស្ស​យ៉ាងតិច​៣៩៩​នាក់​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តសៀមរាប ចែក​ម...

ដោយៈ បាយ័ន/សៀមរាបៈ នៅវេលា...

ទេសាភិបាល​ធនាគារជាតិ​ចូលរ...

​ដោយៈ ជា សីហៈ​/​ភ្នំពេញៈ ...

រដ្ឋបាល​ខេត្តសៀមរាប ដាក់​...

ដោយៈ បាយ័ន/សៀ​បរាបៈ តាម​អ...