រដ្ឋមន្ត្រី​សង្គមកិច្ច​ជួប​អ្នកទទួល​ផង និង អ្នករងគ្រោះ ៨០០ គ្រួសារ ក្នុង ខេត្ត ចំនួន ៣

ដោយៈ មេសា​/សៀមរាប​-​ពួកៈ នៅ​ព្រឹក​ថ្ងៃទី ២០ ខែ តុលា ឆ្នាំ ២០២០ នេះ លោក វង សូត រដ្ឋមន្ត្រីក្រសួង​សង្គមកិច្ច អតីតយុទ្ធជន និង យុវនីតិសម្បទា បាន​ជួប​សំណេះសំណាល សួរសុខទុក្ខ និង នាំយក​អំណោយ​ចែកជូន​ដល់​ប្រជាជន​ចំនួន ២០០ គ្រួសារ ដែល​អ្នកទទួលផល​ពី កម្មវិធី​ឧបត្ថម្ភ​សាច់ប្រាក់​ដល់​គ្រួសារ​ក្រីក្រ និង ងាយ​រងគ្រោះ អំឡុងពេល​ប្រយុទ្ធ​នឹង​ជំងឺ​កូ​វីដ ១៩ និង បងប្អូន​រងគ្រោះ​ដោយ​ទឹកជំនន់ ហើយ​ពិធី​នេះ បានធ្វើ​នៅក្នុង​សាលាបឋមសិក្សា រើ​ល ស្ថិតនៅ​ក្នុងភូមិ ត្រពាំង​ស្វាយ ឃុំ រើ​ល ស្រុក ពួក ខេត្ត សៀមរាប ដែល​អំណោយ​ទាំងនេះ មានដូចជា អង្ករ មី ទឹកត្រី ទឹក​ស៊ិ​អ៊ីវ មុង ភួយ និង ថវិកា ជាដើម​។


​សូម​ជម្រាបជូន​ដោយ​សង្ខេប​ថា កាលពី​ព្រឹក​ថ្ងៃទី ១៩ ខែ តុលា ឆ្នាំ ២០២០ នេះ លោក វង សូត បាន​ជួប​សំណេះសំណាល សួរសុខទុក្ខ ចែក​អំណោយ ដល់​បងប្អូន​ប្រជាជន​អ្នកទទួលផល​កម្មវិធី​ឧបត្ថម្ភ​សាច់ប្រាក់​ខាងលើនេះ និង អ្នករងគ្រោះ​ដោយ​ទឹកជំនន់​ចំនួន ៣០០ គ្រួសារ​នៅ​ឃុំ ជ្រោយ​ស្តៅ ស្រុក ថ្មគោល ខេត្ត បាត​ដំបង ។​


​លុះដល់​ពេល​រសៀល​ថ្ងៃទី ១៩ ដដែល​នោះ លោក រដ្ឋមន្ត្រី វង សូត ក៏បាន​ចុះ​ជួប​សួរសុខទុក្ខ និង ចែក​អំណោយ​ដល់​បងប្អូន​ប្រជាពលរដ្ឋ​ចំនួន ៣០០ គ្រួសា​ផ្សេងរ​ទៀត​នៅ​ខេត្ត បន្ទាយមានជ័យ ដែល​ពិធី​នោះ​ធ្វើ​នៅក្នុង​វត្ត ទឹកថ្លា ក្រុង សេរី​សោភ័ណ ខេត្ត បន្ទាយមានជ័យ ។ ដូច្នេះ​បើ​បូកសរុប​ទាំង​ព្រឹក​ថ្ងៃទី ២០ នេះ​ផង រយៈពេល ២ ថ្ងៃ គឺ​ថ្ងៃទី ១៩ និង ទី ២០ ខែ តុលា ឆ្នាំ ២០២០ នេះ លោក​រដ្ឋមន្ត្រី វង សូត បាន​ជួប​សំណេះសំណាល សួរសុខទុក្ខ ប្រជាជន​ដែលជា​អ្នកទទួលផល​ពី​កម្មវិធី​ឧបត្ថម្ភ​សាច់ប្រាក់ និង ប្រជាជន​រងគ្រោះ​ដោយ​ទឹកជំនន់ សរុប ៨០០ គ្រួសារ នៅក្នុង​ខេត្ត ចំនួន ៣ គឺ​ខេត្ត បាត់ដំបង​ប ខេត្ត បន្ទាយមានជ័យ និង ខេត្តសៀមរាប ហើយ​អំណោយ​ទាំងនោះ​សរុប​ជា​ទឹកប្រាក់​ប្រមាណ​ជាជាង ០៣ ម៉ឺន ដុល្លារ​អាមេរិក ។​


