Home កីឡា កម្មវិធី​ប្រក...

កម្មវិធី​ប្រកួត​បាល់ទាត់​អន្តរជាតិ​ថ្ងៃ ពុធ ទី​២១ ខែ តុលា ឆ្នាំ ២០២០

•​ ​ក្របខណ្ឌ Champions League រដូវ​កាល​២០២០ / ២០២១
(23:55) Real Madrid vs Shaktar Donetsk
(23:55) Red Bull Salzburg vs Moscow
(02:00) Ajax vs Liverpool
(02:00) Bayern Munich vs Atl. Madrid
(02:00) Inter Milan vs Monchengladbach
(02:00) Manchester City vs Porto
(02:00) Midtjylland vs Atalanta
(02:00) Olympiakos Piraeus vs Marseille
​វិភាគ​គូ​ល្អ​
Ajax vs Liverpool

ក្រុម Liverpool ចាប់ផ្តើម​យុទ្ធនាការ​ក្របខណ្ឌ​ឆេ​ម​ពាន​លី​ក​រដូវ​កាល​២០២០/២១ ដោយ​ត្រូវ​ជួប​ជាមួយ​ក្រុម​ខ្លាំង​មួយ​នៅ​តំបន់​អឺរ៉ុប​។​
​ ​
​ក្រុម​ពីរ​ផ្សេងទៀត​នៅក្នុង​ពូ​ល​ជាមួយគ្នានេះ​មាន​ក្រុម Atalanta ដែល​ធ្លាប់​ឡើងដល់​វគ្គ​៨​ក្រុម ចុងក្រោយ​កាលពី​រដូវ​កាល​មុន និង​ក្រុម Midtjylland ។ ក្រុម​របស់លោក យើ​ហ្គេ​ន ក្លប់ (Jurgen Klopp) បាន​លើក​ពាន​ក្លឹប​ជើងឯក​ក្នុង​ពិភពលោក និង​ពាន​ជើងឯក​ក្របខណ្ឌ​ព្រី​មី​ញ៉េ​លី​ក ប៉ុន្តែ​ពួកគេ​បាត់បង់​ពាន​ជើងឯក​អឺរ៉ុប​។​
​ ​
​ក្រុម​ហង្ស​ក្រហម​ចាញ់​ក្រុម Atletico Madrid ក្នុង​វគ្គ​១៦​ក្រុម​ចុងក្រោយ ហើយ​ប្រាកដជា​ចង់​ធ្វើ ឲ្យ​បានល្អ​ជាង​មុន​នៅ​រដូវ​កាល​នេះ​។ ការប្រកួត​ថ្មីៗ​នេះ ក្រុម Liverpool ហាក់ដូចជា​មិនទាន់ បង្ហាញ​ទម្រង់​លេង​កម្រិត​កំពូល​ដូចជា​រដូវ​កាល​មុន​នោះទេ​។​
​ ​
​កាលពី​ចុង​សប្តាហ៍ ក្រុម​នេះ​បាន​ត្រឹម​ស្មើ ២-២ ជាមួយ​ក្រុម Everton ហើយ​លទ្ធផល​នេះ​កើត មាន​បន្ទាប់ពី​ពួកគេ​ចាញ់​ក្រុម Aston Villa ៧-២ និង​ត្រូវបាន​ទម្លាក់​ចេញពី​ក្របខណ្ឌ EFL Cup ដោយ​ក្រុម Arsenal ជាមួយនឹង​ការទា​ត់បាល់​ប៉េ​ណា​ល់​ទី​។​
​ ​
