Home ព័ត៌មានជាតិ សេដ្ឋកិច្ច របាយការណ៍​ប៉ា...

របាយការណ៍​ប៉ាន់ប្រមាណ​អំពី​សត្វ​ផ្សោត​ទន្លេមេគង្គ​កម្ពុជា​នឹងត្រូវ​ផ្សព្វ​​ផ្សាយ​នៅ​ថ្ងៃទី​២២​តុលា​

សត្វ​ផ្សោត​ទន្លេមេគង្គ​កម្ពុជា(រូបថតWWF-កម្ពុជា)

ដោយៈ​បូព៌​ព្រឹក្ស​/​ភ្នំពេញៈកិច្ចប្រជុំ​ផ្សព្វផ្សាយ​ស្តីពី​ស្ថានភាព​សត្វ​ផ្សោត​ទន្លេមេគង្គ​កម្ពុជា​របាយការណ៍​នៃ​ការប៉ាន់ប្រមាណ​ឆ្នាំ ២០២០​នឹង​ប្រព្រឹត្តិ​ទៅ​នៅ​បន្ទប់​ប្រជុំ​នៃ​រដ្ឋបាល​ជលផល ក្រសួងកសិកម្ម​រុក្ខាប្រមាញ់​និង​នេសាទ នៅ​ព្រឹក​ថ្ងៃទី​២២ ខែតុលា ខាងមុខ​។​នេះ​បើ​យោងតាម​សេចក្តីជូនដំណឹង​រួមគ្នា​រវាង​រដ្ឋបាល​ជល​ផល​និង​អង្គការ​WWF-​កម្ពុជា​នៅ​ថ្ងៃទី​២០​ខែតុលា​នេះ​។​ព្រឹត្តិការណ៍​នេះ​ត្រូវបាន​អនុញ្ញាត​ឲ្យ​អ្នកសារព័ត៌មាន​ចូលរួមបាន​។​


​កិច្ចប្រជុំ​នេះ​មាន​គោលបំណងៈ​១. បង្ហាញ​ចំនួន​ប៉ាន់ប្រមាណ​សរុប​នៃ​សត្វ​ផ្សោត​ទន្លេ​ក្នុង​ឆ្នាំ​២០២០,២. ផ្តល់​វេទិកា​ដល់​អ្នកសារព័ត៌មាន​ជាតិ និង​អន្តរជាតិ ដើម្បី​ស្វែងយល់​ពី​ការគ្រប់គ្រង និង​ការការពារ សត្វ​ផ្សោត​ទន្លេមេគង្គ​នាពេល​បច្ចុប្បន្ន​,៣. បង្កើន​ការចូលរួម​របស់​ស្ថាប័ន​ពាក់ព័ន្ធ និង​សាធារណៈជន​ទូទៅ​ក្នុងការ​រួមចំណែក​ដល់​ការ គ្រប់គ្រង និង​ការពារ​សត្វ​ផ្សោត​ព្រមទាំង​ជីវចម្រុះ​នៅ​តំបន់​ទន្លេមេគង្គ​។​ ​អ្នកចូល​​រួម​ក្នុង​ព្រឹត្តិការណ៍​នេះ​មានៈ ថ្នាក់ដឹកនាំ និង​បុគ្គលិក​រដ្ឋបាល​ជលផល​, ថ្នាក់ដឹកនាំ និង​បុគ្គលិក​នៃ​មន្ទីរ​កសិកម្ម រុក្ខាប្រមាញ់ និង​នេសាទ និង​ខណ្ឌ​រដ្ឋបាល​ជល​ផល ខេត្តក្រចេះ និង​ស្ទឹងត្រែង​, ថ្នាក់ដឹកនាំ និង​បុគ្គលិក​អង្គការ WWF,​ថ្នាក់ដឹកនាំ និង​បុគ្គលិក ឬ​អ្នកតំណាង​មកពី អង្គការក្រៅរដ្ឋាភិបាល និង​ដៃគូ​អភិវឌ្ឍន៍​
​និង​ថ្នាក់ដឹកនាំ ឬ​អ្នកយក​ព័​ត៌​មកពី សារព័ត៌មាន​ជាតិ និង​អន្តរជាតិ​។​

សត្វ​ផ្សោត​ទន្លេមេគង្គ​កម្ពុជា(រូបថតWWF-កម្ពុជា)


