Home ព័ត៌មានជាតិ សេដ្ឋកិច្ច ផ្លូវជាតិ​និង...

ផ្លូវជាតិ​និង​ផ្លូវ​ខេត្ត​នៅ​ខេត្តបន្ទាយ​មានជ័យ​រង​គ្រោះ​ច្រើន​ដោយ​ទឹក​ជំនន់​


ដោយៈ ប​.​ជ័យ / បន្ទាយ​មាន​ជ័​យៈ ចាប់តាំងពី​ដើមខែ​មក​ទល់​ថ្ងៃទី​២០​ខែតុលា​ឆ្នាំ​២០២០ នេះ ផ្លូវជាតិ​និង​ផ្លូវ​ខេត្ត​នៅ​ខេត្តបន្ទាយមានជ័យ​បានទទួល​រងគ្រោះ​ច្រើន​ដោយ​​ទឹកជំនន់​។ ឆ្លើយតប​នឹង​បញ្ហា​នេះ កាលពី​ថ្ងៃទី​១៩ ខែតុលា ឆ្នាំ​២០២០ លោក​ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន បាន​ដឹកនាំ​ក្រុមការងារ​បច្ចេកទេស​ក្រសួង បន្ត​ចុះ​ពិនិត្យ​ស្ថានភាព​ទឹកជំនន់​ដែល​បង្ក​ផលប៉ះពាល់​ដល់​ហេដ្ឋារចនាសម្ព័ន្ធ​ផ្លូវថ្នល់ ស្ថិតនៅក្នុង​ខេត្តបន្ទាយមានជ័យ ដោយមាន​ការចូលរួម​ពី​អាជ្ញាធរ​ដែនដី និង​បណ្តា​ភាគី​ពាក់ព័ន្ធ​។​

​ចំណុច​រងគ្រោះ ប៉ះពាល់​និង​ខូចខាត​ដោយ​ទឹកជំនន់​មាន​ផ្លូវជាតិ​លេខ​៥ នៅ​ទីរួមស្រុក​មង្គល​បូរី , នៅ​ព្រំប្រទល់​ក្រុង​សិរីសោភ័ណ​និង​ស្រុក​មង្គល​បូរី , នៅ​ក្បាលស្ពាន​នៃ​ផ្លូវ​ខេត្ត​១៥៦​ដេ ឃុំ​គយ​ម៉ែង និង​នៅ​ផ្លូវជាតិ​លេខ​៥៦ ស្ពាន​លេខ​១ (​ស្ពាន​អាមេរិកាំង​)​ទីរួមស្រុក​ថ្មួ​ក ។​ល​។

​ទន្ទឹមនឹងនេះ ក្រុមការងារ​របស់​ម​ន្ទីរ​សាធារណការ និង​ដឹកជញ្ជូន​ខេត្តបន្ទាយមានជ័យ​បាន​បន្តការងារ​ថែទាំ​ផ្លូវជាតិ​លេខ​៥ ចន្លោះ​ពី PK402+500 ទៅដល់ PK402+700 ផ្នែក​ខាងឆ្វេង​ដៃ លុប​សំបុកមាន់​ដោយ​លាយ​ល្បាយ​ថ្ម​មិច ស៊ីម៉ង់ និង​កៅស៊ូ និង​ត្រង់ PK357+700 ការពារ​ទឹក​ហូរ​ច្រោះ​ក្បាលស្ពាន នៅ​ក្រុង​សិរីសោភ័ណ ។​

​រីឯ​ការងារ​ថែទាំ​ផ្លូវជាតិ​លេខ​៥៦ ចន្លោះ​ពី PK15+000 ទៅដល់ PK25+000 ដោយ​សម្អាត​រុក្ខជាតិ​ផ្នែក​ខាងស្តាំ​ដៃ និង​លុប​សំបុកមាន់​ដោយ​លាយ​ល្បាយ​ថ្ម​មិច ស៊ីម៉ង់ និង​កៅស៊ូ ។​ក៏មាន​ការបន្ត​ការងា​រ​ថែទាំ​ផ្លូវជាតិ​លេខ​៥៦D ចន្លោះ​ពី PK1+500 ទៅដល់ PK13+500 ដោយ​សម្អាត​រុក្ខជាតិ​សងខាង​ផ្លូវ ស្រុក​ថ្មពួក និង​ផ្លូវ​ខេត្ត​លេខ​២៦៨A ចន្លោះ​​ពី PK34+000 ទៅដល់ PK36+000 ដោយ​សម្អាត​រុក្ខជាតិ​សងខាង​ផ្លូវ​ផងដែរ​៕​ R​

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ស្លាប់​ដោយ​ប...

​ដោយៈ​ចាន់តូ​/​ភ្នំពេញ​: ...

រថយន្ត​ដឹក​ខ្សាច់​បុក​និង...

​ដោយៈ​ចាន់តូ​/​ភ្នំពេញ : ...

អ្នកជំនាញៈ​តម្លៃ​អចលនទ្រព...

​ដោយ:​ច្រាយ ចំណាន​/​ភ្នំព...

ទោះ​ស្ថិតក្នុង​ស្ថានភាព​ក...

​ដោយៈ ច្រាយ ចំណាន​/​ភ្នំព...