Home ព័ត៌មានអន្តរជាតិ មន្ត្រី​៖ ឥណ្...

មន្ត្រី​៖ ឥណ្ឌូណេស៊ី​ច្រានចោល​សំណើ​របស់​អាម៉េរិក​ដើម្បី​សុំ​ដាក់​យន្តហោះ​ស៊ើបការណ៍​

​យោង​តាម​មន្ត្រី​ឥណ្ឌូនេស៊ី​៤​នាក់​ដែល​ដឹង​រឿង​នេះ​បានអោយដឹងថា ឥណ្ឌូនេស៊ី​បាន​ច្រាន​ចោល​សំណើ​របស់​អាម៉េរិក​ដើម្បី​អនុញ្ញាត​អោយ​យន្តហោះ​ស៊ើបការណ៍​លើ​សមុទ្រ​ធុន​P-8 Poseidon​របស់ខ្លួន ចុះចត​និង​ចាក់​សាំង​នៅទីនេះ​។​

​មន្ត្រី​ទាំងនេះ​បាន​និយាយថា ពួក​មន្ត្រី​អាម៉េរិក​បាន​ស្នើសុំ​ជាច្រើន​លើក​មក​ហើយ​នៅ​ខែកក្កដា និង​ខែសីហា មក​កាន់​រដ្ឋមន្ត្រី​ការពារជាតិ​និង​ការបរទេស​ឥណ្ឌូនេស៊ី មុន​ស្នើ​មកកាន់​ប្រធានាធិបតី​​ចូកូ វី​ដូ​ដូ ដែល​បាន​បដិសេធ​សំណើ​នេះ​។​

​ទោះជា​យ៉ាងណា តំណាង​ប្រធានាធិបតី និង​រដ្ឋមន្ត្រី​ការពារ​ជាតិ​ឥណ្ឌូនេស៊ី ការិយាល័យ​ព័ត៌មាន​នៃ​ក្រសួងការបរទេស​អាម៉េរិក និង​ស្ថានទូត​អាម៉េរិក​នៅ​ក្រុង​ហ្សា​ការតាមិន​បាន​ឆ្លើយត​ប​ទេ​នៅពេល​​ត្រូវ​បាន​សួរ​អំពី​ការលើកឡើង​ដូច្នេះ​។​

​ពួក​មន្ត្រី​បាន​និយាយថា សំណើ​នេះ​បាន​បង្ក​ការភ្ញាក់ផ្អើល​ក្នុងចំណោម​មន្ត្រី​រដ្ឋាភិបាល​ឥណ្ឌូនេស៊ី ដោយសារ​តែ​ឥណ្ឌូនេស៊ី​មាន​ប្រវត្តិ​យូរ​មកហើយ​គឺ រក្សា​អព្យាក្រិតភាព​ខាង​គោល​នយោបាយ​ការបរទេស​។​​ប្រទេស​នេះ​មិន​ដែល​អនុញ្ញាត​អោយ​យោធា​បរទេស​ណា​ប្រតិបត្តិការ​ចេញពី​ទឹកដី​របស់​ខ្លួន​ទេ​។​

​សូមបញ្ជាក់​ថា យន្តហោះ​P-8 Poseidon​ដើរតួនាទី​ស្នូល​មួយ​នៅក្នុង​ការឃ្លាំមើល​សកម្ម​ភាព​យោធា​ចិន​នៅក្នុង​សមុទ្រ​ចិន​ខាងត្បូង ដែល​រដ្ឋាភិបាល​ក្រុង​ប៉េកាំង​អះអាង​ជា​កម្មសិទ្ធិ​ភាគច្រើន​។​វៀតណាម​​ម៉ាឡេស៊ី ហ្វីលីពីន និង​ព្រុយ​ណេ ក៏​អះអាង​ប្រជែង​គ្នា​នៅ​តំបន់​ដែនទឹក​ដ៏​សំបូរ​ធនធាន​នេះដែរ​។​

​ឥណ្ឌូនេស៊ី មិន​ជា​អ្នកអះអាង​ទាមទារ​កម្មសិទ្ធិ​ផ្លូវការ​លើ​ផ្លូវទឹក​យុទ្ធសាស្ត្រ​នេះ​ទេ តែ​គិតថា​ចំណែក​មួយ​នៃ​សមុទ្រ​ចិន​ខាងត្បូង​ក៏​ជា​របស់​ខ្លួន​ផងដែរ​។​ប្រទេស​នេះ​តែងតែ​បណ្តេញ​នាវា​ឆ្មាំ​សមុទ្រ​និង​ទូក​នេ​​សាទ​ចិន​ចេញពី​តំបន់​ដែនទឹក​ដែល​គិតថា​ជា​របស់​ខ្លួន​។​

​តែ​ឥណ្ឌូនេស៊ី ក៏​មាន​ទំនាក់ទំនង​សេដ្ឋកិច្ច​និង​ការវិនិយោគ​កាន់តែ​កើន​ឡើង​ជាមួយ​ចិន ហើយ​មិន​ចង់​កាន់ជើង​ខាង​ណា​ទេ​ក្នុង​ជម្លោះ​រវាង​មហាអំណាច​ចិន​និង​អាម៉េរិក​៕​ប្រែ​សម្រួល​៖​វាសនា​

​យន្តហោះ​P-8 Poseidon​ដើរតួនាទី​ស្នូល​មួយ​នៅក្នុង​ការឃ្លាំមើល​សកម្ម​ភាព​យោធា​ចិន​នៅក្នុង​សមុទ្រ​ចិន​ខាងត្បូង​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...