Home ព័ត៌មានជាតិ សេដ្ឋកិច្ច អាជ្ញាធរខេត្ត...

អាជ្ញាធរខេត្ត​កំពង់ចាម​ជំរុញ​ឱ្យ​កសិករ​បង្កើន​ការចិញ្ចឹម​សត្វ​តាម​លក្ខណ​:​បច្ចេកទេស​

ដោយ​: គង់​ហេង​/​កំពង់ចាម​: លោក អ៊ុន ចាន់​ដា អភិបាលខេត្ត​កំពង់ចាម​បាន​ជំរុញ​ឱ្យ​ប្រជាកសិករ បង្កើន​ការចិញ្ចឹម​សត្វ​នៅតាម​សហគមន៍​ស្របតាម​លក្ខណ​:​បច្ចេកទេស​ពិសេស​គឺ​ចិញ្ចឹម​ត្រី​ឱ្យ​ប្រែក្លាយជា​ខេត្ត​នាំ​ត្រី​សាច់​ជា​អាហារ​គ្រប់​ប្រភេទ​ទៅ​លក់​នៅ​ទីផ្សារ​ខាងក្រៅ​វិញ​។​

​លោក​អភិបាលខេត្ត​កំពង់ចាម​បាន​ជំរុញ​យ៉ាង​ដូច្នេះ​នៅក្នុង​ការចូលរួម​ចែក​ធាតុ​ចូល​កសិកម្ម​ជូន​ដល់​ប្រជាកសិករ​ជា​សមាជិក​បណ្តុំ​អាជីវកម្ម​ចិញ្ចឹមសត្វ​នៃ​អនុ​កម្មវិធី​ផ្សព្វផ្សាយ​បច្ចេកទេស​កសិកម្ម​ថ្មី​ដែល​ធន់​ទៅនឹង​ការ​បម្រែបម្រួល​អាកាសធាតុ​«​អា​ស្ពែ​រ​»(ASPIRE)​របស់​មន្ទីរ​កសិកម្ម​រុក្ខាប្រមាញ់ និង​នេសាទ​នៅក្នុង​វត្ត​កំពង់​ត្រុំ ឃុំ​កោះ​មិត្ត ស្រុក​កំពង់សៀម​នៅ​ព្រឹក​ថ្ងៃទី ១៩ តុលា​។​

​លោក​អ៊ុន​ចាន់​ដា​បាន​មានប្រសាសន៍ថា​យើងទាំងអស់គ្នា​១១៧​គ្រួសារ​ដែលមាន​វត្តមាន​នាឱកាស​នេះ​ចាំបាច់​ត្រូវ​រៀបចំ​នូវ​បណ្តុំ​អាជីវកម្ម​គឺ​គម្រោង​«​អា​ស្ពែ​រ​»​ដោយ​ចងក្រង​ជា​សហគមន៍​ទទួលបាន​ការបណ្តុះបណ្តាល​។ ដោយ​ធ្វើយ៉ាងណា​អនុវត្ត​ឱ្យបាន​សមស្រប​តាម​ការ​ណែ​នាំនូវ​ការរីកចម្រើន​។​

​លោក​អភិបាលខេត្ត​បាន​មានប្រសាសន៍​ទៀតថា​ខេត្តកំពង់ចាម​បាន​ផលិត​ស្រូវ​មានការ​កើនឡើង​ជា​រៀងរាល់ឆ្នាំ​ដែលនាំឱ្យ​មានលទ្ធភាព​នាំ​ស្រូវ​ចេញទៅ​លក់​នៅ​ទីផ្សារ​ខាងក្រៅ​តាម​បណ្តា​ខេត្ត​ផ្សេងៗ​រហូតដល់​១៧​ម៉ឺន​តោន​ក្នុង​មួយឆ្នាំ​។​ប៉ុន្តែ​ងាក​មក​ការចិញ្ចឹម​សត្វ​វិញ​ពិសេស​គឺ​ត្រី​យើង​បាន​នាំចូល​ពី​បណ្តា​ខេត្តកំពង់ឆ្នាំង​ខេត្តព្រៃវែង​ខេត្តកំពង់ធំ​ជាដើម​។​ដែល​នេះ​បង្ហាញថា​ប្រជាពលរដ្ឋ​យើង​មិនសូវ​និយម​ការចិញ្ចឹម​ត្រី​បើទោះជា​ខេត្ត​នេះ​នៅជាប់​ទន្លេមេគង្គ​យ៉ាងណាក្តី​។​

​លោក​បាន​បន្ថែមថា​យើង​ត្រូវខិតខំ​បង្កើត​បណ្តុំ​អាជីវកម្ម​ជា​សហគមន៍​ចិញ្ចឹម​ត្រី​ឱ្យបាន​ច្រើន​ដែល​ស្របតាម​កត្តា​ភូមិសាស្ត្រ​ក្នុង​តំបន់​នីមួយៗ គឺ​នឹង​ប្រែក្លាយជា​ខេត្ត​នាំ​ត្រី​ចេញ​វិញ​។ ព្រោះ​ខេត្ត​យើង​មាន​លក្ខណ​:​អំណោយផល​ខ្លាំងណាស់​។​ជាពិសេស​ស្របតាម​ប្រសាសន៍​សម្តេច​តេ​ជោ​ហ៊ុនសែន​គឺ​សម្តេច​បាន​អំពាវនាវ​និង​លើកទឹកចិត្ត​ដល់​ប្រជាកសិករ​ឱ្យ​ចងក្រង​ជា​សហគមន៍​ចិញ្ចឹម​ត្រី​។ ដោយ​ទទួលបាន​កម្ចី​ឥ​ទាន​ពី​ធនាគារ​អភិវឌ្ឍន៍ជនបទ គឺ​ទទួលបាន​អត្រា​ការប្រាក់​ទាប​៕S/


ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...