Home ព័ត៌មានជាតិ សេដ្ឋកិច្ច ​រកឃើញ​ងៀត​បប...

​រកឃើញ​ងៀត​បបែល និង​ពពុះសណ្តែក មាន​ផ្ទុក​សារធាតុ​គីមី​ប៉​រ៉ា​ក់ នៅ​ផ្សារ​វាល​យន្ត​

ដោយ​: វ៉ៃ​កូ / ស្វាយរៀង​: លោក ផឹង និល ប្រធាន​សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ ខេត្តស្វាយរៀង នៅ​ព្រឹក​ថ្ងៃទី​២០ ខែតុលា ឆ្នាំ​២០២០ បាន​សហការ​ជាមួយ មន្ទីរ​ពាណិជ្ជកម្ម​ខេត្ត អាជ្ញាធរ​ដែនដី ចុះ​ពិនិត្យ​មុខទំនិញ នៅ​ផ្សារ​វាល​យន្ត ក្រុង​-​ខេត្តស្វាយរៀង និង​តូប​លក់ដូរ ក្នុង​មន្ទីរពេទ្យ ខេត្តស្វាយរៀង ដើម្បី​ស្វែងរក​សារធាតុ​គីមី និង​ទំនិញ​ដែល​ហួស​កាលបរិច្ឆេទ​ប្រើប្រាស់ ដើម្បី​ចូលរួម​លើកកម្ពស់ សុខុមាលភាព ប្រជាពលរដ្ឋ ឲ្យ​បានល្អ​ប្រសើរ​។​

​ក្នុងឱកាស​នោះ លោក​លោក ផឹង និល បាន​ឲ្យ​ដឹងថាៈ ក្នុងការ​ត្រួតពិនិត្យ​នោះ មន្ត្រី​ជំនាញ​យើង បាន​ពិនិត្យ​គ្រឿងឧបភោគ បរិភោគ នៅតាម​ស្តង់​ក្នុង​ផ្សារ តាំង​លក់ទំនិញ​មួយចំនួន និង​បានធ្វើ​តេស្ត​បឋម លើ​ម្ហូប​អារ​ហា​ចំនួន ២៦ គំរូ ដើម្បី​ស្វែងរក​សារធាតុ​គីមី ហាមឃាត់ ដែល​ធ្វើអោយប៉ះពាល់ ដល់​សុខភាព ប្រជាពលរដ្ឋ​។ ជាពិសេស​មន្ត្រី ក​.​ប​.​ប យើង ក៏បាន​ផ្សព្វផ្សាយ អនុក្រឹត្យ​លេខ​១៣៣ ស្តីអំពី​ផលិតផល​ចិញ្ចឹម​ទារក និង​កុមារ លើ​សំបក​វេច​ខ្ចប់ ម្សៅ​ទឹកដោះគោ​។​

​លោក​បាន​បញ្ជាក់ថាៈ ជា​លទ្ធផល ក្រោយ​ការចុះអនុវត្ត​ការងារ មន្ត្រី​ជំនាញ​យើង បាន​រកឃើញ​ទំនិញ មាន​សារ​ធាតុគីមី ដូចជា ងៀត​បបែល ចំនួន ៧ គីឡូក្រាម និង​ពពុះសណ្តែក ចំនួន ៥ គីឡូក្រាម មាន​ផ្ទុក​សារធាតុ​គីមី​ប៉​រ៉ា​ក់ ហើយ​មន្ត្រី​ជំនាញ​យើង បានធ្វើ​កំណត់ហេតុ ដកហូត​ទំនិញ​ទាំងនោះ យកមក​រក្សាទុក ដើម្បី​ត្រៀម​ដុត​កម្ទេចចោល នៅពេល​ក្រោយ​៕

ទីតាំងផ្សាយពាណិជ្ជកម្ម

- Advertisment -

Most Popular

រុស្ស៊ី​នឹង​លក់​វ៉ាក់សាំង...

​ប្រែ​សម្រួល : កញ្ញា​ដា​ល...

ដាក់​ផែនការ​ការពារ​សន្តិស...

​ដោយៈ​រ៉ា​ម៉ន​/​ភ្នំពេញៈ​...

ព្រឹក​ថ្ងៃទី​២៥ វិច្ឆិកា​...

​ដោយៈ​ស​រិ​ទ្ធ​/​ភ្នំពេញៈ...

ពិនិត្យ​ការធ្វើ​ស្រែ​ឡើងវ...

​ដោយ​:​កាំ​ពី​/​ក្រចេះ​: ...