Home កម្សាន្ត អូ ដាវី កាន់​...

អូ ដាវី កាន់​តែមាន​ទីផ្សារការងា​រ​សិល្បៈ កាន់តែ​បង្អួត​សម្រស់​

​ភ្នំពេញ​៖ តារា​សម្តែង​កញ្ញា អូ ដាវី ទើប​លេចមុខ​ក្នុង​វិស័យ​សិល្បៈ​ត្រឹម​រយៈពេល​ខ្លី​សោះ ក៏​ទទួលបាន​ការងារ​ជាច្រើន​ជា​បន្តបន្ទាប់ បើទោះបីជា​សម័យ​កូ​វិដ​១៩​ក៏ដោយ​ដែល​ផ្ទុយ ពី​តារា​ស្រីៗ​ផ្សេងទៀត ហើយ អ្វីដែល​កាន់តែ​ធ្វើឱ្យ​មហាជន​ចាប់អារម្មណ៍​នោះ គឺ​នាង​រឹតតែ បង្អួត​សម្រស់​សិច​ស៊ី ។

ទោះបីជា​កញ្ញា​ជាតា​រា​ស្រី​ជំនាន់​ថ្មី​ហើយ​ទើបនឹង​ប្រឡូក​ក្នុង​វិស័យ​សិល្បៈ​បានតែ​មួយ​១​ឆ្នាំក្រោយ​ជាប់​ជាបរ​វក​ញ្ញា​ផែនដី​ក៏ពិតមែន តែ​សម្រាប់​កញ្ញា ដាវី វិញ​មិន​ចាញ់​តារា​ស្រី​ល្បីៗ​ផ្សេង ទៀតឡើយ ដោយ មិន​ត្រឹម​តែមាន​សកម្មភាព​ការងារ​ជា​ហូរហែរ​នោះទេ គឺ​នាង​បានបង្ហាញ សម្រស់​របស់​នាង និង រូបរាង​ដងខ្លួន​សិច​ស៊ី​របស់​នាង ពេញ​លើ​បណ្តាញ​សង្គម​តែម្តង​។

កញ្ញា ដាវី បាន​ប្រាប់​រស្មី​កម្ពុជា​កាលពី​ថ្ងៃទី​២០ ខែតុលា ឆ្នាំ​២០២០​ថា នាង​ទើបតែ​បញ្ចប់​ការងារ ថត​រឿង​ភាគ​ថ្មី​គឺ​រឿង “​ទឹក​និង​ប្រេង​” ហើយ ត្រៀម​ចាក់​បញ្ចាំង​នៅ​ស្ថានីយទូរទស្សន៍​លេខ​៥ ខាងមុខនេះ ខណៈ​នាង​កាន់តំណែង​ជា​តួឯក​រង​។

​កញ្ញា​បាន​បន្តទៀតថា អ្វីដែល​នាង​មមាញឹក​ខ្លាំង​នោះ គឺ​មួយរយៈ​ចុងក្រោយ​នាង​ទទួល ការថត​ស្ព​ត​ពាណិជ្ជកម្ម​ជាច្រើន​ជាពិសេស​របស់​ក្រុមហ៊ុន​ធំ ធនាគារ​ប្រា​សាក់ និង មី​ជាតិ ៕ ដោយ បូ​រិ​ន

ទីតាំងផ្សាយពាណិជ្ជកម្ម

- Advertisment -

Most Popular