​បី​ប្រកួត​ក្នុងចំណោម​៦​ប្រកួត​ចុងក្រោយ​នៅ​ក្របខណ្ឌ​ឆេ​ម​ពាន​លី​ក ក្រុម​នេះ​បាន​ត្រឹម​ចាញ់​។ ក្រុម​នេះ​មាន​ស្ថិតិ​ល្អ​កាលពី​ឆ្នាំ​២០១៨ នៅពេល​ពួកគេ​អាច​រកបាន​ជ័យជម្នះ​ក្រៅ​ទឹកដី​៥ ប្រកួត​ជាប់​គ្នា​នៅក្នុង​ក្របខណ្ឌ​នេះ​។​
​ ​
​ក្រុម Liverpool នឹង​អវត្តមាន​កីឡាករ វើ​ហ្គី​ល វ៉ាន ឌី​ក (Virgil Van Dijk) រយៈពេល​យូរហើយ​វា មិនមែនជា​ព័ត៌មាន​ល្អ​ទេ​សម្រាប់​ក្រុម​នេះ​ដែល​របូត​គ្រាប់​បាល់​ច្រើន​។ មាន​មួយ​ប្រកួត​ក្នុង ចំណោម​៨​ប្រកួត​ចុងក្រោយ​នៅក្រៅ​ទឹកដី​ក្រុម​ទាំងពីរ​នេះ​មិនទាន់​រកបាន​គ្រាប់​បាល់ នៅឡើយ​ទេ​។
​ ​
​ចំណែក​ក្រុម Ajax ធ្លាប់​ឡើងដល់​វគ្គ​ពាក់កណ្តាល​ផ្តាច់ព្រ័ត្រ​ក្របខណ្ឌ​ឆេ​ម​ពាន​លី​ក​កាលពី​ពីរ​រដូវ​កាល​កន្លងទៅ ប៉ុន្តែ​បាន​លក់​កីឡាករ​កំពូលៗ​ជាច្រើន​ចាប់តាំងពី​ពេល​នោះមក​។ ប៉ុន្តែ​កាលពី​រដូវ​កាល​មុន ក្រុម​នេះ​ខកខាន​មិនបាន​ឆ្លង​ផុត​វគ្គ​ជម្រុះ​ក្នុង​ពូ​ល​ផង​ទេ​។ ក្រុម​នេះ​បានបញ្ចប់​១០​ពិន្ទុ​នៅក្នុង​ពូ​ល ប៉ុន្តែ​នៅតែ​អាច​បញ្ចប់​ត្រឹម​លេខ​រៀង​ទី​៣​។​
​ ​
​ក្រោយមក ក្រុម​នេះ​បន្ត​ចាញ់​ក្រុម Getafe នៅ​វគ្គ​៣២​ក្រុម​ចុងក្រោយ​នៅ​ក្របខណ្ឌ Europa League ដូច្នេះ​ប្រាកដជា​ចង់​ធ្វើ​ឲ្យ​បានល្អ​នៅពេលនេះ​។ ក្រុម Ajax ឈរ​នៅ​លេខ​រៀង​ទី​២ ស្របពេល​ក្រុម​នេះ​រកបាន​ជ័យជម្នះ​៤​ប្រកួត​និង​ចាញ់​មួយ​ប្រកួត​ឆ្លងកាត់​៥​ប្រកួត​ក្នុង​លី​ក​។​
​ ​
​កាលពី​ថ្ងៃអាទិត្យ ក្រុម​នេះ​បាន​យកឈ្នះ​ក្រុម Heerenveen ៥-១ ក្នុង​ទឹកដី ដោយ​រកបាន​២ គ្រាប់​។ នោះ​គឺជា​ស្ថិតិ​ល្អ​មួយ​នៅ​ក្របខណ្ឌ​ឆេ​ម​ពាន​លី​ក ប៉ុន្តែ​ពីរ​ប្រកួត​ចុងក្រោយ​ក្រុម​នេះ ចាញ់​ក្រុម Chelsea និង​ក្រុម Valencia ។ ទោះបីជា​យ៉ាងណា ក្រុម Liverpool មានសង្ឃឹម​ឈ្នះ ច្រើន​៕
​ទស្សន​: Ajax 2-3 Liverpool
Bayern Munich vs Ath. Madrid

