Home ព័ត៌មានជាតិ សង្គម អភិបាលខេត្តពោ...

អភិបាលខេត្តពោធិ៍សាត់ ចែកអំណោយរបស់សម្ដេចតេជោ ជូនពលរដ្ឋ

ដោយ:រិទ្ធីសែន/ពោធិ៍សាត់: អភិបាលនៃគណៈអភិបាលខេត្តពោធិ៍សាត់ ឯកឧត្តម ម៉ៅធនិននិងលោកជំទាវ ហ៊ុន ចាន់ធី ម៉ៅ ធនិន ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត នាថ្ងៃទី១៩ ខែតុលា ឆ្នាំ២០២០ បានចុះសួរសុខទុក្ខ និងនាំយកអំណោយរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនគ្រួសារម៉ូតូឌុប និងគ្រួសារតាក់ស៊ី ព្រមទាំងប្រជាពលរដ្ឋមួយចំនួន ក្នុងខេត្តពោធិ៍សាត់ សរុបប្រមាណជាង២ពាន់នាក់ ក្នុងអំឡុងជំនន់ទឹកភ្លៀង ដែលពិធីនេះបានធ្វើឡើងនៅថ្ងៃទី១៩តុលា២០២០នៅក្នុងពហុកីឡដ្ឋានខេត្តនិងស្ថានីយ៍វិទ្យុនិងទូរទស្សន៍ខេត្តពោធិ៍សាត់ ។

អភិបាលគណៈអភិបាលខេត្តពោធិ៍សាត់ឯកឧត្តម ម៉ៅ ធនិន បានផ្តាំផ្ញើការសាកសួរសួរសុខទុក្ខ ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដោយបានចូលរួមសោកស្តាយ ចំពោះការខូចខាតទ្រព្យសម្បត្តិ និងដំណាំកសិកម្មមួយចំនួន ដែលរងគ្រោះដោយសារទឹកជំនន់នាពេលកន្លងទៅ។

ដោយមើលឃើញពីតម្រូវការស្បៀងដ៍ចាំបាច់ សម្តេចតេជោ និងសម្តេចកិត្តិព្រឹទ្ធបណ្ឌិត បានផ្តល់ជូនបងប្អូនយើង ដែលក្នុងនោះមានគ្រួសារម៉ូតូឌុប និងគ្រួសារតាក់ស៊ី ព្រមទាំងប្រជាពលរដ្ឋមួយចំនួន សរុបប្រមាណជាង២ពាន់នាក់ ក្នុងមួយគ្រួសារៗទទួលបាន អង្ករ១០គីឡូក្រាម មី១កេស និងទឹកស៊ីអ៉ីវ៣ដប។

អភិបាលគណៈអភិបាលខេត្តពោធិ៍សាត់ក៏បានធ្វើការអំពាវនាវដល់បងប្អូនប្រជាពលរដ្ឋទាំងអស់ សូមប្រកាន់ខ្ជាប់នូវការអនាម័យ ហូបស្អាតរស់នៅស្អាត និងសូមមានការប្រុងប្រយ័ត្នខ្ពស់ ដើម្បីជៀសផុតពីគ្រោះថ្នាក់ធម្មជាតិនេះ ជាពិសេសត្រូវយកចិត្តទុកដាក់ដល់ការថែទាំកុមារតូចៗ កុំឱ្យលេងទឹក ដើម្បីបង្ការ និងទប់ស្កាត់នូវគ្រោះថ្នាក់ដល់អាយុជីវិតនិងជំងឺផ្សេងៗដែលកើតមាននៅគ្រាដែលទឹកជំនន់កំពង់ស្រកទៅវិញផងដែរ។

គួបញ្ជាក់ផងដែរថា បន្ទាប់ពីទទួលរងនៅឥទ្ធិពលព្យុះ និងភ្លៀងធ្លាក់ជាបន្តបន្ទាប់ រយៈពេលជាច្រើនថ្ងៃមក បានធ្វើឱ្យក្នុងភូមិសាស្ត្រខេត្តពោធិ៍សាត់ បង្កឱ្យមានជំនន់ទឹកភ្លៀងតាមដងស្ទឹងពោធិ៍សាត់ និងរងប៉ះពាល់ ៦ក្រុងនិងស្រុក ក្នុងនោះក្រុងពោធិ៍សាត់ និងស្រុកកណ្តៀង បានរងប៉ះពាល់ខ្លាំងជាងគេ បណ្តាលឱ្យលិចលង់ផ្លូវមួយចំនួននិងបានរងផល ប៉ះពាល់ដល់លំនៅដ្ឋាន ដំណាំស្រូវ ហេដ្ឋារចនាសម្ព័ន្ធមួយចំនួន និងបណ្តាលឱ្យបាត់បង់អាយុជីវិតមនុស្សចំនួន៦នាក់ផងដែរ៕/b

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...