Home ព័ត៌មានជាតិ សង្គម ​ទេស​រដ្ឋ​មន្...

​ទេស​រដ្ឋ​មន្ត្រី​ គន់ គីម កោតសរសើរ​ ឧកញ៉ា​មួយរូប

ដោយ៖បញ្ញាសាស្រ្ត/ភ្នំពេញ៖សកម្មភាព​ដឹក​នាំ​ក្រុម​តារា​ចម្រៀង​ល្បីៗ​ក្នុង​ផលិតកម្ម​ហ្កាឡាក់ស៊ី ​មាន​ដូចជា លោក ព្រាប សុវត្ថិភាព, ខេម, កញ្ញា តន់ ចន្ទសីម៉ា និង​កញ្ញា ក សុវណ្ណារី ចុះ​ទៅ ស្រុក មង្គលបុរី នាំ​ស្បៀង​ ៥០តោន និង​អាហារ​ហូប​ចុក​ផ្សេងៗ ជូន​ប្រជាពលរដ្ឋ​ដែល​កំពុង​ជន់​លិច ត្រូវបានលោក ទេសរដ្ឋមន្ត្រី គន់ គីម ​បាន​ស្វាគមន៍​​​​ និងកោតសរសើរ​នូវ​ទឹក​ចិត្ត​មនុស្សធម៌​ដ៏​ធំ​ធេង​ របស់​​លោក ឧកញ៉ា ​ឡេង ​ណា​វ៉ាត់ត្រា ជា​ខ្លាំង។

លោក ទេសរដ្ឋមន្ត្រី គន់ គីម បាន​ចាត់​ទុក​កាយវិការ​របស់​លោក​ឧកញ៉ា ដែល​ មាន​អតីតភាព​ជា​ក្មេង​ទីជនបទ​ក្រីក្រ និង​ជា​ពលករនៅ​ប្រទេសកូរ៉េ​ខាង​ត្បូង​រូបនេះ​ថា​ ជា​កាយវិការ​ដ៏​ល្អ​ប្រសើរ​ និង​ជាគំរូ​មួយ​នៅ​ក្នុង​សង្គម​កម្ពុជា។ លោកទេសរដ្ឋមន្ត្រី បានថ្លែង​ទៅ​កាន់​លោក​ឧកញ៉ា ឡេង ណាវ៉ាត្រា ថា ​ការរួមចំណែក​នេះ ឆ្លើយ​តប​ចំសភាពការណ៍ និង​តម្រូវការ​របស់​បងប្អូន​ប្រជាពលរដ្ឋ ដែល​ពួកគាត់​កំពុងជួបការលំបាក និង​ខ្វះខាត ព្រោះ​តែទឹកជំនន់។នេះ​ជា​កាយវិការ​ល្អមួយ​សម្រាប់​សង្គមយើង។

លោកបានបញ្ជាក់ថា “យើង​មាន​បាន យើង​ថ្កុំថ្កើង​ ក៏​ដោយ​សារ​បាន​ការ​គាំទ្រ​ពី​ប្រជាជន​ ដូច្នេះ​ពេល​ប្រជាជន​មាន​ទុក្ខលំបាក​ យើង​ត្រូវ​ជួយ​រំលែក​ការលំបាករបស់ គាត់។ទង្វើល្អ​ដែល​យើង​បាន​ធ្វើ​ចំពោះ​គាត់​នឹង​ធ្វើ​ឱ្យ​ជីវិត​យើង​មិន​សាបសូន្យ​នោះ​ឡើយ”​។

លោកឧកញ៉ា ឡេង ណាវ៉ាត្រា​បាន​​លើក​ឡើង​​ចំពោះ​មុខ​ក្រុម​អ្នក​សារព័ត៌មាន​ដែល​បាន​ចុះ​ទៅ​ព័ត៌មាន​ដោយ​ផ្ទាល់​​ក្នុង​សកម្មភាព​មនុស្សធម៌​នេះ​​ថា «នៅពេលដែល ឃើញបងប្អូនខ្មែរមានទុក្ខ ខ្ញុំ​តែង​តែមានទុក្ខជាមួយគាត់។ អ៊ីចឹងយើងមានសេចក្តីសុខ នៅ​ពេល​យើង​បាន​ចែករំលែក​ទៅ​ដល់​គាត់ ព្រោះ​យើង​គិតថា ជីវិតយើងរស់មិនវែងទេ ១០ឆ្នាំ, ២០ឆ្នាំ, ៣០ឆ្នាំទៀត យើង​មិន​ចឹង​ថា​នៅ​ពេល​ណា? យើង​មានឱកាសហ្នឹង អាចជួយគ្នាបាន យើងគួរតែជួយ ព្រោះ​គាត់ក៏​ចង់រស់​នៅបានស្រួល គាត់ក៏ចង់មាន សេចក្តីសុខដែរ ។ ខ្ញុំគិតថា វាមិនចម្លែកសម្រាប់ខ្ញុំទេ»៕

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...