Home ព័ត៌មានអន្តរជាតិ គណៈ​រដ្ឋមន្ត្...

គណៈ​រដ្ឋមន្ត្រី​ថៃ​អនុម័ត​ការប្រជុំ​សភា​ដើម្បី​ពិភាក្សា​អំពី​ការតវ៉ា​ប្រឆាំង​

​គណៈ​រដ្ឋមន្ត្រី​ថៃ​កាលពី​ថ្ងៃ​អង្គារ​ទី​២០​តុលា បានអនុម័ត​សំណើ​កោះប្រជុំ​សភា​ពិសេស​មួយ​ចាប់ពី​ថ្ងៃ​២៦​ដល់​២៧​តុលា​ដើម្បី​ដោះស្រាយ​សម្ពាធ​នយោបាយ​ម​ក​ពី​ការតវ៉ា​ប្រឆាំង​នឹង​រដ្ឋាភិបាល​។​

​សំណើសុំ​បើក​សម័យប្រជុំ​ពិសេស​ក្នុង​ពេល​សភា​វ៉ា​កង​នេះ កើតចេញ​ពី​ប្រធាន​សភា ឈួន លី​ក​ផៃ ដែល​កាលពី​ថ្ងៃ​ចន្ទ​បាន​និយាយថា ទាំង​រដ្ឋាភិបាល​និង​ក្រុម​ប្រឆាំង​បាន​គាំទ្រ​វា​។​ចំណែក​នាយករដ្ឋមន្ត្រី​​ប្រា​យុទ្ធ ចាន់​អូ​ចា ក៏​បាន​និយាយថា លោក​គាំទ្រ​ចំណាត់ការ​នេះ​ផងដែរ​។​

នាយករដ្ឋមន្ត្រី ប្រា​យុទ្ធ ចាន់​អូ​ចា បាន​និយាយ​កាលពី​ថ្ងៃ​ចន្ទ​ថា​លោក​មិន​មាន​ផែនការ​ពង្រីក​ការប្រើ​ច្បាប់​គ្រាអាសន្ន​ទៅក្រៅ​ក្រុង​បាងកក​ទេ​

​មាន​ភាព​ទាល់ច្រក​មួយ​រវាង​រដ្ឋាភិបាល និង​ពួក​អ្នក​តវ៉ា​ប្រឆាំង​ដឹកនាំ​ដោយ​ចលនា​និស្សិត ដែល​ចង់អោយ​លោក​ប្រា​យុទ្ធ លាឈប់ កែ​រដ្ឋធម្មនុញ្ញ​អោយ​ប្រជាធិបតេយ្យ​ឡើង និង​កែ​ទំរង់​របបរាជានិយម​​អោយ​ស្រប​តាម​ខចែង​ក្នុង​រដ្ឋធម្មនុញ្ញ គឺ​ព្រះមហាក្សត្រ​គង្គនៅ​ដាច់​ពី​នយោបាយ​។​

​ពួក​អ្នក​តវ៉ា​ចោទប្រកាន់​លោក​ប្រា​យុទ្ធ ដែល​ជា​មេដឹកនាំ​រដ្ឋប្រហារ​យោធា​ឆ្នាំ​២០១៤ ថា​វិល​មក​កាន់​អំណាច​ដោយ​មិន​យុត្តិធម៌​នៅក្នុង​ការបោះឆ្នោត​សកល​កាលពី​ឆ្នាំមុន ដោយសារ​ច្បាប់​ត្រូវបាន​ផ្លាស់ប្តូរ​​ដើម្បី​អំណោយផល​ដល់​ក្រុម​យោធា​។​ពួកគេ​ថា រដ្ឋធម្មនុញ្ញ​តាក់តែង​ឡើង​ក្រោម​របប​យោធា មិន​ប្រជាធិបតេយ្យ​ទេ​។​

