Home ព័ត៌មានជាតិ សេដ្ឋកិច្ច ទោះបី​បើក​បង្...

ទោះបី​បើក​បង្ហូរទឹក ពី​អាង​ទំនប់ វា​រី​អគ្គិសនី​ក្តី តែ​មិនបាន​បង្ក ការ​ជន់​លិចលង់​ឡើយ​

ដោយៈ បូកគោ / កំ​ពតៈ ទោះបី​ក្រុមហ៊ុន ស៊ី​ណូ​ហាយ​ដ្រូ បាន​បើក​បង្ហូរទឹក ចេញពី​អាង​ទំនប់​វា​រី​អគ្គិសនី កំចាយ​ក្តី អ្នករស់នៅ​ផ្នែក​ខាងក្រោម ពិសេស​គ្រប់​ភូមិសាស្ត្រ អម​សងខាង​ស្ទឹង​កំចាយ និង​ព្រែក​កំពង់ មិន​ទទួលរង​នូវ ការ​ជន់​លិចលង់​ឡើយ​។​

​ក្រោយពី​ចុះ​ពិនិត្យ​ស្ថានភាព​ទូទៅ និង​ជួប​ប្រជាពលរដ្ឋ រស់នៅ​អម​សងខាង​ស្ទឹង​កំចាយ និង​ព្រែក​កំពង់បាយ នា​សៀ​ល ថ្ងៃទី​១៨ ខែតុលា ឆ្នាំ​២០២០ លោក ជាវ តា​យ អភិបាល​ខេត្តកំពត បាន​មានប្រសាសន៍ថាៈ តាម​ការពិនិត្យ​ជាក់ស្តែង ទោះបី​មានការ​បើកទឹក​ចេញ ពី​អាង​ទំនប់​វា​រី​អគ្គិសនី និង​ទឹក​ហូរ​ធ្លាក់​ខ្លាំង ពី​ស្ទឹង​កែវ​ក្តី ក៏​មិនបាន​បង្ក ក្តី​ព្រួយបារម្ភ​ដែរ​។ រហូតមកដល់​ពេលនេះ ទឹក​មានតែ​ក្នុង​ដងព្រែក ដោយ​មិនបាន​ហូរ​ចូល ភូមិឋាន​ដែលនាំឱ្យ​ប៉ះពាល់ ផល​ប្រ​យោ​ជ៍ ប្រជាពលរដ្ឋ​ឡើយ​។​

លោក ជាវ តា​យ អភិបាល​ខេត្តកំពត បាន​ចុះ​ពិនិត្យ​ស្ថានភាព​ទូទៅ និង​ជួប​ប្រជាពលរដ្ឋ រស់នៅ​អម​សងខាង​ស្ទឹង​កំចាយ និង​ព្រែក​កំពង់បាយ

​លោក​អភិបាលខេត្ត បាន​បន្តថាៈ ជាធម្មតា មុនពេល​បើក​បង្ហូរទឹក ចេញពី​ទំនប់​វា​រី​អគ្គិសនី​កំចាយ ក្រុមហ៊ុន​ស៊ី​ណូ​ហាយ​ដ្រូ តែង​ពិភាក្សា​ជាមួយ រដ្ឋបាលខេត្ត រួច​ប្រកាស​ជូនដំណឹង ដើម្បីឱ្យ​សាធារណជន​ទូទៅ បាន​ជ្រាប និង​មានការ​ប្រុងប្រយ័ត្ន​។ និយាយ​រួម ដៃគូ​អភិវឌ្ឍ​មួយ​នេះ បាន​សហការ និង​យកចិត្តទុកដាក់​ខ្ពស់ លើ​បញ្ហា​ទឹក នៅតាម​ដងព្រែក​។ ជា​ញឹកញយ រដ្ឋបាលខេត្ត តែង​ធ្វើ​ការស្ដារ​ផ្លូវទឹក ដើម្បីឱ្យ​ហូរ​ចុះ ទៅ​សមុទ្រ​បាន​លឿន​។

ជាមួយគ្នានេះដែរ លោក ជាវ តា​យ ក៏បាន​ផ្ដាំផ្ញើ​ថាៈ ប្រជាពលរដ្ឋ ដែល​រស់នៅ​អម​សងខាង ដងស្ទឹង​កំចាយ និង​ព្រែក​កំពង់បាយ ព្រមទាំង​អាជ្ញាធរ គ្រប់​មូលដ្ឋាន ត្រូវ​តាមដាន​ស្ថានការណ៍​ទឹក ជាប្រចាំ​។ លើសពីនោះ ត្រូវ​បង្កើន​ការប្រុងប្រយ័ត្ន​ខ្ពស់ ចំពោះ​បញ្ហា​ដែល​អាច​កើតឡើង ជាយថាហេតុ នូវ​រាល់​បញ្ហា​គ្រោះធម្មជាតិ​នានា​។​

​សូមបញ្ជាក់ថា នៅ​ម៉ោង ១២ ថ្ងៃត្រង់ ថ្ងៃទី​១៧ ខែតុលា ឆ្នាំ​២០២០ អ្នកបច្ចេកទេស ក្រុមហ៊ុន​ស៊ី​ណូ​ហាយ​ដ្រូ កំចាយ បានសម្រេច​បើកទ្វារ​បង្ហូរទឹក ពី​អាង​ស្តុក ពេល​កម្រិត​ទឹក​ឡើង ដល់ ១៤៩,១៩ ម៉ែត្រ​។ ការបើក​នោះ ធ្វើឡើង​ត្រឹម​តែមួយ​ទ្វារ ដោយ​លើកកម្ពស់ ២ ម៉ែត្រ​ប៉ុណ្ណោះ​៕/V

ក្រុមហ៊ុន ស៊ី​ណូ​ហាយ​ដ្រូ បាន​បើក​បង្ហូរទឹក ចេញពី​អាង​ទំនប់​វា​រី​អគ្គិសនី កំចាយ
ក្រុមហ៊ុន ស៊ី​ណូ​ហាយ​ដ្រូ បាន​បើក​បង្ហូរទឹក ចេញពី​អាង​ទំនប់​វា​រី​អគ្គិសនី កំចាយ
ក្រុមហ៊ុន ស៊ី​ណូ​ហាយ​ដ្រូ បាន​បើក​បង្ហូរទឹក ចេញពី​អាង​ទំនប់​វា​រី​អគ្គិសនី កំចាយ

ទីតាំងផ្សាយពាណិជ្ជកម្ម

- Advertisment -

Most Popular

អ្នកជំនាញ​ប្រជុំ​ត្រៀម​សម...

​ដោយៈ​សុផល​/​ភ្នំពេញ​: លោ...

​ប្រមុខ​រាជរដ្ឋាភិបាល​កម្...

ដោយៈ​តារា​រិ​ទ្ធ​/​ភ្នំពេ...

ចាប់ខ្លួន​ថៅកែ​ហាង​លក់​គ្...

​ដោយ​:​អង្គរតូច​/​សៀមរាប​...

ទេសរដ្ឋមន្ត្រី ស៊ុន ចាន់ថ...

ដោយ​: សុផល / ភ្នំពេញ​: លោ...