ក្រុម Bayern Munich នឹង​ចាប់ផ្តើម​ការពារ​តំណែង​ជើងឯក​នៅ​ក្របខណ្ឌ​ឆេ​ម​ពាន​លី​កនៅ ពេល​ពួកគេ​ត្រូវ​ជួប​ប្រកួត​ជាមួយ​ក្រុម Atletico Madrid ក្នុង​ទឹកដី​នៅ​ថ្ងៃ​ពុធ​ក្នុង​ពូ​ល A ។​
​ ​
​ក្រុម​ទាំងពីរ​នេះ​ឈាន​ជើង​ចូលរួម​ការប្រកួត​នេះ​ដោយមាន​ស្ថិតិ​ឈ្នះ​ក្នុង​លី​ក​ដូចគ្នា​។ ក្រុម Bayern បាន​យកឈ្នះ​ក្រុម Arminia Bielefeld ៤-១ ពី​ក្នុង​ទឹកដី​នៅ​ក្របខណ្ឌ Bundesliga ខណៈ​ក្រុម Atletico រកបាន​ជ័យជម្នះ​២-០ លើ​ក្រុម​កម្រិត​មធ្យម Celta Vigo ។​
​ ​
​កាលពី​រដូវ​កាល​មុន ក្រុម Bayern ឈ្នះ​ការប្រកួត​ទាំងអស់​នៅ​ក្របខណ្ឌ​ឆេ​ម​ពាន​លី​ក​ខណៈ​ពួក គេ​បន្ត​លើក​ពាន​ជើងឯក ហើយ​ពិត​ជាមាន​អារម្មណ៍​សប្បាយចិត្ត​ក្នុង​ចាប់ផ្តើម​ការប្រកួត​នៅ​ពហុ កីឡាដ្ឋាន Allianz Arena ទី​ដែល​ពួកគេ​មិនទាន់​ស្គាល់​ពាក្យ​ថា ចាញ់​រយៈពេល​ជិត​មួយឆ្នាំ​។​
​ ​
​កាលពី​លើក​មុន ក្រុម Bayern ចាញ់​ការប្រកួត​ក្នុង​ទឹកដី​គឺ​កើតមាន​កាលពី​ខែវិច្ឆិកា ឆ្នាំ​២០១៩ និង​បន្ត​ដោយ​មិន​ស្គាល់​ពាក្យ​ថា ចាញ់​ក្នុង​១៦​ប្រកួត​។ ប៉ុន្តែ​ក្រុម​នេះ​មាន​បញ្ហា​បន្តិចបន្តួច​ដែរ ដោយនៅ​រដូវ​កាល​នេះ ពួកគេ​ចាញ់​ក្រុម Hoffenheim ៤-១ ប៉ុន្តែ​ចាប់តាំងពី​ពេល​នោះមក ក្រុម​នេះ​ហាក់ដូចជា​ស្តា​ទម្រង់​លេង ហើយ​បន្ត​យកឈ្នះ​បួន​ប្រកួត​ជាប់​គ្នា​។​
​ ​
​ក្នុង​១១​ប្រកួត​ជាប់​គ្នា​នៅ​ក្របខណ្ឌ​ឆេ​ម​ពាន​លី​ក ក្រុម Bayern រក្សាបាន​ស្ថិតិ​ឈ្នះ​យូរ​ជាងគេ​ក្នុង ប្រវត្តិសាស្ត្រ​នៃ​ការប្រកួត​នៅ​ក្របខណ្ឌ​នេះ​។ ក្រុម​នេះ​ឈ្នះ​៦​ប្រកួត​ក្នុង​៧​ប្រកួត​ក្នុង​ទឹកដី នៅ​ក្របខណ្ឌ​ឆេ​ម​ពាន​លី​ក ហើយ​រកបាន​២​ឬ​ច្រើនជាង​នេះ​ក្នុង​៦​ប្រកួត​។​
​ ​
​នេះ​គឺជា​លើក​ទី​៤​ហើយ ដែល​ក្រុម​ទាំងពីរ​ប្រឈមមុខ​ដាក់គ្នា​នៅ​ក្របខណ្ឌ​ឆេ​ម​ពាន​លី​ក ហើយ​ក្រុម​ទាំងពីរ​នេះ​អាច​រកបាន​ជ័យជម្នះ​ពីរ​ប្រកួត​ដូចគ្នា​។​
​ ​
​ក្រុម​ទាំងពីរ​ឈាន​ជើង​ចូលរួម​ការប្រកួត​នេះ បន្ទាប់ពី​ពួកគេ​ចាប់ផ្តើម​បានល្អ​ដូចគ្នា​នៅ រដូវ​កាល​នេះ ដោយ​មិនទាន់​ស្គាល់​ពាក្យ​ថា ចាញ់​នៅឡើយ​ទេ​ហើយ​បន្ទាប់ពី​រក្សាបាន​ឃ្លី​ន​ស៊ីត ៣​ប្រកួត​ជាប់​គ្នា​។ ក្រុម Atletico បាន​យកឈ្នះ​ក្រុម Celta Vigo ២-០ នៅក្នុង​ដំណើរ​ទៅកាន់ ប្រទេស​អាល្លឺម៉ង់ ដោយ​កីឡាករ​ជើងចាស់ ល្វី​ស ស្វា​រ៉េ​ស (Luiz Suarez) រកបាន​គ្រាប់​បាល់​ទី​៣ របស់ខ្លួន​ក្នុងការ​បង្ហាញមុខ​៤​ប្រកួត​សម្រាប់​ក្រុម Atletico ។​
​ ​
​ក្រុម Atletico ដឹង​ច្បាស់​ពី​វិន័យ​នៅ​តំបន់​ការពារ​របស់ខ្លួន​ហើយ​បន្ទាប់ពី​របូត​ត្រឹម​១​ក្នុង​៤ ប្រកួត​ចុងក្រោយ​នៅ​រដូវ​កាល​នេះ ពួកគេ​ស្វែងរក​ឱកាស​បន្ថែម​ទម្រង់​លេង​ដ៏​ល្អ​នៅទីនេះ ហើយ​យើង​រំពឹងថា នឹងមាន​ការប្រកួត​ដ៏​តឹងតែង​មួយ​នៅពេល​ខាងមុខនេះ​។​
​ ​
​ក្រុម Atletico ធ្លាប់​រក្សាបាន​ឃ្លី​ន​ស៊ីត​១​ប្រកួត​នៅក្នុង​៦​ប្រកួត​ក្រៅ​ទឹកដី​នៅ​ក្របខណ្ឌ​ឆេ​ម​ពាន លី​ក ហើយ​របូត​២​គ្រាប់​ឬ​ច្រើនជាង​នេះ​ក្នុង​បួន​ប្រកួត​ចំណោម​៦​ប្រកួត​ចុងក្រោយ ។​
​ទស្សន​: Bayern Munich 3-1 Atletico Madrid
Real Madrid vs Shakhtar