​នៅ​រាល់​បន្ទាប់ពី​ការជួប​សំណេះសំណាល​ទាំងនោះ​ទៅ លោក​រដ្ឋមន្ត្រី ក៏​តែងតែបាន​ចុះសួរសុខទុក្ខ ពិនិត្យមើល​ស្ថានភាព​ជីវភាព​របស់​អ្នកទទួលផល​ពី​កម្មវិធី​ឧបត្ថម្ភ​សាច់ប្រាក់ និង អ្នករងគ្រោះ​ដោយ​ទឹកជំនន់​ខ្លះទៀត ដល់ផ្ទះ នៅតាម​ភូមិ​មួយចំនួន ហើយក៏​បាន​ទៅ​ពិនិត្យមើល​ដំណើរការ​បើកប្រាក់​ជូន​បងប្អូន​អ្នកទទួលផល​ដោយផ្ទាល់​ផងដែរ ។


​ប្រការ​គួរកត់សម្គាល់​គឺថា នៅ​រាល់ពេល​ជួប​សំណេះសំណាល​ទាំងនោះ លោក រដ្ឋមន្ត្រី តែងតែបាន​ផ្តាំផ្ញើ​ក្រើនរំឭក​ដល់​បងប្អូន​ប្រជាជន​ទាំងនោះ​ឱ្យ​យកចិត្តទុកដាក់​កុំ​ធ្វេសប្រហែស ថែរក្សា​សុខភាព និង សុវត្ថិភាព​ផ្ទាល់ខ្លួន ក៏ដូចជា​សុខភាព និង សុវត្ថិភាព​គ្រួសារ​នៅ​អំឡុងពេល​ទឹកជំនន់​នេះ​ឱ្យបាន​ល្អ ហើយក៏​មិនត្រូវ​ភ្លេច​ជំងឺ​កូ​វីដ ១៩ ដែរ ព្រោះថា បើទោះបីជា​កម្ពុជា កំពុង​ប្រឈម​នឹង​ទឹកជំនន់​ក្តី ក៏ កម្ពុជា មិនទាន់មាន​សុវត្ថិភាព​ទាំងស្រុង​ពី​ជំងឺ​កូ​វីដ ១៩ នៅឡើយ​ទេ ។​


​ម្យ៉ាងទៀត​លោក​រដ្ឋមន្ត្រី វង សូត ក៏​តែងតែបាន​ផ្តាំផ្ញើ​ដល់​អ្នកទទួលផល​ពី​កម្មវិធី​ឧបត្ថម្ភ​សាច់ប្រាក់​ទាំងអស់ ឱ្យប្រើ​ប្រាស់​ថវិកា​ដែល​រាជរដ្ឋាភិបាល កម្ពុជា បើក​ផ្តល់ជូន​តាមរយៈ​កម្មវិធី​ឧបត្ថម្ភ​សាច់ប្រាក់​ដល់​គ្រួសារ​ក្រីក្រ និង ងាយ​រងគ្រោះ អំឡុងពេល​ប្រយុទ្ធ​នឹង​ជំងឺ​កូ​វីដ ១៩ នោះ​ឱ្យបាន​ត្រឹមត្រូវ ឱ្យ​បានជា​ប្រយោជន៍​ដល់​គ្រួសារ ចៀសវាង​ការប្រើប្រាស់​មិនបាន​ត្រឹមត្រូវ ដូចជា​យកទៅ​ចំណាយ​លើ​គ្រឿង​ស្រវឹង និង ល្បែងស៊ីសង​ជាដើម ហើយ​ការ​ផ្តាំផ្ញើ​បែបនេះ មិនមែនជា​លើក​ទី ១ ទេ គឺ​គេ​បានឮ​លោក​រដ្ឋមន្ត្រី វង សូត ថ្លែង​ផ្តាំផ្ញើ​បែបនេះ​ជា​បន្តបន្ទាប់​មកហើយ ៕Kh

លោក វង សូត រដ្ឋមន្ត្រីក្រសួង​សង្គមកិច្ច នាឱកាស​ចុះ​ជួប​សំណេះសំណាល និង ពិនិត្យ​ស្ថានភាព​ជីវភាព នៃ អ្នកទទួលផល​ពី​កម្មវិធី​ឧបត្ថម្ភ​សាច់ប្រាក់​ដល់​គ្រួសារ​ក្រីក្រ និង ងាយ​រងគ្រោះ អំឡុងពេល​ប្រយុទ្ធ​នឹង​ជំងឺ​កូ​វីដ ១៩ និង អ្នករងគ្រោះ​ដោយ​ទឹកជំនន់​នៅ​ខេត្ត បាត់ដំបង បន្ទាយមានជ័យ និង សៀមរាប ( រូបៈ មេសា )

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...