Home ព័ត៌មានជាតិ សេដ្ឋកិច្ច ​ខេត្ត​ចំនួន​...

​ខេត្ត​ចំនួន​ពីរ ត្រូវការ​ពូជស្រូវ ជាង​មួយ​ពាន់​តោន ដើម្បី​ស្តារឡើងវិញ ក្រោយ​ទឹកជំនន់​ស្រក​ចុះ​

ដោយៈ ពៅ​និមល / ភ្នំពេញៈ ក្រោយពី​បានធ្វើការ​វាយតម្លៃ ជាក់ស្តែង ទៅលើ​ដំណាំ​ដាំ​ដុះ ដែល​រង​ផលប៉ះពាល់ ដោយសារ​ទឹកជំនន់ លោក​ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ខេត្តបាត់ដំបង បានឱ្យដឹងថាៈ ខេត្ត​លោក មាន​តម្រូវការ​ពូជស្រូវ ប្រមាណ ១ ពាន់​តោន ខណៈដែល​ខេត្តបន្ទាយមានជ័យ ត្រូវការ​ចន្លោះ​ពី ១៨០ ទៅ ២០០ តោន ដើម្បី​ជួយ​ដល់​ប្រជាកសិករ ដែល​កំពុង​ជួបប្រទះ គ្រោះមហន្តរាយ​នេះ​។​

​ប្រាប់​កាសែត​រស្មី នៅ​ថ្ងៃទី​១៩ ខែតុលា ឆ្នាំ​២០២០​នេះ លោក ឈឹម វ​ជិ​រ៉ា ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ខេត្តបាត់ដំបង បានលើកឡើង​ថាៈ ទំហំ​ផ្ទៃដី​ដាំ​ដុះ ខេត្តបាត់ដំបង សរុប​ចំនួន​ជាង ២១ ម៉ឺន​ហិកតា ក្នុងនោះ​ផ្ទៃដី​ដាំ​ដុះ​ស្រូវ រដូវវស្សា សរុប​សម្រេចបាន​ជាង ៨៤.០០០ ហិកតា​។ លោក​បាន​បន្តថា យោងតាម​ស្ថានភាព​ជាក់ស្តែង បន្ទាប់ពី​ខេត្ត ទទួល​ជួប​គ្រោះទឹកជំនន់ ចំពោះ​ពូជស្រូវ ខេត្ត​លោក នឹងមាន​តម្រូវការ រហូតដល់ ១ ពាន់​តោន ដោយសារ​មកទល់​ថ្ងៃនេះ តំបន់​មួយចំនួន ផ្ទៃដី​ខូចខាត​មាន​ប្រមាណ ២៤.០០០ ហិកតា ប៉ុន្តែ​ក្នុង​ចំនួន​នេះ ក៏​មិន​ប្រាកដថា ត្រូវ​ស្តារឡើងវិញ​ដែរ​។​

វាលស្រែ រដូវវស្សា ដែលរងការខូចខាត ដោយសារគ្រោះទឹកជំនន់ ទឹកភ្លៀង

​ដោយឡែក លោក ប៉ាង វណ្ណា​សេដ្ឋ ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ខេត្តបន្ទាយមានជ័យ បានឱ្យដឹង​ដែរ​ថាៈ “​សម្រាប​ផ្ទៃដី​ដាំ​ដុះ ក្នុង​ខេត្ត​លោក សរុប​ចំនួន​ជាង ២៣៥.០០០ ហិកតា​។ ឥឡូវនេះ យើង​អត់​ទាន់​ចែក (​ពូជស្រូវ​) ប៉ុន្តែ​យើង​គ្រោង មាន​ផែនការ​ហើយ យើង​នឹង​ស្តារឡើងវិញ កន្លែង​ដែលមាន លទ្ធភាព​ស្រោចស្រព នៅពេលដែល​ទឹក​ស្រក​ទៅវិញ អីចឹង​យើង​គ្រោង​ប្រហែលជា ១៨០ ទៅ ២០០ តោន ឥឡូវនេះ យើង​ប៉ះពាល់ ប៉ុន្តែ​មិនទាន់​មានការ ខូចខាត​ទេ ដំណាំ​ស្រូវ គឺ ១៥.០០០ ជាង​ហិកតា ហើយ​ដំឡូង​មី ប៉ះពាល់​ប៉ះពាល់​ជាង ២.០០០ វា​ខូច​ហើយ បន្លែបង្កា​វា​ខូច​ប្រហែល​ជាង ១០០ ហិកតា​ជាង​ហើយ​” ។​

​យោងតាម​ទិន្នន័យ ផលប៉ះពាល់​ខូចខាត ដោយ​ជំនន់​ទឹកភ្លៀង របស់​គណៈកម្មាធិការ​ជាតិ គ្រប់គ្រង​គ្រោះមហន្តរាយ គិត​ចាប់ពី​ថ្ងៃទី​១ ខែកញ្ញា ដល់​ព្រឹក​ថ្ងៃទី​១៩ ខែតុលា នេះ ជំនន់​ទឹកភ្លៀង បាន​បង្កឱ្យមាន​ផលប៉ះពាល់ ដល់ ១៩ រាជធានី​-​ខេត្ត ស្មើ ៩១ ក្រុង /​ស្រុក /​ខណ្ឌ ក្នុងនោះ​ប៉ះពាល់​ស្រូវ ប្រមាណ ២១៣.២៨៩ ហិកតា និង​ដំណាំ​រួមផ្សំ ចំនួន ៧៩.៨៨៨ ហិកតា ដោយសារ​ជន​លិច​ទឹក​៕​/V

វាលស្រែ រដូវវស្សា ដែលរងការខូចខាត ដោយសារគ្រោះទឹកជំនន់ ទឹកភ្លៀង
វាលស្រែ ដែលលិចលង់ ដោយសារទឹកជំនន់ ទឹកភ្លៀង

ទីតាំងផ្សាយពាណិជ្ជកម្ម

- Advertisment -

Most Popular

ជនសង្ស័យ បួន​នាក់ ពាក់ព័ន...

ដោយៈ គ្រញូង​/​ប៉ៃលិនៈ នគរ...

អតីត​ប្រធានាធិបតី​អាម៉េរិ...

​ប្រែ​សម្រួល : កញ្ញា​ដា​ល...

បង្ក្រាបទូកនេសាទជនជាតិវៀត...

ដោយ:សុខុម/ស្ទឹងត្រែង:...

កូរ៉េខាងត្បូង​ទិញ​វ៉ាក់សា...

​ប្រែ​សម្រួលៈ​វាសនា​/​សេ​...