Home ព័ត៌មានជាតិ សន្តិសុខ ​មនុស្ស​៦៩៨​ន...

​មនុស្ស​៦៩៨​នាក់​ស្លាប់​និង​របួស​២.១៨៥​នាក់​ក្នុង​គ្រោះថ្នាក់​ចរាចរណ៍​រយៈពេល​១៧៣​ថ្ងៃ​

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ឯក​ឆាយ​គឹម​ខឿន​អ្នកនាំពាក្យ​អគ្គស្នងការដ្ឋាន​នគរ​បាល​ជាតិ បាន​ថ្លែងប្រាប់​រស្មី​កម្ពុជា​កាលពី​ថ្ងៃទី​២០ ខែតុលា​ថាៈ គ្រោះថ្នាក់​ចរាចរណ៍​រយៈ​ពេល ១៧៣​ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​២០ ខែតុលា ឆ្នាំ​២០២០ ស្លាប់​មនុស្ស​ចំនួន ៦៩៨​នាក់ របួស​ចំនួន ២១៨៥​នាក់ ក្នុងនោះ​របួសធ្ងន់ ១.៣០៩​នាក់​។

​សម្រាប់​គ្រោះថ្នាក់​ចរាចរណ៍​នៅ​ថ្ងៃទី​២០ ខែតុលា ឆ្នាំ​២០២០ កើតឡើង​ចំនួន ៤​លើក ស្លាប់ ៣​នាក់ និង​របួសធ្ងន់​៣​នាក់​។​អ្នកនាំពាក្យ​អគ្គស្នងការដ្ឋាន​នគរ​បាល​ជាតិ​បាន​បន្តទៀតថា​សម្រាប់​លទ្ធផល​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក តាម​ស្មារតី​អនុក្រឹត្យ​លេខ​៣៩ រយៈពេល ១៧៣​ថ្ងៃ គិត​ចាប់ពី​ថ្ងៃទី​១ ខែឧសភា​ដល់​ថ្ងៃទី​២០​ខែតុលា​ឆ្នាំ​២០២០​យានយន្ត​ដែល​ត្រូវបាន​ត្រួតពិនិត្យ និង​ផាកពិន័យ សរុប​ចំនួន​ជាង ១៩​ម៉ឺន​គ្រឿង ក្នុងនោះ​ម៉ូតូ​មាន​ចំនួន​ជាង ១៤​ម៉ឺន​គ្រឿង និង​រថយន្ត​មាន​ចំនួន​ជិត ៥​ម៉ឺន​គ្រឿង​។

​លោក​ឧ​ត្ត​ម​សេនីយ៍​ឯក ឆាយ គឹម​ខឿន បញ្ជាក់ថា បទល្មើស​ភាគច្រើន​សម្រាប់​ម៉ូតូ និង​រថយន្ត គឺ​អត់​ពាក់មួក​សុវត្ថិភាព ល្មើស​សញ្ញា បត់​ជែង លើស​ចំណុះ ស្រវឹង អត់​ស្លាក​លេខ ល្មើស​ល្បឿន អត់​ប័ណ្ណបើកបរ អត់​ខ្សែក្រវ៉ាត់ និង​និយាយ​ទូរស័ព្ទ​ពេល​បើកបរ​៕S/

​រូបថត​លោក​ឧ​ត្ត​ម​សេនីយ៍​ឯក ឆាយ គឹម​ខឿន​គ្រោះថ្នាក់​ចរាចរណ៍​យានយន្ត​ផាកពិន័យ​

ទីតាំងផ្សាយពាណិជ្ជកម្ម

- Advertisment -

Most Popular

​ហោរាសាស្ត្រ​

​ ប្រចាំថ្ងៃ សៅរ៍ ទី ២៨​...

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...