​តែ​ការទាមទារ​ប្រទូសរ៉ាយ​បំផុត​របស់​គេ​គឺ​ច្បាប់​checks and balances ដើម្បី​កុំអោយ​ស្តេច​មាន​អំណាច​ហួសហេតុ​ជ្រុល​ហួស​ពី​ខចែង​ក្នុង​រដ្ឋធម្មនុញ្ញ​នៃ​របប​រាជានិយម​អាស្រ័យ​ធម្មនុញ្ញ​របស់​ថៃ ។​ពួក​​គេ​ក៏​ចង់​អោយ​ដក​ចេញ​ច្បាប់​ប្រមាថ​ដែល​ហាម​ការរិះគន់​ឬ​សម្តែង​មតិ​ប៉ះពាល់​ស្តេច សមាជិក​រាជវង្ស​និង​រាជាធិបតេយ្យ​ផងដែរ​។​

​សូមបញ្ជាក់​ថា រដ្ឋាភិបាល​បាន​ស្វះស្វែង​ធ្វើអោយ​ចុះខ្សោយ​ការតវ៉ា​ប្រឆាំង​នេះ​ដោយ​ប្រកាស​ប្រើ​ច្បាប់​គ្រាអាសន្ន​នៅ​ក្រុង​បាងកក​ចាប់តាំងពី​សប្តាហ៍​មុន​មក ដោយ​ហាម​ការជួបជុំ​នយោបាយ​ចាប់ពី​មនុស្ស​៥​នាក់​ឡើង តែ​ពួក​បាតុករ​រាប់ពាន់​នៅតែ​ផ្គើន​និង​បន្ត​ជួបជុំ​តវ៉ា​ទាមទារ​រាល់ថ្ងៃ​ចាប់តាំងពី​ពេលនោះ​មក​។​

​នាយករដ្ឋមន្ត្រី ប្រា​យុទ្ធ ចាន់​អូ​ចា បាន​និយាយ​កាលពី​ថ្ងៃ​ចន្ទ​ថា​លោក​មិន​មាន​ផែនការ​ពង្រីក​ការប្រើ​ច្បាប់​គ្រាអាសន្ន​នៅក្រៅ​ក្រុង​បាងកក​ទេ ទោះ​ជា​ការប្រឆាំង​តវ៉ា​ឥឡូវ​រីក​រាលដាល​ពាសពេញ​ប្រទេស​។​

​សភា​ថៃ​កាលពី​ខែ​កញ្ញា​បាន​ប៉ុនប៉ង​ដោះស្រាយ​ការទាមទារ​មួយ​ក្នុងចំណោម​ការទាមទារ​ជាច្រើន​របស់​បាតុករ ដោយ​បាន​កោះប្រជុំ​បោះឆ្នោត​ស្តីពី​ការធ្វើ​វិសោធនកម្ម​រដ្ឋធម្មនុញ្ញ​៦​ចំណុច​តែ​ការបោះ​​ឆ្នោត​នោះ​ត្រូវ​បាន​លុបចោល​នៅ​នាទីចុងក្រោយ នៅពេល​សភា​បោះឆ្នោត​បង្កើត​គណៈកម្មាធិកា​រ​មួយ​ជំនួស​វិញ​សំរាប់​ពិចារណា​សំណើ​ទាំងនោះ​។​

​តាមពិត​ការកែប្រែ​រដ្ឋធម្មនុញ្ញ​ថៃ ទាមទារ​ការបោះឆ្នោត​គាំទ្រ​រួម​របស់​សភា​និង​ព្រឹទ្ធសភា តែ​វា​ច្បាស់​ណាស់​ថា​សំណើ​ដូច្នេះ​ខ្វះ​ការគាំទ្រ​នៅក្នុង​ព្រឹទ្ធសភា​ដែល​សមាជិក​មិន​ឆ្លងកាត់​ការបោះឆ្នោត​និង​ច្រើន​​ជា​អ្នក​អភិរក្ស​យោធានិយម​ដែល​ប្រឆាំង​នឹង​ពួក​អ្នក​ប្រឆាំង​តវ៉ា​៕​ប្រែ​សម្រួល​៖​វាសនា​

​ពួក​សកម្មជន​គាំទ្រ​លទ្ធិប្រជាធិបតេយ្យ​ថៃ​តែង​លើក​ម្រាមដៃ​បី​ជា​ការ​គំនាប់ ដែល​ជា​និមិត្តរូប​នៃ​ចលនា​តស៊ូ​របស់​គេ​

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...