ក្រុម Real Madrid ជួប​បរាជ័យ​យ៉ាង​អាម៉ាស់​នៅ​ក្របខណ្ឌ La Liga កាលពី​ថ្ងៃ​សៅរ៍ ហើយ នឹង​ស្វះស្វែង​ស្តា​មុខមាត់​ឡើងវិញ នៅពេល​ពួកគេ​ចូលរួម​ប្រកួត​នៅ​ក្របខណ្ឌ​ឆេ​ម​ពាន​លី​ក ស្របពេល​ពួកគេ​ត្រូវ​ប្រឈម​មុខជា​មួយក្រុម​កម្រិត​មធ្យម​មួយ​នៅ​អឺរ៉ុប​គឺ​ក្រុម Shakhtar Donetsk នៅ​ថ្ងៃ​ពុធ​នេះ​។​
​ ​
​ឈាន​ជើង​ចូលរួម​ការប្រកួត​នេះ ក្រុម​ទាំងពីរ​មាន​លទ្ធផល​ខុសគ្នា ដោយ​ក្រុម Shakhtar រកបាន​ជ័យជម្នះ​១​ប្រកួត​លើ​ក្រុម Lviv ៥-១ ក្នុង​ទឹកដី ខណៈ​ក្រុម Real Madrid ចាញ់​ក្រុម​ចំណូល ថ្មី Cadiz ១-០ ក្នុង​ទឹកដី​។​
​ ​
​ក្នុងការ​ប្រកួត​នេះ ប្រធាន​ក្រុម សឺ​ជី​អូ រ៉ា​ម៉ូ​ស (Sergio Ramos) របស់​ក្រុម Real Madrid បង្ខំចិត្ត​ប្តូរ​ចេញ​នៅ​តង់​ទី​២ ដោយ​សង្ស័យថា មាន​របួស​ក្បាលជង្គង់ ហើយ​មិនទាន់​ច្បាស់​ថា តើ​កីឡាករ​រូបនេះ​នឹង​បង្ហាញមុខ​សម្រាប់​ការប្រកួត​នៅ​ថ្ងៃ​ពុធ​ឬ​យ៉ាងណា​នោះទេ​។​
​ ​
​នេះ​ជា​បរាជ័យ​លើក​ទី​២​ហើយ​នៅ​រដូវ​កាល​នេះ​ដែល​ក្រុម Real Madrid​ខកខាន​មិនបាន​រក​គ្រាប់ បាល់​ក្នុង​ការប្រកួត​ក្នុង​២០​ប្រកួត​ចុងក្រោយ​។ ឈាន​ជើង​ចូលរួម​ការប្រកួត​នេះ ក្រុម Real Madrid សង្ឃឹមថា ពួកគេ​នឹង​ត្រឡប់​ទៅរក​ទម្រង់​លេង​ល្អ​ក្នុង​ទឹកដី​វិញ​បន្ទាប់ពី​ឈ្នះ​៨​ប្រកួត ក្នុងចំណោម​១០​ប្រកួត​ចុងក្រោយ​។​
​ ​
​ក្រុម​នេះ​ប្រាកដជា​ចងចាំ​នៅពេល​ពួកគេ​ចាញ់​ការប្រកួត​ចុងក្រោយ​ក្នុង​ទឹកដី​នៅ​ក្របខណ្ឌ​ឆេ​ម​ពាន​លី​ក ដោយសារ​ក្រុម Manchester City 2-1 នៅ​វគ្គ​៨​ក្រុម​ចុងក្រោយ​កាលពី​រដូវ​កាល​មុន​។​
​ ​
