Home ព័ត៌មានជាតិ សេដ្ឋកិច្ច ​ជំនន់​ទឹកភ្ល...

​ជំនន់​ទឹកភ្លៀងៈ ប៉ះពាល់​ប្រជាពលរដ្ឋជាង​បី​សែន​នាក់ និង​ជម្លៀស ជិត​បួន​ម៉ឺន​នាក់ , ស្លាប់​២៥​នាក់

ដោយៈ មុនី​រ័ត្ន / ភ្នំពេញៈ ជំនន់​ទឹកភ្លៀង បាន​ប៉ះពាល់​ដល់ រាជធានី ខេត្ត ចំនួន​១៩ ប៉ះពាល់​ប្រជាពលរដ្ឋជាង ៣១០.០០០ នាក់ និង​ជម្លៀស​ទៅទីទួល​សុវត្ថិភាព ជិត​បួន​ម៉ឺន​នាក់ ប៉ះពាល់​ផ្ទះ​ជាង ប្រាំពីរ​ម៉ឺន​ខ្នង ប្រជាពលរដ្ឋស្លាប់​ចំនួន ២៥​នាក់ និង​ប៉ះពាល់​ស្រូវ ដំណាំ​ផ្សេងៗ សាលារៀន ផ្លូវថ្នល់ ផងដែរ​។​

​យោងតាម​របាយការណ៍​របស់គណៈកម្មាធិការ​ជាតិ គ្រប់គ្រង​គ្រោះមហន្តរាយ បាន​ឲ្យ​ដឹងថាៈ ទិន្នន័យ​ផលប៉ះពាល់ ខូចខាត​ដោយ​ជំនន់​ទឹកភ្លៀង ឆ្នាំ​២០២០ គិតពី​ថ្ងៃទី​១ ខែ កញ្ញា ដល់​ថ្ងៃទី​១៩ ខែតុលា ឆ្នាំ​២០២០ គឺ​ប៉ះពាល់ ១៩ រាជធានី​-​ខេត្ត ស្មើ ៩១ ក្រុង ស្រុក ខណ្ឌ រួមមានៈ ១.​ខេត្តពោធិ៍សាត់ ២. ខេត្ត​ប៉ៃលិន ៣. ខេត្តបន្ទាយមានជ័យ ៤. ភ្នំពេញ ៥. ខេត្តបាត់ដំបង ៦. ខេត្តស្វាយរៀង ៧. ខេត្ត​ឧ​ត្ត​រ​មានជ័យ ៨. ខេត្តសៀម រាប ៩. ខេត្តតាកែវ ១០. ខេត្តកំពង់ស្ពឺ ១១. ខេត្តមណ្ឌលគិរី ១២. ខេត្ត​ព្រះសីហនុ ១៣. ខេត្តកោះកុង ១៤. ខេត្តព្រះវិហារ​១៥. ខេ​ត្រ​ស្ទឹងត្រែង ១៦. ខេត្តកំពង់ចាម ១៧. ខេត្តកណ្តាល ១៨. ខេត្តកំពង់ឆ្នាំង និង​១៩. ខេត្តកំពង់ធំ​។​

ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)

​របាយការណ៍ បន្តថាៈ ប៉ះពាល់​ប្រជាជន ប្រមាណ ៧៨.០៥៦ គ្រួសារ ស្មើ​ប្រមាណ ៣១២.២២៤ នាក់​។ ប្រជាជន​ជម្លៀស ប្រមាណ ៩.៣៤៩ គ្រួសារ ស្មើ​ប្រមាណ ៣៧.៣៩៦ នាក់ ។ ផ្ទះ​ប៉ះពាល់​ប្រមាណ ៧៣.៧២០ ខ្នង និង​ខូចខាត ៥៦​ខ្នង ។ សាលារៀន លិច​ទឹក​ប្រមាណ ៥៦៨ កន្លែង​។ ស្រូវ​លិច​ទឹក ប្រមាណ ២១៣.២៨៩ ហិកតា និង​ដំណាំ​រួមផ្សំ លិច​ទឹក ៧៩.៨៨៨ ហិកតា ។ ផ្លូវជាតិ ផ្លូវ​ខេត្ត ផ្លូវ​ក្រួស​ក្រហម ប៉ះពាល់​ប្រមាណ ៣៩៣ គីឡូម៉ែត្រ​។ ផ្លូវលំ​ជនបទ លិច​ទឹក​ប្រមាណ ១.៤៦៧ គីឡូម៉ែត្រ​។ ទំនប់​ប៉ះពាល់ ប្រមាណ ២៤ គីឡូម៉ែត្រ​។ ប្រឡាយ​មេ ប៉ះពាល់​ប្រមាណ ១៩៧.៣ គីឡូម៉ែត្រ​។ ប្រឡាយ​រង ប៉ះពាល់​ប្រមាណ ១៤១,៦ គីឡូម៉ែត្រ​។ ប្រឡាយ​ស្រោចស្រព ប៉ះពាល់​ប្រមាណ ៨៥,៩ គីឡូម៉ែត្រ​។​

​ប្រភព​ដែល បាន​បន្តថាៈ ចំនួន​ប្រជាជន​ស្លាប់ដោយ​ទឹកជំនន់​ទឹកភ្លៀង មាន​ចំនួន ២៥​នាក់ ។ ចំនួន​នេះ គិតពី​ថ្ងៃទី​១ ខែកញ្ញា ដល់​ថ្ងៃទី​១៩ ខែតុលា ក្នុងនោះ ខេត្តបន្ទាយមានជ័យ ចំនួន​១៥​នាក់ ខេត្ត​ព្រះសីហនុ ចំនួន ពីរ​នាក់ ខេត្តពោធិ៍សាត់ ចំនួន បីនាក់ ខេត្ត​ប៉ៃលិន ចំនួន មួយ​នាក់ និង​ខេត្តកំពង់ធំ ចំនួន បួន​នាក់​៕/V/Ha

ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)
ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)
ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)
ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)
ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)
ប្រជាពលរដ្ឋ​រងគ្រោះ ដោយ​ទឹកជំនន់​ទឹកភ្លៀង (​រូប​ថ​តៈ​ឯកសារ​)

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...