​យោងតាមខ្លឹមសារនៃសេចក្តីជូនដំណឹងរួមខាងលើបានរំលឹកថាការរស់រាន​របស់​ស​ត្វ​ផ្សោត​ទន្លេមេគង្គ គឺជា​កត្តា​វាស់វែង​នៃ​គុណភាព​នៃ​ប្រព័ន្ធ​អេកូឡូស៊ី​នៃ​ទន្លេ​ទាំងមូល​។ លើសពីនេះទៅទៀត សត្វ​ផ្សោត​ត្រូវបាន​រាជរដ្ឋាភិបាល​ចាត់ទុកជា​រតនៈសម្បត្តិ​ជាតិ​មានជីវិត​បន្ទាប់ពី​ប្រា​ង​ប្រាសាទ​អង្គ​វត្ត​។ អស់​រយៈពេល​ជាង​១៥​ឆ្នាំ​មកហើយ អង្គការ​WWF រួម​ជាមួយនឹង​រដ្ឋបាល​ជលផល បាន សហការ​យ៉ាង​ជិតស្និទ្ធ​ជាមួយ​អាជ្ញាធរ​ខេត្តក្រចេះ​និង​ខេត្តស្ទឹងត្រែង ប្រជាជន​សហគមន៍​មូលដ្ឋាន និង​ដៃគូ សំខាន់ៗ​មួយចំនួនទៀត ដើម្បី​រួមគ្នា​ការពារ​សត្វ​ផ្សោត​ទន្លេមេគង្គ​ឲ្យ​បន្ត​រស់នៅ​គង់វង្ស​នៅក្នុង​ទន្លេ ដែលជា ប្រភព​នៃ​ធនធាន​ជលផល​ទឹកសាប​ដ៏​សំខាន់ សម្រាប់​ប្រជាជន​ប្រមាណ ៦០​លាន​នាក់ កំពុង​ពឹង​អាស្រ័យ លើ​ទន្លេ​នេះ​សម្រាប់​ប្រកបរ​បរច​ញ្ចឹ​ម​ជីវិត​។​


​សត្វ​ផ្សោត​ទន្លេមេគង្គ​ត្រូវបាន​ចាត់ថ្នាក់​ជា​ប្រភេទ​សត្វ​ជិត​ផុត​ពូជ (Critically Endangered Species)​ក្នុង​បញ្ជី​ក្រហម​របស់​អង្គការ​សហភាព​អន្តរជាតិ​ដើម្បី​អភិរក្ស​ធនធានធម្មជាតិ ដែល​ហៅ​កាត់​ថា IUCN ។​
​ការប៉ាន់ប្រមាណ​ចំនួន​សរុប​របស់​សត្វ​ផ្សោត​ទន្លេមេគង្គ​ត្រូវបាន​អ្នកវិទ្យាសាស្ត្រ​អនុវត្ត​ក្នុង​រយៈពេល​ចន្លោះ​ពី​ពីរ ឬ​បី​ឆ្នាំ​ម្តង ដោយ​ប្រើ​គំរូ​វិភាគ​ទិន្នន័យ​បែប​វិទ្យាសាស្ត្រ ដែលមាន​ឈ្មោះថា Mark-resight models​។ តាមរយៈ​ការតាមដាន​ស្ថានភាព​សត្វ​ផ្សោត​នៅក្នុង​តំបន់​ទីជម្រក​សំខាន់ៗ​របស់​ពួកវា ដែលមាន​ចម្ងាយ​សរុប ១៨០ គីឡូម៉ែត្រ ពោលគឺ​ចន្លោះ​ពី​ទីក្រុង​នៃ​ខេត្តក្រចេះ រហូតដល់​ព្រំប្រទល់​ទឹក​នៃ​កម្ពុជា​-ឡាវ អ្នកវិទ្យាសាស្ត្រ ប្រមូល​ព័ត៌មាន និង​ទិន្នន័យ​ចាំបាច់​សម្រាប់​ការវិភាគ និង​ចងក្រង​របាយការណ៍ ស្តីពី​ចំនួន​ប៉ាន់ប្រមាណ សរុប​។ ជាក់ស្តែង ក្នុង​ឆ្នាំ​២០១៧ អ្នកវិទ្យាសាស្ត្រ​បាន​ប៉ាន់ប្រមាណ​ថា មាន​សត្វ​ផ្សោត​សរុប​ចំនួន ៩២​ក្បាល ក្នុង​កម្រិត​ជឿជាក់​៩៥% ពោលគឺ​ស្ថិតក្នុង​ចន្លោះ ពី​៨០ ទៅ​១០៦ ក្បាល (៩៥% CI: ៨០-១០៦)​។ ការតាមដាន និង​ការប៉ាន់ប្រមាណ​ចំនួន​សរុប​របស់​សត្វ​ផ្សោត​ទន្លេមេគង្គ​នេះ មាន​ភាពចាំបាច់​ណាស់​ស​ម្រា​ប់​គាំទ្រ​ដល់ ការគ្រប់គ្រង និង​ការពារ​សត្វ​ផ្សោត​ដ៏​សំខាន់​ជាស​កល​មួយ​ប្រភេទ​នេះ កុំ​ឲ្យ​បាត់បង់​ពី​ទីជម្រក​ធម្មជាតិ របស់​វា​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular

សមត្ថកិច្ចសម្រេច​បិទ​ហាង​...

ដោយៈ ស​រិ​ទ្ធ​/​កណ្តាលៈ ហ...

កម្មករ​រ៉ែ​ចិន​១៨​នាក់​ស្...

​ប្រែ​សម្រួលៈ​វាសនា​/​ប៉េ...

ក្មេងប្រុស​ម្នាក់ ធ្លាក់ច...

​ដោយៈ សុខុម​/​ស្ទឹងត្រែងៈ...

លោក ហ៊ុន ម៉ា​នី ផ្តល់​សម្...

ដោយៈ ភ្នំ​ខៀវ​/​ប៉ៃលិនៈ ល...