​ក្រុម​នេះ​ចាញ់​ការប្រកួត​ទាំងពីរ​ជើង បើទោះបីជា​គេ​ចាត់ទុកថា​ជា​ក្រុម​ជោគជ័យ​បំផុត​នៅ ក្របខណ្ឌ​នេះ​ក៏ដោយ ប៉ុន្តែ​ថ្មីៗ​នេះ ពួកគេ​ធ្វើ​មិនសូវ​បានល្អ​ទេ​។​នៅក្នុង​១១​ប្រកួត​ចុងក្រោយ នៅ​ក្របខណ្ឌ​ឆេ​ម​ពាន​លី​ក ក្រុម Real Madrid ឈ្នះ​បួន​ប្រកួត​ប៉ុន្តែ​ពួកគេ​រក្សា​ឃ្លី​ន​ស៊ីត​តែ ពីរ​ប្រកួត​ប៉ុណ្ណោះ​។​
​ ​
​នៅក្នុង​១១​ប្រកួត​ចុងក្រោយ​នៅ​ក្របខណ្ឌ​ឆេ​ម​ពាន​លី​ក ក្រុម Real Madrid ឈ្នះ​ត្រឹម​បួន​ប្រកួត និង​មានតែ​២​ប្រកួត​ប៉ុណ្ណោះ​ក្នុងចំណោម​១១ ដែល​ពួកគេ​រក្សាបាន​ឃ្លី​ន​ស៊ីត​។​
​ ​
​វា​គឺជា​រឿង​ឈឺចាប់​ផងដែរ​សម្រាប់​ពួកគេ​ក្នុង​ទឹកដី​ដោយ​ឈ្នះ​ត្រឹម​១​ប្រកួត​ចំណោម​៦ ប្រកួត​ចុងក្រោយ​និង​ចាញ់​បី​ប្រកួត​។ ទោះបីជា​យ៉ាងណា ក្រុម​នេះ​រកបាន​គ្រាប់​បាល់​ក្នុង ៥ ប្រកួត​ចុងក្រោយ​ក្នុង​ទឹកដី​។ ពួកគេ​របូត​៥​គ្រាប់​ក្នុង​៦​ប្រកួត​ចុងក្រោយ​។​
​ ​
​ក្រុម Real Madrid មិនល្អ​ដូចជា​ពួកគេ​ធ្លាប់​ធ្វើបាន​កាលពី​៥​ឆ្នាំមុន​ទេ​នៅពេល​ពួកគេ​យកឈ្នះ ក្រុម Shakhtar ៤-០ និង​ឈ្នះ ៤-៣ ក្នុង​រយៈពេល​ពីរ​ខែ​។ ក្រុម​យក្ស​អ៊ុយ​ក្រែ​ន​នេះ​គួរតែ​ដឹង ច្បាស់​ពី​រឿងនេះ និង​សប្បាយចិត្ត​នៅពេល​ជួប​ជាមួយ​ក្រុម Real Madrid បន្ទាប់ពី​ពួកគេ​ចាញ់ ក្នុង​ទឹកដី និង​គ្មាន​វត្តមាន​អ្នកគាំទ្រ​ដើម្បី​ផ្តល់​កម្លាំងចិត្ត​នោះ​។​
​ ​
​ចាំ​មើលថា តើ​ក្រុម​ណាមួយ​មានសំណាង​រកបាន​៣​ពិន្ទុ​នៅក្នុង​ការប្រកួត​កម្រិត​កំពូល​នៃ​វិស័យ បាល់ទាត់​អឺរ៉ុប​នេះ​៕ ប្រែ​សម្រួលៈ ពិសិដ្ឋ
​ទស្សន​: Real Madrid 2-0 Shakhtar

ទីតាំងផ្សាយពាណិជ្ជកម្ម

- Advertisment -

Most Popular

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...

ឡាន​ដឹក​ថ្ម​បុក​ម៉ូតូ​មួយ...

ដោយៈ​ស​រិ​ទ្ធ​/​ភ្នំពេញ​:...